mamazozo :

[SIZE=5]1. الصبح ساعة بيش تكعدين من النوم وباليل ساعة بيش تنامين شوفي اكعد بالسبعه وربع الصبح ادز علاوي بالباص للمدرسه واودي زينه بثمانيه وارجع مرات انام وبالغالب اضل كاعده وبالليل انام متاخره مرات وحده ثنتين على حسب تعب النهار 2. يوميه تطبخين لو تطبخين كل يومين يعني اكلة وحده وتاكلوه يومين ؟ اطبخ يوميه لكن اذا ضل اكل من اليوم ثاني يوم اسوي شي بسيط وياه واذا عندي عزومه يبقه الاكل يوم ويومين 3. تنظيف البيت يوميه لو بالاسبوع مره لو بالشهر مره هههههه والتنظيف اقصد بيه تنظيف كامل للبيت مو تنظفين غرفه وحده تحسبين منظفه البيت وتنظفين البيت بيوم واحد لو بالتقسيط يوميه فرران وما ملحقه بس تنظيف صدك صدك كل اسبوع او اذا عندي عزومه وهذي الشغله عندي مستمره واحيانا ابلش بالمطبخ اقلبه جوه وبرى ما اخلصه بيوم يعني حسب المزاج لكن لازم اكول اكرررررررره غسل المواعين 4. جهالكم ينامون بساعة محدده كل يوم لو مو شرط على راحتهم يوميه شكل لا همه مدارس يعني بالتسعه ونص اخليهم يرحون لغرفتهم بس همه يضلون للعشره وبعطلتهم اخليهم يستمتعون على راحتهم يعني يكعدون متاخرين وينامون عال11 5. تسوين رياضه يوميا لو شهريا لو سنويا لو ماكو :7_5_122: رياضه تمارين نادرا بس احب المشي وبالصيف تقريبا امشي يوميه اني والاطفال 6. مسواك البيت اسبوعي لو مو شرط 7. من تطلعون للسوك اكثر محل يعجبكم ترحوله حتى لو مشتريتوا شى ( يعني اهتماماتكم بشنو ) مسواكي بالنسبه للاكل اسبوعي واكون حاسبه حساب على الكميه الي تكفيني وحتى اذا عوزت اشياء امشي بالموجود المهم اسبوعيا وبالنسبه للمحلات الثانيه ادخل كل المحلات واتونس مرات اشتري ومرات لا بس اذا قريت بالجريده على محل وخصوصا اذا محل زين عنده تخفيض اروحله لان المحلات الغاليه مرات تنزل بضاعتها بسعر كلش رخيص واكثر شي على اشياء الاطفال وملابسهم 8. علاقتج مع زوجك علاقه روتينيه لو بيه شى من الرومانسيه هي بصراحه روتينيه وغالب عليها جديه وهذي طبيعه زوجي لكن طبعا اكو ساعه صفا وساعه جذب قصدي (حب وغرام) يعني مشكل على حسب 9. ماهي طموحاتك وهل تفكرين بيوم انو تشتغلين لو ميعجبج لو :arb: ميقبل شوفي من فكرت بالزواج خارج العراق وامريكا خصوصا جنت لسه متخرجه فتصورت اجي اكمل هنا بس هذا الشي ما صار وتبخر وطموحي استفاد من علم هذا البلد شي يفيدني اذا رجعت والشغل ما اعتقد يوافق زوجي لان يحسبها ماديا يعني اذا ما محتاجين شكو مشتغله 10. لو عاد بك الزمن الى الوراء شنوي اللي ممكن متسويه او تغيريه هوايه اشياء اهمها قراري بالغربه لانها غيرت مجرى حياتي وضيعت مني هوايه امور واهمها بعدي عن اهلي ودراستي وصديقاتي وووووو.............. لكن ما متندمه على اختياري لزوجي يعني لو متزوجته بس بالعراق احسن من هنا ولو عاد بيه الزمن جان ما مر يوم ما ابوس ايد امي وراسهه بس شيرجع الزمن 11. هل مقتنعه بالبلد اللي تعيشين بيه اي تحبيه ( ماهو البلد اللي تتمنين تعيشين بيه ) حاليا اي مقنعه بس بالسنين الاولى تعبت وتخبلت وخبلت الرجال الا شويه وما اعتقد يعجبني غير بلد لاني ما احب التغيير هواي يعني يا هنا ياالعراق 12. اخر سؤال ماهي امنيتج اللي تتمنين انو تتحقق اتمنى .................... شي بنفسي ما اكدر اكوله واتمنى يستقر الوضع بالعراق وارجوا ان تعجبكم الفكره :22: [/SIZEوالفكره كلش حلوه

[SIZE=5]1. الصبح ساعة بيش تكعدين من النوم وباليل ساعة بيش تنامين شوفي اكعد بالسبعه وربع الصبح...

