حبيباتى الفاضلات : والله اني مو دارية وش اقول لكم على تفاعلكم معاي ما اقول الا الله يجزاكم خير ويستر علينا وعليكم . واقول بعدين استغفر الله استغفر الله استغفرالله ان كنت اخطيت على هذا الرجل ، واشكرك يا اخت هموووسه فعلا كلامك اعتقد انه اصاب كبد الحقيقة اعتقد ذلك واستغفر الله ان كان صحيح فابكون ظلمت المدرس ، انا اخذت جوال اخوي من غير ما يدري وطالعت الارقام اللي هو مخزنها مالقيت منها هذا الرقم اللي في الرسالة ابدا ، وانا متاكدة ان اخوي مبرمج رقم هذا المدرس متاكدة100% ولقيت رقم واحد اعتقد انه هو نفس المدرس يختلف واجد عن الرقم اللي عندي ، طبعا هذا يدل بشكل كبير مو قطعي انه مو المدرس اللي مسوي هذا ، وهذي مشكلة يا اخواتي اكبر من الاولى اعتقد ، هل الرقم المكتوب هو رقم اخر للمدرس ولا لا ؟ وهل اللي مرسل الرسالة لو كان غير المدرس هو نفسه صاحب الرقم ، وهل .. وهل .. وهل ..؟اسئلة كثيرة والله انا ماني في حالها الحين والاختبارات مكوشة علي والجميع مو جايب خبري . لكن والله الحقيقة اني احاول ما يلاحظون شيء علي واحس انهم مو ملاحظين شيء والحمد لله ، وانا اقول الشيء الزين في ان اللي ارسل الورقة يمكن مايكون المدرس ان ما فيه احد ممكن يتقدم لخطبتي وهو ماسك علي شيء ، وثانيا اقدر الحين بجرأة اكلم اللي ابغى اختي اخوي ابوي بس .. ابوي لا لا ما اقدر اخاف كثير منه ، اقدر اكلمهم واعطيهم الاوراق لاننا شبه متأكدين انه انسان خداع استخدم اسم المدرس ومثل ما قالت اخواتي الكريمات رسايله تبرئني وتدل اني ما عطيته وجه وانه ما قد شافني الا في الصورة اللي معه والحمد لله ولو حاول ينشرها او ما ينشرها في اي مكان يبغى بيكونون اخواني له بالمرصاد ومثل ما سمعت من البنات في الكلية امس ان المنتديات لها مشرفين يتابعون كل الموضوعات ولا ينشرون الا الزين والحمد لله . وانا اشكر كل اخواتي اللي يدعون لي هنا وفي ظهر الغيب مثل ما يقول الرسول . واشكر اختي ساكنة القلوب على اهتمامها بي واعتذر ان كنت احرجتها مع احد وهم والله ما يقصدون الا الخير ، واختي 333 اشكرك مرة مرة ووالله لما طبقت الخطة اسوأ النتائج وغيرها والله ارتحت كثير وعرفت ان هذا الشيء هو اشين حاجة بتصير لي واشتغل بعدين وانا عارفة اني ما راح اخسر شيء زيادة بالعكس ممكن تخف الاضرار ووالله ذاكرت بعد ما قريت الموضوع مرتاحة واجد واجد الله يجعله في موازين اعمالك ، واخواتي اللي عرضوا على المشاركة في التوسط بيني واختي او مع الهيئة والله انا مقدرة شعوركم واحس انكم اقرب لي من اختي واخواني وانا اتشرف والله بمساعدتكم وخبرتكم بحل المشاكل لكن والله انا خايفة يتطور الموقف او يطلع الخبر بالاسماء الحقيقية وانا ما ني ناقصة مشاكل وبعدين انا ما اعرف ارسل لاحد ولا شيء والا انا بحاجة للمساعدة وظروفي ما يعلم فيها الا الله وتكفون لا تنسون تدعون لي بعد كل صلاة لو بس هاليومين تكفون لعل الله يحل هذه المشكلة واعرف اتصرف بعدين مع الصور والله لاحرق كل الصور وصور اخواتي ولا تنسون تدعون لي في الاختبارات ولو انها تهون يا قلبي امام هذي المشكلة لكن انا متفوقة كنت ولا ودي تضعف درجاتي هذا التيرم وانا الحمد لله ماشية صح بس مو مثل اول والله يجزاكم كلكم خير ويستر علينا وعليكم وكل المسلمين آمين .
ولا انسى في النهاية اشكر اختي مع الايام على توضيح الموقع الثاني اللي نشر قصي والله يحفظنا واياكم .

