كوبونات الراقية تسجيل الدخول

عيوشه
عيوشه •
وعليكم السلام ورحمة الله وبركاته
حياج الله اختي بنوتة بغداد ويجزاج كل الخير على دعائك لوالدي واخواني وكل العراقيين
مشكوره يا عسل
البغدادية
البغدادية •
عيوشه عيوشه :
جمانة بغداد تسلمين عيوني الله يرضى عنك ويرزقك السعاده في الدنيا والاخره خاله فوفه الله يسلمج عيوني والمنتدى منور بك وبكل البنات مشكوره يا عسل ليالي بغداد الله يسلمج حبيبتي والله يسمع منج ويفرح قلبي برجعة الوالد وفك اسر اخواني والله يرزقك بصبي حلو وصالح عاجلا غير اجل بهراء اي صدك الفلافل والشاورما طيبه هناك والاطيب بعد الكباب والتكه :p ناديه هلا عيوني والله يسلمج وينطيج على قدر نيتج ويفرحج بطفل عاجلا غير اجل دجله الله يسلمج عيوني ومية هلا بيج ام فودي هلا بيج عيني ام مصطفى البغداديه حياج الله عيوني والموضوع منور بيج وبالبنات والله يرضى عنج ويحفظ اولادج واهلج مشكوره يا ورده ام عبودي هلا بيج عيوني وبنورج واني والله هم اشتاقيتلكم كلكم كلش بس شسوي ما قدرت ادخل النت اما مصطفى كان تحفه صدك من يريد نرجع للبيت :hahaha: نيبال الله يسلمج عيوني وينولج اللي ببالج ويرزقج الذريه الصالحه بهراء اي صدك جنت مكابه الغراض لان حرت بيها وين احطها بهاي الشقه اللي جنها كونج دجاج :( بس مو بس هاي البارحه كنا معزومين على الغدا عند اصدقائنا وانشغلت واليوم عمر افندي مستلم الكومبيوتر وهسه يلا قدرت اخذه من ايده سلامي لكل البنات القديمات والجديدات واعذروني اذا ما رديت على وحده وجهتلي كلام لاني ما شفت غير السابق ذكرهم :22: والعتب على النظر
جمانة بغداد تسلمين عيوني الله يرضى عنك ويرزقك السعاده في الدنيا والاخره خاله فوفه الله...
قصة سفري

الجزء الاول



الجزء الثاني



الجزء الثالث
المهم كلت يلة اني مشايفة عمان خلي افرفر بيها هالخمستيام ويا فرحة متمت بدت وحدة من بناتي صخونة والعفو اسهال وتذب من راسها وكبل للمستشفى, ؤو وراها تلاثتهم صاربيهم الى حد خطية الجبيرة من الصخونة تهلوس وتكول اكو ابو بريص ابطني :eek: وكضيت الخمستيام مستشفى وتحاليل وطبعا غيرت التكت مال الطيارة وكولو سافرت ( طبعا الطريق حوالي 8ساعات كله الجهال مياكلون وبس يذبون من راسهم ) وبعدين وصلت وطبعا كانت فرحة اللقاء بزوجي نستني التعب :42: لكن الجهال وخصوصا التوم ميعرفوه بحيث بالمطار يركض وراهم يريد يحضنهم ويبوسهم وجانو يصيحوه عمو وبالبداية مجانو يتقربون منه . وبقيت شهرين وجتنا هزة قوية , انهو عقد زوجي وطبعا هو اللي جمعه بالسنة ونص صرفه على سفرنا يعني ما عدنا مورد نعيش منه فرجعت اني والجهال الى بغداد بشهر 12 سنة 98 يعني بقيت شهرين ونص بس في ماليزيا وبعد 4 أيام من وصولي لبغداد صار قصف عليها قوي , اذا تتذكرون برمضان وطلعت اشاعة بنه راح يصير انزال بالعيد . المهم ظليت حوالي 10 أشهر في بغداد وكنت اعاني لأن بيتي اجرنا من سافرت وبيت اهلي ميكفي لأن اني وياية 3 المهم...... شوية ارتاحو والبقية في الرد القادم :22: ان شاء الله
البغدادية
البغدادية •
البغدادية البغدادية :
الجزء الثاني من رحلتي بتت يوم بعمان وكان موعد الطيارة الساعة 12 بالليل ثاني يوم فودوني الجماعة الى المطار واحنا هناك من الساعة 9ونص وكلما اروح اسأل الواكف على باب الدخول يكلي بعد وكت وعيني على شاشة الاعلان عن وقت الطائرة وماكو اعلان عن الطيارة اللي تروح الى كولالمبور, الى ان صارت الساعة 11 يعني قبل ساعة من الاقلاع رحت هم سالت الواكف عالباب , تدرون شكلي ؟:eek: كلي ليش انتي مسافرة؟ كتله اي مدتشوف الجنط وياية :( الاثول هو عباله اني بس دا اسأل عالموعد والاعلان جان يعلن عن الطيارة اللي تروح الى جاكرتا طلعت هي نفسها تمر بكولالمبور ثم الى جاكرتا واني ما ادري. المهم دخلوني وبدو يسوون الاجراءات بسرعة لكن طلع خطأ بالحجز ممكن تفاديه , لكن طلعلي واحد نذل شد وياية كلي لبد متصعدين , انتي متقصدة تجين متأخرة حتى تعبرين الخطأ , لكن الكل كلوله ممكن تنحل بان نرفق احد الاطفال مع عائلة اخرى ورفض رفض بات واغلقت باب الطائرة بعد ان اخروها علمودي وهكذا رجعت الساعة وحدة ونص بالليل الى عمان وظليت 5 أيام الى الموعد القادم للرحلة , وطبعا زوجي ظل قلق علينا لأن بالليل ملكيت محلات مفتحة حتى اشتري كارت واخابره الى ان صار الصبح وحاولت اخابره وما احصله تالي خابرت اهلي ابغداد كتلهم اذا خابر يعرب كلوله ماكو شي بس خطأ بالحجز , هالمرة همة ظل بالهم اييييييييييييييه طولتها عليكم هسة ام امين اتكول اني شجاني وفتحت هالموضوع , هاي مصدكت وبدت تحجيلنة قصة حياتها :30:
الجزء الثاني من رحلتي بتت يوم بعمان وكان موعد الطيارة الساعة 12 بالليل ثاني يوم فودوني الجماعة...
الجزء الرابع
طبعا لمن وصلت لبغداد خابرت المرة اللي استضافتني بعمان هي اصدقاءنا فهي عبالها اني دا اخابر من ماليزيا فلمن كلتلها اني هنا ابغداد كالت معقولة ورة الهلاك اللي شفتي بالروحة هيجي ترجعين بسرعة.
على كل حال ورة تقريبا 10 أشهر خلالها زوجي لكه غير شغن وحس ان هو مستقر فدز علينا وطبعا كان المفترض اسافر مع بنت عروسة زوجها في ماليزيا ونروح سوة بالجي ام سي لكن خالتي توفت فاضطريت ااجل سفرتي بس هي راحت ولمن جيت دا اسافر ملكيت احد يجي وياية بالجي ام سي فرحت بالباص وبدا الوداع وامي اصلا كانت كلش مقهورة على اختها واني دا اسافر فخطية كلش اتأذت وطبعا اخذت كل ذهبي وجان عندي مبلغ زين من الدولارات واخوية حذرني من الكنارك كلي ترة ياخذوها المهم اني دحستها باحذية الجهال وبالخاوليات وحتي بكتاب القرأن خليت دولارات وانهبطت بالحدود لمن كالت للجهال تعالو دا افتشكم والحمد لله فاتت على خير لأن كنت اقرة الاية " وجعلنا من بين ايديهم سدا و من خلفهم سدا فاغشيناهم فهم لا يبصرون " ومن ضمن الاشياء اللي صارت هو تأخرنا بكمارك الحدود الاردنية لأن الافندي السايق جايب تمر ديهربه فلزموه وظليني حوالي 6 ساعات المهم اني طلعت من بغداد الساعة 5 العصر وصلت عمان ثاني يوم بال 5 العصر .