اغلى وطن :

هسه اجي على موضوع بان:) 1. الصبح ساعة بيش تكعدين من النوم وباليل ساعة بيش تنامين اكعد بال 6 او 6 ونص يطلع زوجي للشغل وبعدين اريك مريومة واوديهه للمدرسة بال 8 وبالليل انام بين ال 11وال12 2. يوميه تطبخين لو تطبخين كل يومين يعني اكلة وحده وتاكلوه يومين :7_2_103v: حسب ايام وايام وحسب طلبات:arb: , بس دائما من اطبخ اطبخ مال مرتين حتى احطه بالتجميد للظروف الطارئة او اذا متعاجزة وماطابخة:22: 3. تنظيف البيت يوميه لو بالاسبوع مره لو بالشهر مره هههههه والتنظيف اقصد بيه تنظيف كامل للبيت مو تنظفين غرفه وحده تحسبين منظفه البيت وتنظفين البيت بيوم واحد لو بالتقسيط هنا السويد جوها نظيف فمسح الاخشاب يادوب مرة بالاسبوع وهمين متلكين شئ, بس الحمامات تكرمون بين يوم ويوم والباقي السجاد بالمكنسة الكهربائية والمسح مرة بالاسبوع.والغسيل همين مرة بالاسبوع:22: 4. جهالكم ينامون بساعة محدده كل يوم لو مو شرط على راحتهم يوميه شكل هذا السؤال اللي خلاني أأجل فكرة الطفل 5 سنين:09: ,مشكلة مريم هو النوم كلش قليلة نوم وتنام مابين ال 10 وال 12 بالليل 5. تسوين رياضه يوميا لو شهريا لو سنويا لو ماكو قبل الحمل كنت تقريبا تقريبا يوميا لان جنت انزل وزن بس هسه بس يادوب مشي خفيف اوصل مريم للمدرسة لان كلش قريبة يعني يادوب 3 دقائق 6. مسواك البيت اسبوعي لو مو شرط المسواك كل يوم سبت اسبوعياً بس مرات اذا نقص عندي حاجة امر لاقرب سوبر ماركت 7. من تطلعون للسوك اكثر محل يعجبكم ترحوله حتى لو مشتريتوا شى ( يعني اهتماماتكم بشنو ) ملابس الاطفال وديكورات البيت 8. علاقتج بزوجك علاقه روتينيه لو بيه شى من الرومانسيه يعني بين وبين حبة فوق وحبة تحت لان اذا كلها روتين ملل واذا كلها رومانسية همين ملل:30: 9. ماهي طموحاتك وهل تفكرين بيوم انو تشتغلين لو ميعجبج لو :arb: ميقبل ان شاء الله الخطوة التالية هو الشغل وزوجي الحمدلله مايمانع بس على شرط انه فقط العمل يكون ضمن مجال اختصاصي يعني كطبيبة بيطرية . 10. لو عاد بك الزمن الى الوراء شنوي اللي ممكن متسويه او تغيريه جان بدال ما ضيعت سنة بالاقامة قدمت ماجستير, الشئ الوحيد اللي ندمانة عليه 11. هل مقتنعه بالبلد اللي تعيشين بيه اي تحبيه ( ماهو البلد اللي تتمنين تعيشين بيه ) نوعاً ما بديت اتاقلم وية الوضع وخصوصاً بعد كل سفرة خارج السويد واشوف تعامل العرب والفرق بين تعامل الغرب وخصوصا انهم لا ينتمون لا الى ديننا ولا الى قوميتنا وبسبب الوضع بالعراق, وأكيد المكان الوحيد اللي اتمنى العيش بيه هو العراق الحبيب بس عسى الله يفرجهه ويرجع مثل ما كان امين يارب . 12. اخر سؤال ماهي امنيتج اللي تتمنين انو تتحقق امنيتي هي ان يرجع العراق مثل يوم اللي تركته والناس مثل ماجانوا , وان يقدرني واربي اطفالي تربية صالحة .وان يحسن خاتمتي اني وزوجي وكل المسلمين ان شاء الله:26: طبعا نريد الصراحة لان هذا برنامج بالصراحة احلى ههههههههه لان منريد مجاملات بالموضوع واذا متردين لتجاوبي على بعض الاسئلة بس اللي تجاوبيه تكونين صادقه بيه وارجوا ان تعجبكم الفكره [/QUOTE] هذا كلشي وبكل صراحة والفكرة كلش كلش حلوة

هسه اجي على موضوع بان:) 1. الصبح ساعة بيش تكعدين من النوم وباليل ساعة بيش تنامين اكعد بال 6...

samaali :

