ذكرتيني ياوحدة كوووول بالبر ، أتذكر بالشتاء لمن نروح البر ، لازم مطارة الحليب المخلوط بالكاكاو ويانا هناك علشان تدفينا، ونتهاوش على المطارة لأن صج الطعم لذيذ وخصوصا لما تسويه حماتي اللي إهي (أخت زوجي)، تاخذ حليب بودرة مع ماي مغلي على النار وتضيف كاكاو بودرة كثر ماتبين يعني كثري شوي وحطي سكر هم كثر ماتبين يفضل يكون عادي موحيل حالي، وبعدين تخلينه يغلي غلوة وتسكرين على النار وتحطينه في المطارة، والله طعمه حيل لذيذ، غير عن اللي تسوينه في كوب الحليب مع الكاكاو، يمكن لأن مغلي ، وهم علشان مجبوس (يعني السكر فيه) المهم جربوه لذيذ.

وطبعا حليب الهيل هذا هم لذيذ بالشتاء بالليل وي العشاء، يعني خلطي الحليب على النار وحطي وياه بس هيل وسكر، وشوفي الطعم.

وأنا عندي طريقة حلوه :
نغلي الحليب ثم نضع فيه تمر منزوع النوى والحليب ساخن جداً( حسب الرغبه ) بالليل وبعد ما يبرد نحط الخليط بالخلاط الكهربائي ونخلطه ونصفيه بالمصفى ويوضع بالثلاجه ويشرب بارد وطعمه روعه وخصوصاللي عندها فقر دم جدا مفيد وللأطفال .
أدعو لي يا حبيبات بالخير .. خلنا نسمع دعاء يريح الصدر .

طيب احد يقولي وشلون حليب بالكراميل
يمكن نغلي الحليب ونحط فوقه الكراميل اللي هوسكر وقشطه ؟؟؟؟؟؟؟؟؟؟؟؟؟؟؟؟؟؟

موضوع وايد حلو...بس للاسف انا ما اسوي غير نوع واحد اللي هو حليب بالشاي...
وان شاء الله بجرب الطرق اللي ذكرتوها......:27:

بنت كيفان حبيبتي اتمنى ان هذي الطريقه الي في بالج وهي انج تجيبن بريييج وتحطين فيه ماي وشكر وشاي اربع او خمس اكياس طبعا شاي لبتون احلى يكون طعمه واذا تبين اكثر عادي وتخلينهم على النار لحد مايغلي وبعدين تحطين فوقهم الحليب حليب ابو قوس قوطيييين احلى علشان يكون غليظ وتخلنهم شوي على النارشوي بس واتمنى انها تعجبج الطريقه اسمها شاي كرك