السلام عليكم و رحمة الله و بركاته ..

أختي um chaima ..

تسلمي يا قمر :) ..
الله يسعدك و يخليلك شيماء :) ..

و السجادة الأولى هي نفس ألوان القماش ..
:) ..
بس عندي الأحمر شوية فاقع ..
إللي في السجادة فاتح شوية ..
بس هي نفسها نفسها نفسها الألوان :) ..

و بإنتظار التالي :) ..
>>>> طمعت :23: ..


تحياتي ..
جــــــــداويــــــــــــة

السلام عليكم و رحمة الله و بركاته ..

يا هلا و غلا بأحلام مسافرة :) ..

المشكلة يا قمر إنه ما في وقت :( ..
و أنا عارفة إنه التكتيك و الأفكار تجي بالرواقة ..
بس مافي وقت لأننا بنأثث دحين و ورانا مية شغلة و شغلة ..
و البيت ناقصه أشياء كتيرة ..
و أنا حأتجنن من اللف و المشاوير إللي أغلبها
على غير فايدة !!

و كمان زوجي من النوع العصبي ..
يعني يا تسوي الشي دحين دحين ..
و تختاري دحين .. و تقرري دحين ..
أو يلا خلاص لا عاد تجيبي سيرته
ألين يروق و يفضى له تاني !!
( يكفيكي حكاية شراء القماش !! ) ..

و ما صدقت متى جينا بنسوي الصالون :( ..

و بالنسبة للموكيت ..
أنا فكرت في الأبيض أو السكري ..
لكن البيج حاسته حيطلع معاه مو قد كدة !!
لأني جربته عالقماش عشان أقارن الألوان ..

يعني ممكن درجة البيج الفاااااتح بالمرة
الأقرب للسكري هي إللي تكون معقولة ..
>>>> لسة أقلبها في دماغي و أرجع
و أشوف الألوان ..

و فكرة الكراسي الحمراء حلوة ..
>>>> أضيفت للقائمة ..

و الخداديات كمان حاطتها في بالي ..

بس لسة مافي موديل للكنب :( !!

و الموديلات إللي حطيتي لي هي الله يعطيكي العافية ..
ما تليق مع القماش ..
لأنها فخمة ..
بس فيه الصورتين إللي هي هادي


و هادي


حسيت الموديل و الحجم ممكن يجي معقول ..

و المشكلة قلت لك المخمل راقي و عاجبني ..
و كنت أساسا أبغا أسوي الصالون مخمل ..
بس دحين مع هادا القماش ما ينفع آخخخخخ :30: ..
لأنه القماش فيه لمعة زي لمعة الساتان أو التفتة ..
فلو دخلت معاه المخمل كيف حيطلع ؟؟

و الخشب حيليق مع اللون الأسود ؟؟
ما راح يطلع كتم بزيادة ؟؟

و تسلمي يا قمر .. تعبتك معايا :) ..
الله يسعدك و يوفقك و ترجعي بلدك سالمة غانمة
مرفوعة الراس ياااااارب ..

و برضو أستنى منك إضافات تانية ..
>>>> قلت لكم طماعة :23: ..

و إن شاء الله إذا خلاص قررت و أقتنعت ..
راح أقول لكم أيش حأسوي كل شي بالتفصيل ..


تحياتي ..
جــــــــداويــــــــــــة

والله , لو تصورين القماش ,,, تصير المساعدة لك اسهل .... بس الاخوات ما قصروا ...
أهم شئ أنتي ما تستعجلي ,,, ترى ممكن يطلع شئ wow ! بس الموضوع يحتاج دراسة !

لقيت بعض المودالات للكنب









أما السجاد أو الموكيت إختاريها حمراء و بقية الديكور ركزي على الابيض مثل الستائر و الإضاءة و لا تزيدي لون آخر












إن شاء الله تجدي ما يفيدك في هذه الصور

انا بقولك رأيي اذا عجبك خير وبركه اذا ماعجبك كأنك ماقريتيه

بالنسبه للكنب الموديل اللي يعجبك لكن الخداديات (المخدات الصغيره) خليها ساده ويكون احمر وابيض ساده بس وكان سوي كنبه منفرده لونها ساده اما احمر او ابيض عشان يخفف اللون الغامق وكمان السجاد خذيه من الانواع اللي يجيك ساده مافيه الوان كثير ولو يكون قطع فرو موزعه على الجلسه بيطلع روعه والستاره خليها ابيض وفيها خفييييييييييف احمر
يعني كثري الابيض لانه راح يخفف من اللون الغامق
لاتخافي انتي بالتحف والحركات راح تتحكمي بدرجه غمقان الغرفه
ترى الحركات البسيطه اهم من الكنب هي اللي توضح اكثر

ان شاء الله رأيي يعجبك