بنوتة بغداد :

السلام عليكم شونكم بنات ان شاء الله بخير الله واخيرا رجعت الروح للمنتدى برجعة ام مريومة ومشاركة البنات الحلوات قريت كل الردود بس هل اليومين انشغلت تنظيف الشقة وترتيب:09: ومن الصبح دروس سياقة ساعة سبعة الصبح كل يوم فشوية تعبت بس الحمد لله خلصت تنظيف اخ ام امين موضوع النقاش حلو قريت ردود كل البنات وان شاء الله نرجع للعراق وبعد ماكو وداااع:( احجيلكم عني اني تخرجت من الكلية شهر السادس 2004 وكمت ادور تعيين وتعرفون الوضع شلونة بهذيج الفترة واني بيتنة بلمحمودية الله شلون طريق ايخبل المهم اهلي ميريدوني اتعين لان الوضع مو زين بعد التخرج اجوي خطابة بس صاحبتكم تتبطر مااريد ومطلعتلي حجة المهم اجة زوجي من الامارات ويريد وحدة من الكرايب وخريجة كلية علمود تتعين بللامارات ومتكلة ضايجة هو صحيح كرايبنة بس اني مااعرفة لان همة بغداد واحنة بلمحمودية المهم مااطول عليكم فد يوم العصر اجة هو واختة وشافوني وخطبوني واني بجيت غربة وماغربة كالي والله كل سنة اجيبج وشوكت متريدين تروحين الاهلج تعالي والامارات مو بعيدة هياتها واني مباقي هناك كلها سنة وتتحسن الاوضاع ونرجع فاقتنعت ومكيفة اتعين بلامارات فسوينة الخطوبة وكطعتنة مهر وسافر زوجي وعلى اساس يجي بشهر 11 للعراق نتزوج ومن ذاك الليوم اني كل اسبوع اتذكر الوداع وابجي واهلي يصبروني المهمممممم طلعت الفيزة ورة شهر وساء وضع العراق اتصل بيه كالي تعالي انت مقبلت وصار الاتفاق نجي لسوريا وهو يجي ونتزوج وبعدين نسافر ومحظرين كلشي قبل السفر ب يومين انسدت الحدود كيفت اي مراح اسافر ...... الحلقة الثانية

السلام عليكم شونكم بنات ان شاء الله بخير الله واخيرا رجعت الروح للمنتدى برجعة ام مريومة ومشاركة...

om zaid :

عيني ام عموري بالعافيه عليج شوفة الاهل وان شالله يارب تكمل فرحتج بشوفة الغايبين بحق لا اله الا الله .. اريد اسألج بالنسبه للاخت مشمشه التقيتي بيهه هناك لو لا ؟؟؟

عيني ام عموري بالعافيه عليج شوفة الاهل وان شالله يارب تكمل فرحتج بشوفة الغايبين بحق لا اله الا...