هسه نجي ع الاسئلة 1- الصبح ساعة بيش تكعدين من النوم وباليل ساعة بيش تنامين الصبح بين ال7 وال9 اقصى حد لان يعقوب عندة دوام وية الملاعيب وانام حسب مرات ب 8 ونص نايمة ومرات لل11 او 12 هذا اقصى حد 2. يوميه تطبخين لو تطبخين كل يومين يعني اكلة وحده وتاكلوه يومين ؟ مرات يومية مرات لا حسب الاكلة بس اكو يوم مااطبخ لان ناكل علب تونة او سردين 3. تنظيف البيت يوميه لو بالاسبوع مره لو بالشهر مره هههههه والتنظيف اقصد بيه تنظيف كامل للبيت مو تنظفين غرفه وحده تحسبين منظفه البيت وتنظفين البيت بيوم واحد لو بالتقسيط التنظيف اكو يوم بالسبوع يشمل كل شي مسح وكنس وخشب واللازي منه ماعدا غسل الهدوم يومية ويوم الي اقلي امسح المطبخ والكنس عادي بين يوم يوم والتعديل لازم يومية اي شبقة لعد :22: 4. جهالكم ينامون بساعة محدده كل يوم لو مو شرط على راحتهم يوميه شكل مرات ينام ومن وكت والله شكد حلو ومرات لا :42: 5. تسوين رياضه يوميا لو شهريا لو سنويا لو ماكو مرات اي اسوي ومرات لا حسب اذا شفت نفسي صرت :30: لازم اسوي وتمارين البطن من اذكر 6. مسواك البيت اسبوعي لو مو شرط المسواك احاول كل اسبوع نسوك سوا طبعاولاتخلوا القضية من مناقشات حادة في السوق على نوعية الاكل وممكن احتاج اشياء اشتريها بوحدي بس متكون ثقيلة يعني خفايف 7- من تطلعون للسوك اكثر محل يعجبكم ترحوله حتى لو مشتريتوا شى ( يعني اهتماماتكم بشنو ) هنا عدنا مشكلة اني احب اروح للسوك اتفرج على الهدوم على الملابس على كلشي وكلاشي ع النساتل اتفرج واخذ صفنات يعني احب اتفرج وبالذات السوبرماركتات الكبار زوجي من يطلع لازم اكو شغلة باله يعني مو هوسة لازم محدد هدف وميحب يتفرج ولا شي وميقبل لازم نمشي يعني اذا المكان الي نروحلة نكدر نمشي فد ساعة روحة وساعة رجعة نروح مشي وتخيلوا رجلي شلون تصير مو هاي رياضة حتى اضعف :30: 8. علاقتج مع زوجك علاقه روتينيه لو بيه شى من الرومانسيه علاقة تحكمها الظروف ومتطلبات الحياة زوجي يرجع متاخر اكثر الاحيان خاصتا بالشتا يعني شبه رسمية ولو اتمنى مرات اكعد فد يوم على ضوء الشموع وهيج يعني رومانسية بس مدتصير :hahaha: 9. ماهي طموحاتك وهل تفكرين بيوم انو تشتغلين لو ميعجبج لو ميقبل الشغل حلو وتحسين انت منتجة مو مستهلكة وتحسين انت قوية ونضرتج للحياة تتغيير وهذا رأي وزوجي يايدني بهاي الفكرة ومرات اكثر مني بس طبعا الي عايشة بالغربة تفكر بالطفل اولا واللغة لازم تكون مضبوطة جدا والاقامة :hahaha: بس اتمنى اشتغل وان شاء الله حتى لو ع المدى البعيد (بلكي اشتغل مديرة معمل مال نستلة :10_8_10: ) 10. لو عاد بك الزمن الى الوراء شنوي اللي ممكن متسويه او تغيريه هواية اشياء ممكن اغير مااعرف هواية بس اكيد ابر باهلي اكثر لان الانسان ميحس باهلة وامة واخوتة اله بالغربة تشوفين ناس اشكال والوان وتعرفين قيمة اهلج وكرايبج ,واتمنى ارجع للورا حتى اصالح كل انسان زعلتة او ضوجتة او اذيتة 11. هل مقتنعه بالبلد اللي تعيشين بيه اي تحبيه ( ماهو البلد اللي تتمنين تعيشين بيه ) 11. هل مقتنعه بالبلد اللي تعيشين بيه اي تحبيه ( ماهو البلد اللي تتمنين تعيشين بيه ) الماينا كبلد حلو كناس مؤدبيين بشكل لا يصدق ومالهم علاقة باحد لكن متعصبين جدا وعنصريين نحو لغتهم وقوانينهم صعبة لكن اني مااحب اغير مكاني بسهولة وبلكي نستقر هنا بشكل دائمي لان مااتحمل التغيير واحسة صعب ومااريد اروح لغير مكان هي غربة هنا لو بغير مكان قابل وطني مراح يصير مثل الوطن ودائما راح اقارن بين هنا وهناك 12. اخر سؤال ماهي امنيتج اللي تتمنين انو تتحقق عندي لستة من الاماني راح اسوي مثل ماما زوزو واحتفظ بيها لنفسي واكيد استقرار العراق وهذا اهم شي

هسه نجي ع الاسئلة 1- الصبح ساعة بيش تكعدين من النوم وباليل ساعة بيش تنامين الصبح بين ال7...