مفاجأة تنتظركم في الجزء القادم
البغدادية
البغدادية •
عيوشه عيوشه :
وعليكم السلام ورحمة الله وبركاته حياج الله اختي بنوتة بغداد ويجزاج كل الخير على دعائك لوالدي واخواني وكل العراقيين مشكوره يا عسل
وعليكم السلام ورحمة الله وبركاته حياج الله اختي بنوتة بغداد ويجزاج كل الخير على دعائك لوالدي...
اييييييييييييييييييييييي وصلنا للجزء الاخير (هي هاي المفاجأة)
الحمدلله هالمرة مر كلشي سهل بعمان والسفر كان ثاني يوم وسافرنا ووصلنا اخيرا الى ماليزيا يوم 19/11/1999 وبقينا من ذاك اليوم بعد مطلعت منها ولا شفت اهلي وراح اموت من الاشتياق , كل سنة نكول هالسنة نروح واشو شيصير وطبعا كانت اصعب الايام هي ايام الحرب طبعا بيوم 22/3/2003 انا كنت بحالة متوترة لأن زوجي كان بالمستشفى وحالته غير مستقرة واني جنت بالبيت اتابع التلفزيون , وجانو ال سي ان ان يتابعون لحظة بلحظة انتهاء المهلة اللي اعطوها لصدام ولمن كملت المهلة والله العظيم بالدقيقة صار قصف على بغداد وكان منقول مباشرة وطلع ابو البنتاغون يكول لا هاي مو احنا ضربنا والمذيع يكله لعد هاي شنو , فورة ساعة يلة علنو رسميا بدء الحرب واني وحدي بالبيت ابجي وما اعرف شأسوي وما بية اخابر زوجي بالمستشفى لأن ما اريد اقلقه بس تالي هو خابرني وطلع سامع بالاخبار , وطبعا بالايام الاولى جنا نكدر نخابر وتالي انكطعت الاتصالات وظلينا اكثر من شهر منعرف شي واتصلنا بالجزيرة وبقناة ابو ظبي ودليناهم بيت اهلي وبيت اهل زوجي لكنهم مجابولنا اي جواب تالي اخوية خابرني وطمأني وشوية شوية رجعت الاتصالات والحمد لله على كل حال.
عيوشه
عيوشه •
اويلي عليج ام مصطفى على هذه السفره وشلعان القلب
سبحان الله حياة العراقيين اغلبها عذاب وين ما نروح