السلام عليكم و رحمة الله و بركاته ..

أختي ست الحسن ..

أسعدني مرورك و مشاركتك :) ..
تسلمي يا قمر :) ..

بس أنا رحت أيكيا و سيتي بلازا و لا لقيت ولا شي
ينفع معاه :( ..

و إذا عندك أي ملاحظات أو أفكار لا تبخلي عليا بيها :) ..


تحياتي ..
جــــــــداويـــــــــــــة

السلام عليكم و رحمة الله و بركاته ..

أختي الحب في الله ..
شكرا على المشاركة الوجدانية ..
كويس إنه فيه أحد زيي مو أنا لحالي :) ..
يا أختي هم الرجال كدة :) ..
الله يهديهم و يصلحهم بس ..

أنا خليني أحكيكي حكاية حتضحكك شوية :) ..
و برضو من ضمن المشاركة الوجدانية ..
و لسة حصلت أمس دي الحكاية ..
ههههههههههههههه لا تخافي فيه أخس مني و منك ..
الحمدلله على كل حال يا ربي الحمدلله ..

أنا صاحب زوجي يبغا يسوي بيته هو وعروسته ..
و راح أتصرف من نفسه و لقى بيت عجبه ..
و أظنه أتفق مع صاحب البيت .. و صاحب البيت سوى البوية ..
و عامل ( البيت كله ) بوية معتقة و شي مفتخر ..
و بيقول إنها كلفته 5000 ريال ..
و لمن راح وراها لعروسته ما عجبها و زعلت
و قالت له ما أبغا أسكن في هادا البيت ..
و زعل منها و طرطع و عصب و جلس يهزأ فيها
فزوجي قال لي تعالي شوفي البيت .. يمكن يعجبك ..
لأنه صاحبه طلب رأيه و رأيي أنا بالذات فيه ..
عشان يبغا يعرف ليش ما عجب عروسته ..
و ليش رافضة تسكن فيه ..
تعرفي لمن روحت أيش لقيت لون البوية ؟؟
هههههههههههههههههه أستغـفـر الله يا ربي ..
الله يكرمك و يكرم القارئين ..
لون الإســــهـــــــــــــــال !!
حتى أنا أنقرفت !!
و قلت له أيش هادا ؟؟
جمع بامبرز أطفال عيلتهم و سوى بيه البوية :09: ؟؟

مع إنه شكل التعتيق حلو .. و باين غالي و مكلف ..
لكن اللون شنييييييع !!
يعني حتى ما أحسه ممكن يليق مع أي لون أثاث !!

و تخيلي زوجي و صاحبه كان عاجبهم البيت و البوية ..
و شايفينها شي واااااو ..
و فاكرين صاحب البيت واحد مرة ذوق !!
تخيلي ؟؟

يعني أسود × أحمر × أبيض ..
و أزرق × نيلي × أصفر × فستقي ..
أهون من الإســــهــــــــــال يا بنتي :23:
هههههههههههههه
أستغفر الله العظيم .. مسكينة البنت حزنت عليها ..
و حسيت بوضعها لمن شافت البيت ..

و المشكلة أنا حاولت أدور على مواقع فيها أثاث صيني ..
بس ما لقيت ..
و إذا لقيت .. مافيها إنجليزي ولا عربي .. بس صيني !!
طيب أنا يعني من فين أفهم صيني :09: ؟؟

و عشان كدة أنا أبغا مساعدتكم ..
لأنه بجد أقولك سارت أفكاري سوداوية زي القماش :23: ..
يعني ياريته كان عالأقل لون واحد سادة ..
كنت قدرت أتصرف فيه براحتي .. حتى لو كان أسود سادة ..
و كنت على قولكم أقدر أخلي كل شي لون ..
و أدخل الألوان بمزاجي ..
و المصيبة كمان .. القماش فيه لمعة !!
يعني بزيادة صعب إني أدخل معاه ألوان و أقمشة عادية ..

