يابنت الحلال لا تنغرين بالمظاهر وش فايده المكالمات والفشخره قدام الناس والاتصالات البايخه وهو بالبيت ماكلها زق انتي ماشفتي حياتهم انا عندي صديقه تقول لي زوج اختي دايم يجيب لها ورد وحركات ويتعمد باليوم الي تجي بيتنا اووو يكلمها كل شوي او يجي ويقول وحشتيني يالله نقوم وطلع كذا هذا تمثيليه بس عشان يقهر عديله الي هو قريبه ومتزوج صديقتي يبي يقول لاهل البنت انا اموت ببنتكم واعاملها عسل وماتلاقون مثلي وماادري ايش وهو زق معاها بالبيت وهذا كلام اختها الي هي صديقتي يعني لا يغرك شي طالما زوجك معاك تمام ومكفي حقوقه ومو مقصر عليك ولا يعاملك الا بما يرضي الله خلاص هذا اهم شي وبعدين في شي مهم الاهل الله يهديهم دايييييم البنت لا تزوجت وصار عندها بزران تصير ثقيله عليهم ويبون متي تجي تقعد شويات وترجع بيتها وخاصه الاب والام كبار بالسن مايبون دوشه ووجع راس وصراخ وعفسه بالبيت فاعذريهم واتركي عنك المقارنات وانا اختك صدقيني تراها تخرب بيووووت حتي خالتي الله يهديها الناس تحسدها علي زوجها دايم يجيب لها ذهب وسفرات ودلع وهي مدرسه اخرتها تخانقو وحسدوهم الناااااس وطلعت فضايحه وقالت أساسا يأخذ مني فلوس ويتسلف ولا يرديهم والذهب والسفرات كلها من عندي يعني بجد المناظر تغر

كلام جوليا صح وواقعي ونصائحها تهبل
اسمعي ياعسل طبقي كلام جوليا بالحرف قسماً انها صاااادقه
وبالنسبه للاهل هههههههه كلامها مليون في المليون اغلب الأهالي مايحبون بناتهم المتزوجات ويبغونها لما تجي تكون يدها مليانه ومهما أعطتهم مايقنعون


الا في حال ان البنات وأمهم من النوع القوي وكلمتهم وحدة


فهنا لابد من ان يجاملونهم خوفاً من العواقب


وترى والله ثم والله كنك تتكلمي عن زوجي وفوق ذَا


زوجي مدمن خمر

و ليش يكلمك او يتصل عليك عند اهله هذا اسمه ازعاج و لعب عيال و مسلسلات مصرية مو اهتمام
لهالدرجة تراقبون الناس و تقارنون حياتكم بحياتهم
خل عنك المظاهر و الشكليات و فلانة كلمها زوجها و يرحموني و مدري ايش شكلك حسااااس

كل الحكاية ان أهل زوجك مهايطيين
مو لازم الاستعراضات قدام الناس ويعني أني زوجي يعشقني وكل شوي يدق علي قدام أهله
هالحركات ممكن نتقبلها من عرسان عادي اما غير كذا كلها حركات هياط وكذب فاضي
في مجتمعي ما عمري شفت الأشكال هذي
عادي زوجي مايدق علي الا اذا بنروح للبيت وعادتا يرسل احد من الصغار يقول لي يالله عمري ما تحسست هذا الطبيعي
اللي مو طبيعي ان زوجي ما يحبني ويعشقني ويتغزل فيني الا قدام الناس هذا الزوج اللي تشكين في نيته

ذكرتيني بموقف حصل قدامي حسسني ان كل هالحركات كذب وهياط
مره طلعت مع زوجة صديق زوجي ملاهي لما خلاص بغينا نروح بيوتنا زوجها دق عليها ويا زينهم كأنهم عصافير
تسولف معه وتضحك ويسألها انبسطتي وتقول له آيه مره ، قال لها انا برى تطلعين ولا بعد تبغين تجلسين ويسولفون ساعة كأنهم عرسان
وانا زوجي اتصل علي يالله انا برى اطلعي وقفل السماعة
قعدت فترة أفكر اقول ماشاء الله كيف هالازواج كذا ، وش تسوي الزوجة لزوجها علشان تخليه رومانسي ورقيق للدرجة هذي
بعد فترة قال لي زوجي فلان مصمم يبغى يتزوج على زوجته واحنا اللي قاعدين نقنعه انه يتراجع عن هالفكرة وقاعد يدور مسيار
انا انصدمت وعرفت ان المظاهر خداعه