أهله معارضين أوافق ولا أرفض مشورتكم؟؟

لسلام عليكم بنات كيفكم زمان عنكم عندي موضوع يخص صديقتي في المدرسة تبي إستشارتكم ياحوائيات وهي بتشوف ردو دكم بدخل بالموضوع صديقتي بتتزوج جاها خطيب من تبوك وهي من الرياض بس متزوج يبي ثانية وماشاء الله عليه محترم وملتزم خلوق سألو أهلها عنه والكل يمدحه وقادر يفتح بيتين وضعه المادي ماشاء الله ممتاز وعمره في الثلاثين وصارت الشوفة الشرعية وأرتاحت له كثير وخبرها إنه بيعدل بينهم ولها بيتها مستقل طبعا في مدينته تبوك ومجال الدراسة والعمل مفتوح لها وزواج رسمي يملكون بالمحكمة بس في مشكلة شاغلة بالها إن أهله يمكن مايحضرو الزواج لإنهم معارضين زواجه وشايلين إيدهم من الموضوع وهي تقول فشلة مايحضرو الزواج العالم تسألني وين أهل زوجك أقولهم ماجو لأنهم مايبوني بس نحنا صديقتها نقولها ماعليك من أهله أهم شي هو إنتي بتتزوجينه مو تاخذين أهله أحسني لهم وماعليك من الباقي لإنه بصراحة إنسان رائع يعني حرام عشان أهله ترفضيه وعشان خوف من كلام الناس إذا ماحضرو الزواج هي تبي مشورتكم وهل في وحدة منكم مرت بنفس الظرف وهي الحين مبسوطة وماشية أمورها ؟ والشي الثاني تقول تبي تسوي زواج تقريبا عائلي فيه صديقتها وأهلها وبعض أقاربها والجيران إللي يهموها يعني ماتبي حفلة كبيرة أنتو شو رأيكم أناضدها ودي حفلة كبيرة؟