اختي لمياء السلام عليكم ورحمة الله وبركاته
فرج الله كربتك وكرب كل المسلمين
اختي لقد قلقت عليك ارجوا ان تخبرينا عندما تحصل نتيجه، وفي احتمال
ان الذي عمل هذا الشيء شخص دخل بيتكم من قبل او ان احد اخوتك
قام باخراج صوره لك مقابل شيء، يمكن يكون كما نسمع في هذه القصص
فانتبهي لنفسك وادعي الله ان يحفظك، ولا تبقي في البيت لوحدك او ان
يكون عندكم احد من الضيوف، انتبهي اختي فوالله اني اخاف من كثره
ما نقرؤه من مشاكل، انتبهي لنفسك وابدئي راقبي اخوتك في تصرفاتهم اذا كانوا من صغار السن اي في المدرسه او الكليه لأن هناك رفقاء سوء فانتبهي.
ارجوا ان تفهميني ولا تسيئي فهمي فانا والله اخاف على جميع البنات
الدنيا صارت تخوف.
الله يبعد عنا اولاد وبنات الحرام

بس انا انصحك تسكتين اذا كنتي ماتثقين في المساعده الي تقدمها اختك لأنها بنت
حالها حالك..بس ان كانت بتكتم هالشيء وتفكر عنك زين..بس صدقيني ..حتى ان قلتي
لأختك بيبقى سر لأن من الواضح ..أن ابوك الله يخليه لك شديد ومايتفهم .."يعني حتى
على اختك"..
والحل لازم تقولين لأي واحد من اخوانك..على الأقل الي يدرسه"الكريه صاحب الرساله"وان كان يعني في الثانويه او المتوسطه ..بيكون فاهم لان البزران صاروا
يفهمون اكثر منا في مشاكلنا..على الأقل ان دروا هلك بيدرون انك ماسكتي ولا سويتي غلط..والأهم انتبهي وانتبهي وانتبهي لاتردين عليه الرسايل لان هذا غرضه علشان تطحين مره وحده في المصيده..لأن لو كان يبي الزواج ماأرسل رساله..
والله يقويك.. ويعينك..ويوفقك في دراستك..وياربي اكون فدتك..:30: :30:

مافي غير حل واحد

اخبري اهلك

حتى لو خطبك ووافقتي عليه خوفا من الصور
ستعيشين طوال حياتك في مشاكل ...... لانه رجل بلا اخلاق
وستكون مشاكل دائمه وابديه

لاتضيعي حياتك من اجله
اخبري اهلك ..... حتى لو توقعتي جفاء او مشاكل منهم

ارحم ماعليك اهلك حتى لو عاتبوا عليك بشي ..... سيكون ارحم عليك من اي حد
عتاب لمده بسيطه وسينتهي

اخبريهم ...... احسن من تاخذي رجل بلا اخلاق مع مشاكل طول حياتك
او تضعي نفسك تحت رحمته ...... لن يكون ارحم عليك من اهلك

السلام عليكم ورحمة الله

اجاركي الله في مصيبتك واخلفكي خيرا منها وأسأل الله ان يفرج كربتكي يا كريم
والله ما ادري ان كانت احدى الاخوات نبهت على ان تكلمي الهيئه في مدينتك

فإ شا الله سيستمعوا لك ولن يتهاونوا بالموضوع اتصلي عليهم وان شا الله هم اهل دين وهم الموثوق بهم ...
فما عليكي الا ان تتصلي بهم وتقولي لهم عن المشكله كامله وتخرجين انتي من الموضوع وهم يتولون الامر كامله فهذه شغلتهم انكار المنكر ولهم سطلةفي ذالك

وبيبادرون لتأديب مثل هالاشكال بإذن الله

واعانكي الله
اختك دموع