و أنا رأيي من رأيك .. و أوافقك فيه 100% ..
و قلت له .. طالما دافعين الفلوس دافعين الفلوس ..
خلينا نشتري شي يستاهل ..
و صبرنا عليه كتير .. و خليناه آخر شي ..
و كنا متفقين على شي معين ..
و إننا نعمل صالون مرتب و فخم و كنبه مريح ..
عشان نقدر نستقبل فيه الضيوف و كبار العائلة ..
لأن الصالة ( المعيشة ) عندنا مرة بسيطة ..
و أغلب الكبار ما يعجبهم الستايل دا ولا يرتاحو فيه ..
و خلاص على أساس رايحين السوق و نسويه ..
و إحنا بنتفرج في السوق .. شاف القماش هادا ..
و تعالي شوفي أيش الكلام إللي سار ..
زي ما حكيتكم في بداية الموضوع ..
و طبعا طاطيت في الأخير و أشتريناه ..
عشان بس لا يقول لي إنتي ما تهتمي بيا ..
و ما تهتمي برأيي و ............................ إلخ !!

طيب دحين أنا ورطانة ..
و كل ما بأفكر فيه يمين و يسار ما بتجي معايا أفكار :( ..
أو بألاقي تفكيري يروح في سلبيات القماش ..
بدال ما أفكر في إيجابياته و أحاول أقنع نفسي بيه ..
( كويس إنه صالون .. ماهو معيشة ..
عالأقل الصالون ما ينجلس فيه كل يوم !! ) ..

و اليوم ما خرجت ..
و بكرة إن شاء الله عيد .. فأكيد ما راح تكون المحلات فاتحة ..
عشان كدة أبغا أستغل اليومين هادي في تجميع الأفكار ..

لأنه دحين نوعا ما بمساعدة البنات ..
تقريبا قدرت أختار شكل الكنب بنسبة 60 - 80 % ..
بس باقي لسة شوية تفاصيل و تكتيكات في القماش نفسه ..
و توزيعه عالكنب لأنه قطع مختلفة في الشكل و النقش بس
كلها نفس اللون .. و الستائر .. و الموكيت .. و النجف
أو الأباجورات ..

فإذا عندك أفكار لقماشي الفنان الرائع إللي ماله مثيل :23: ..
برضو قوليلي :) ..

و ماقلتي لنا .. أيش سويتي بالقماش الكوكتيل حقك ؟؟
أستعملتيه و لا لا ؟؟
و كيف قدرتي تتصرفي فيه بحيث ما يبان شكله غريب و شاذ ؟؟


سبحانك اللهم و بحمدك .. لا إله إلا أنت ..
أستغفرك و أتوب إليك ..

تحياتي ..
جــــــــداويــــــــــــة

السلام عليكم و رحمة الله و بركاته ..


كــــــــــــــــــــــل
عــــــــــــــــــــــــــام
و
أنــــــــتـــــــــــــــــــــــــم
بــــــــــخـــــــــيــــــــــــــــــــــر

:)


تحياتي ..
جــــــــداويــــــــــــة

السلام عليكم و رحمة الله و بركاته ..

أختي الحب في الله ..
كيفك يا قمر ؟؟

و الله مالقيت غير هادا اللون :09: ..
هو الأقرب للحقيقة المرّة :23: ..
أصلا لمن دخلت البيت .. و شوفت الجدران ..
أستغفر الله العظيم .. حسيت بالريحة كمان :23: ..
مو باللون بس .. ( نفسيا ) ما أنا أنصدمت !!

ما كنت متوقعة البيت كدة باالمرة !!
كنت متوقعته حلو و واو .. على قد ما وصف لي هو ..
و الراجل بيقول البنت ماهو عاجبها البيت ..
و لا تبغا تسكن فيه ..
و المشكلة صاحب البيت كمان بيطالب بالخمسة آلاف !!

و أنا و ضعي زيك .. القماش لا بيترجع ولا بيتبدل !!
و أنا عالأقل كنت معاه وقتها ..
لكن عشان أبغا أخلص أخدته :( !!
حسبت حيجيني إلهام و أسير كريستيان ديور على غفلة :23: !!

الله يسامحك ..
ليش بتسوي فيا كدة يا شيخة ..
عاد أرواب ساتان مرة واحدة :09: ..

بس تقريبا القماش زي الساتان .. فيه لمعة ..
اللمعة منه و فيه ..
و للآن لازال البحث مستمر ..
و الله المستعان :) ..

بجد سيرك الألوان ..
إنتي عندك سيرك أطفال و مهرجين ..
و أنا عندي سيرك ألعاب الخفة ..
مو دايما بيكون ديكورهم أسود :23: ؟؟
الله المستعان يا بنت الحلال :) ..
كله بأجره إن شاء الله ..

بس برضو ما أعطيتيني أفكار :) ..


تحياتي ..
جـــــــــداويـــــــــــــة