am abude :

ام زيد -بريطانيا هذا الموضوع كولش حلو واكيد راح يكون مشوق هوايه وراح نتونس عليه عاشت ايدج عليه يله لعد انتي اول وحد ابدي سمعينا قصتج بس بنات انريد التفصيل الممل جدا سولفولنه شلون صارت القسمه وشلون وشلون وشلون

ام زيد -بريطانيا هذا الموضوع كولش حلو واكيد راح يكون مشوق هوايه وراح نتونس عليه عاشت ايدج عليه...

البغدادية :

لو تدرون اني شنو جنت اتمنى ؟ اولا اني مجنت اريد اتزوج ما اعرف ليش مجان يستهويني الزواج والاطفال بصراحة لأن مجنت احب الاطفال لأن اني عندي اخوة 4 كلهم ولد اصغر مني فاني جنت مبتلية بيهم وية امي فتعقدت من الجهال , وجنت اتمنى اذا اضطريت وتزوجت يكون الرجال عنده مشكلة وميصير عنده اطفال حتى منسوي جهال :22: , لكن ورة شهر من الزواج بينت بوادر الحمل وجبت بنية وانصدم زوجي ( هسة مينة عنده روحه وحياته) وسميتها مينة لأن جنت كلش احب هالاسم واحنا اتفقنا اني أسمي اذا بنية وهو يسمي اذا ولد. ورة مجبت مينة بالنسبة اللي كافي جبنا بنية وثبتت انو اني احبل واجيب فكافي , كلي لا اني اريد ولد .... البقية بالعدد القادم

لو تدرون اني شنو جنت اتمنى ؟ اولا اني مجنت اريد اتزوج ما اعرف ليش مجان يستهويني الزواج والاطفال...

Layali*Baghdad :

السلام عليكم ورحمة الله وبركاته..:) أشلونكم حبايبي..اشتاقيتلكم هوايه والله.. بس..كومبيوتري جان خربان..وصارله 3 اسابيع عند المصلح.. اول اسبوع خابرتهم..كلتلهم الكومبيوتر صارله اسبوع يمكم..لحد هسه ما صلحتوه؟كالولي بس البارحه يالله اجه دور كومبيوتري..وكالوا جان عليهم ظغط هوايه.. وكل مره اخابرهم يكولولي منعرف شنو المشكله.. قبل ربع ساعه وصلني الكومبيوتر الجديد..قصدي المونيتر بس..(الشاشه) الهارد درايف ما كان بيه شي..بس الشاشه عطلانه..والحمد لله وصلتني شاشه جديده بعد انتظار طوييييل.. بالنسبه لأخر اخباري..اني صار عندي اسقاط..وللمرة الثانيه وما اعرف شنو السبب.. والبارحه سويت عملية D&C او مثل ما يكولون..شفط للمشيمه والجنين الميّت.. اسم الله على كل خواتي الحوامل هنا..وان شاء الله بأذن الله يكمل حملهن على خير واللي ما تحمل اتصير حامل عالواهس:) صارلي تقريبا 3 اسابيع كل اسبوع اسوي التراساوند.. وكل مره يكولولي ماكو (هارت بيت) مال بيبي. وبعدين سويت تحليل دم وبين انته هرمون الحمل نازل اشويه..بالبدايه كان كلش عالي.. دكتورتي كالتلي ماكو غير اتسوين العمليه واتنزلين الجنين لانه ما تكدرين تحتفظين بيه فتره اطول اخاف يتسمم جسمج.. قدر الله ما شاء..الحمد لله على كل حال.. ناديه حبيبتي..شكرا على الرسائل اللي تركتي لي اياها عالياهو..هسه يالله شفتها.. واني البارحه بس يالله اتذكرت انه اكدر ادز ايميل من موبايلي.. دزيتلج ايميل بس ما متأكدة وصلج لو لا..لانه موبايلي جديد وما قاريه التعليمات اللي بيه.. ان شاء الله راح اقره الردود مال البنات اللي فاتتني.. سلامي:26:

السلام عليكم ورحمة الله وبركاته..:) أشلونكم حبايبي..اشتاقيتلكم هوايه والله.. بس..كومبيوتري جان...