banuk :

صباح الخير ياحلوين اولا مشكوره على اجاباتكم الحلوة والحمد لله انو الفكرة عجبتكم ثانيا اهلا بانس المكان والحمد لله على السلامة وان شاء الله تتيسر اموركم بكندا وخلي نشوفج يوميه وحلوة الحكم اللي منزلته مشمشه شلونج ميخالف ان شاء الله من تشوفين النونو تنسين كل التعب وتسوين رياضه وتنزلين وزنج مثل ماسوينه احنه هههههه:22: بهراء عيني الله يسهل حملج وتقومين بالسلامة وهسه اكلي نستله هوايه علمود الجاهل يطلع دمه نستله ههههههههه

صباح الخير ياحلوين اولا مشكوره على اجاباتكم الحلوة والحمد لله انو الفكرة عجبتكم ثانيا اهلا بانس...

banuk :

اعلان الى بنات الختمه ان شاء الله كلنه نلتم يوم الاثنين الساعه الثالثه ونص ظهرا حسب توقيت كرنتش علمود نقهر دعاء الختمه وندعي لاهلنا بالعراق ولكل العراق ونبدي بالختمه الثانيه لان ماشاء الله دااشوف الختمه الثانيه عليه طلبات هوايه

اعلان الى بنات الختمه ان شاء الله كلنه نلتم يوم الاثنين الساعه الثالثه ونص ظهرا حسب توقيت كرنتش...

banuk :

:3_10_6: هله بعروستنا جمانه بغداد شلونج ان شاء الله مرتاحة بكندا واخيراااااااااا الحمد لله فرجت :22: يله تعالي خلي نشوفج علمود نسويلج عرس بالمنتدى لتطولين مشتاقيلج هوايه والف الف الف الف الف مبروك شايف خير ومستاهله زوجناها وههههههههه

:3_10_6: هله بعروستنا جمانه بغداد شلونج ان شاء الله مرتاحة بكندا واخيراااااااااا الحمد لله فرجت...

ام عبدالقادر :

السلام عليكم ورحمه الله وبركاته اني اول وحده راح اشارك بموضوعج ام مرومه .. بسم الله الرحمن الرحيم . الصبح ساعة بيش تكعدين من النوم وباليل ساعة بيش تنامين اقعد ب10 او 11 ..طبعا كلش متأخر بس دا احاول اعدل نومتي بس من ورى الصغار روان اقعدلها فد مرتين وياسين فد 6 مرات .. الافندي كل رضاعته يتذكرها بالليل :09:..وانام متأخره ب2 ونص حوالي . يوميه تطبخين لو تطبخين كل يومين يعني اكلة وحده وتاكلوه يومين اكثر الايام اطبخ ليومين ..علمود باليوم الي ميكون عندي بيه طبخ اخلص شغل البيت .. تنظيف البيت يوميه لو بالاسبوع مره لو بالشهر مره مسح البيت بالاسبوع مره ..كنس يوميه .. يوميه تنظيف ومسح المطبخ يوميه:09: .الحمام والتوليت بين يوم ويوم ..بسبب روان خاتون ووكاحتها :oما اقدر انظف كل يوم جهالكم ينامون بساعة محدده كل يوم لو مو شرط على راحتهم يوميه شكل احاول انيم روان ب10 او 10 ونص ..وياسين نومه متقطع بالليل . تسوين رياضه يوميا لو شهريا لو سنويا لو ماكو ماكو لانه جنت ما محتاجه بس هذا الصيف لاززززم لانه كلش محتاجه ان شاء الله اطلع امشي(على اساس هذه رياضه ) مسواك البيت اسبوعي لو مو شرط مسواك البيت شهري ويصير كلش جبير ..والخضروات حوالي كل يومين والثاني وهاي شغله ابو روان من تطلعون للسوك اكثر محل يعجبكم ترحوله حتى لو مشتريتوا شى ( يعني اهتماماتكم بشنو ) هدوم الجهال لازم :p..محل للاثاث ممتاز وغالي كلش علمود أنقهر:22: من اشوف الاثاث الي يخبل .. علاقتج مو زوجك علاقه روتينيه لو بيه شى من الرومانسيه جنت اتمنى تكون رومانسيه:06: بس الوكت خلاها جديه:16: غصبن ماعليج . ماهي طموحاتك وهل تفكرين بيوم انو تشتغلين لو ميعجبج لو ميقبل اتمنى وان شاء الله يكبرون الجهال وينطوني مجال اشوف دربي وهو موافق وب10 همين . لو عاد بك الزمن الى الوراء شنوي اللي ممكن متسويه او تغيريه اتمنى يرجع الوكت وأحضن اخويه :44:واقوله اني احبك هوايه هوايه وانت احسن شخص بالعالم كله .بس لاسف ما كتله وياريت كل وحده عدها اخ تحبه اشكد ما تكدر وتقوله اني احبك ترى كلمه احبك لاخ مو عيب .. كوليلها مكاني ..لاني اني اخويه يدري اني احبه بس عمري ما كتله اني احبك ..:( هل مقتنعه بالبلد اللي تعيشين بيه اي تحبيه ( ماهو البلد اللي تتمنين تعيشين بيه ) لالالالالالالالالالالالالالالالا:42:..مع انه السويد احسن تعامل بالعالم ويه البشر شنو متكون جنسيته بس ...ما اكدر ابدل شبر من بغداد بجنه السويد ماهي امنيتج اللي تتمنين انو تتحقق السلام لاهلي وللعراق ,,,الامان الامان الامان وعليكم السلام ورحمه الله وبركاته

