ياشيخه اطلعي لوتسكنين بغرفه حاسه فيك كنت عايشه مثلك عند اهلي حتى زوجي سار يكره البيت اشتري راحتك

ياقلبي عليك والله حسيت فيك الله يفرجها عليك وتنقلو بمكان بعيد عن اهلك وزوريهم لاتقطعينهم وربي يهدي حال اهلك معاك ومع زوجك وياقلبي الواحد فينا ماله غنى عن اهله لو شاف منهم الويل اتحملي وفوتي اسمعي من هنا وطلعي من هنا وزوجك لاتقوليله انك زعلانه او مقهوره سامحيهم لوجه الله واكيد ربي راح يعينك ويخلي قلبك وسيع وتنسين يارب

اكيد علشان الايجار بدليل محاسبتهم على الكهرباء
لا تبينين الزعل ولا تطلعون ما بتحصلون الا الغلا بس ادفعوووووووووووا شهريا والله يعينكم
والشغاله استفغري كثير وسبحى واحمدى وكبرىوهللى وشوفى النتيجة
بالنسبة لزوجك لا تفرطين فية والضروف المادية ما بتجلس على طول
سبحان الله ما بعد العسر الا اليسر
نصيحة من القلب اذا اشتقتى لاهلك اطلعة 5 او 10 دقايق سلمى واستاذنى حتى لو طلبو منك تجلسين قولى ابو فلان ورى واستحى اتركه واذ قالو كلام ما عجبك لا تردين بس قولى ما يصير يجلس لوحدة عيب
خليك رسمية بس نا تجلسين على طول عندهم يمكن ضروفهم المادية صعبة شوى

الحل بنظري انقلي من هالشقة من جد وش الله حادك لو حتى تنقلي لشقة صغيره غرفتين وصالة مو شرط الفشخرة كلها مسألة وقت تتحسن ظروفكم المادية ويكبرون بناتك .....
والتعب وارد حتى لو كنتي مسؤوله عن طفل واحد استعيني بالله وهونيها تهون والعمر يخلص والشغل ما يخلص على قولتهم نظمي وقتك وربي بيعينك...

يا اختي حطي نفسك مكان اللي لوحدها وبعيده عن اهلها بالالف كيلو ولا تقدر تروح لهم الا مره بالسنه حطي نفسك مكان المغتربات اللي تحمل وتولد وتجلس النفاس لوحدها بهالغربه هذا غير الدراسة ومشاوير الحضانة حقت الصغار ومدارسهم وربك يسرها صح تعب بس عدا و رجعوا لبلدهم على خير ولا تنسي الظروف الماديه والمصاريف كل شيء غالي بس بالتدبير كل شيء يتوفر بالمعقول..

الواحد يعيش مره وحده بهالعمر وانتي قاعده تخسري حياتك وزوجك هذا هو صار يروح القهوة ويقول اجلسي عند امك ... انتبهي ولا تجي تشكي بعدين

حاولي من ألحين تدوروا على شقة بعييييييييده واستقلي بحياتك ومو شرط كل شويه ببيت اهلك ما دامهم شايفينك مثقلة عليهم .... بيتك مملكتك وراحتك مارح تلاقيها الا مع زوجك وعيالك وغيرهم مارح ينفعونك واللي نقص عليك من مشاعر حب وحنان بحياتك عن اهلك عوضيه بتعاملك مع زوجك وبناتك ولا تذمي اهلك قدام زوجك احتراما لهم وفي نفس الوقت اذا ما انعزم زوجك لا تروحي نهائيا احتراما له ...
وسلامتك

ياختى استاجري شقه قريبه من اهلك
وبكذا تجينهم بالاسبوع مرتين العصر وتروحين المغرب
وتريحين نفسك وزوجك وترضين اهلك