بصراحه اموت في الحليب مع الفستق المطحون او القرفه يهبل او لوز محمص ومطحون يجنن .

يا حبيباتي ما توقعت إنه في هل كثر طرق علشان نسوي الحليب
كل طريقه أحلى من الثانيه ولو إني ما تشجعت على حليبه الحلبه
أخاف فيها ريحه مو حلوه ؟؟؟

بس أفكاركم أكثر من حلوه بل إتينن إنشاء الله أسويها وحده وحده


:26: :26: :26:

يا غالياتي إنشاء الله راح أحاول أحط لكم صور عن المطاطير والدلال الي نستخدمها في تقديم الحليب أو تحضيره وإنشاء الله تضبط لأنها أول مره بس باحاول علشان أغني الموضوع بالصور وندعم الشرح بالطريقه ..

b00005otvi.01-a23nlorbgxoleo.tzzzzzzz

طريقة الحليب بالهيل :

تحطين كوب ماى و سكر و ليبتون واحد او اثنين على النار

و لما يغلى تضيفين لهم 5 او 6 حبات هيل غاسلتهم و ضاغطتهم بايدج عشان تنفتح حبة الهيل و تطلع نكهتها بالحليب

و بعدين تكونين محضرة حليب بودرة خاضته مع ماى و تضيفينه للمقدار السابق

و لما يغلى تسكرين النار و تشخلينه فى المطارة


طريقة الحليب بالزعتر :( المقادير للكوب الواحد )

أحط على النار حليب سائل نادك او المراعى و معاه ملعقة سكر و كيس ليبتون و ملعقة صغيرة زعتر أخضر مجفف

و لما يغلى أشخله فى الكوب

طعمه يجيب العافية

و فيه طريقة للقضاء على زفر الحليب و اعطاءه نكهة و طعم عجيب

و هو انج تخضينه بالخلاط كذا دقيقة و بعدين تحضرينه عادى بأى طريقة

فكرة موضوعك حللللللللللللللللللللللللوة يا وحدة كووول

أنا مثلك أحب أتفنن في أنواع الحليب .. عندنا في البيت أمي مثل أمك الله يحفظهم .. تسويلنا حليب بالشاي وحليب بالزعفران والهيل روووووعه ما شاء الله .. وفي الشتاء لازم حليب بالزعتر وحليب بالزنجبيل ...

ونحن نسوي طريقة حليب في بيتنا ما أدري إذا تعرفونها ولا لأ .. ما عندي لها مقادير محددة .. بس إن شاء الله تضبط معاكم ..

حليب بالسميد
المقادير:
حليب حسب الكمية المرغوبة
سكر حسب الكمية المرغوبة
زعفران حسب الرغبة
هيل حسب الرغبة
سميد (اللي يستخدم للبسبوسة) وهو سر هذه الطريقة .. بس لا يكون السميد كثير حتى لا يصير الحليب كثيف جدا .. لازم يكون وسط لا خفيف ولا كثيف ..

الطريقة:
طبعاً نغلى الحليب مع السكر والزعفران والهيل ثم نضيف السميد ونتركه حتى ينضج .. وانتبهوا للكثافة .. يعني لازم يكون الحليب في النهاية أقرب للسيولة .. ونحن نحطه في دلة فتحتها كبيرة عشان ينسكب بسهولة ..

جربوا الطريقة وإن شاء الله تعجبكم ..