السلام عليكم ورحمه الله وبركاته اني اول وحده راح اشارك بموضوعج ام مرومه .. بسم الله الرحمن...

thinsation :

شنو هالموضوع الحلو بان خلي اجاوب بااختصار عيني ام عبد القادر غرت منج ودارد بنفس اللون 1. الصبح ساعة بيش تكعدين من النوم وبالليل ساعة بيش تنامين قبل الحمل كنت انام بال 1 واكعد بالفجر للصلاة بعدين زوجي يروح لشغله وارجع اغفى فد ساعة الى ساعتين بس الجدول تغير من حملت لهسة انام فد بال 11 الليل واكعد ورا 3 ساعات مثل المنبه خخ والله كل ليلة عيوني مجقولة بالسقف لان مااقدر انام الى ان يااءذن والرجال يقوم ويروح شغله واني اكعد وحيدة فريدة 2. يوميه تطبخين لو تطبخين كل يومين يعني اكلة وحده وتاكلوه يومين ? والله حسب بس اغلب الاحيان مااطبخ يومية اتعاجز:07: 3. تنظيف البيت يوميه لو بالاسبوع مره لو بالشهر مره هههههه والتنظيف اقصد بيه تنظيف كامل للبيت مو تنظفين غرفه وحده تحسبين منظفه البيت :22: وتنظفين البيت بيوم واحد لو بالتقسيط والله ارتب يومية بس انظف تنظيف شامل اسبوعيا 4. جهالكم ينامون بساعة محدده كل يوم لو مو شرط على راحتهم يوميه شكل SKIP بعدني بالطريق:baby2: 5. تسوين رياضه يوميا لو شهريا لو سنويا لو ماكو عزة شنو هالاحراج ههه ايه اني اموت على الرياضة وامارسها من تشوفين النجم بعز الظهر خخخ:40: 6. مسواك البيت اسبوعي لو مو شرط والله مسواك البيت مرة بالاسبوع ومرات مرتين بالاسبوع 7. من تطلعون للسوك اكثر محل يعجبكم ترحوله حتى لو مشتريتوا شى ( يعني اهتماماتكم بشنو ). اهنا بيت القصيد والله اي محل بيه سليفون يلمع مال نساتل لو كيك ههه هناك تلقيني...واذا رجلي قال امشي اكلي قطعة مو تاخذين المحل كله بذاك الوقت اشد ربطتي بفد ميز واخبصها للدنيا الى ان يشتريلي هه ناس ماتجي الا بالعين الحمرة:024: 8. علاقتج مو زوجك علاقه روتينيه لو بيه شى من الرومانسيه تقدرين تقولين حسب ايام الاسبوع منو مطنكر ومنو اله خلك :king: 9. ماهي طموحاتك وهل تفكرين بيوم انو تشتغلين لو ميعجبج لو :arb: ميقبل والله يعجبني اشتغل وزوجي مايدخل ابد يعتبر القرار قراري بس اريد ارتاح ومن افكر بالشغل اقول وين اكو راحة وطبعا كل واحد حسب تخصصه والشغل يعتمد عليه كلش وهذا الي يبعدني عن الشغل 10. لو عاد بك الزمن الى الوراء شنوي اللي ممكن متسويه او تغيريه هواي اشياء بس افضل انسى 11. هل مقتنعه بالبلد اللي تعيشين بيه اي تحبيه ( ماهو البلد اللي تتمنين تعيشين بيه ) الحمد لله مقتنعة البلد بالنسبة الي هو زوجي وخواتي الله يخليهم وجهالهم بس اتمنى ازور السعودية ولو الضروف ماتسمح الله يرزقنا حج بيته ومسجد الرسول صلى الله عليه واله وصحبه وسلم 12. اخر سؤال ماهي امنيتج اللي تتمنين انو تتحقق والله هواي امنيات منها ان الله يهديني ويثبت ايماني ويرزقني الجنة ومايفرقني عن زوجي نور عيني ولا عن خواتي ويجمعني بيهم بجنة الفردوس وية اخوية ابو رحمة الله يرحمه ويغفرله وبارك الله بيج بان على الموضوع وترى منتظرة ردود كل البنات واولهم انتي

شنو هالموضوع الحلو بان خلي اجاوب بااختصار عيني ام عبد القادر غرت منج ودارد بنفس اللون 1. الصبح...