ازيكم يا بنات بخصوص الكنافة في شركة اسمها مونجيني الكنافة بتكون مجمدة ولكن ماشاء اللة رائعة لما تستخدميها ادعيلي لانها معمولة باللبن

وبالنسبة للدقيق في 5نجوم ممتاز وكمان في نوع اسمة الحلواني بردة ممتاز وبالذات اذا اخترت النوع المناسب للبسكوت او للكيك

وبالنسبة الي السمنة طبعا السمن البلدي لا يعلي علية ولكن فية حاجة اكتشفتها السنة اللي فاتت وهي ان في زبدة بقري ممكن

تشتريها من بتوع اللبن وهي بتكون لونها اصفر ارخص بكتير من الزبدة الجاموسي البيضاء ولما تسيحيها بتتحول الي سمنة

زي فرن بالضبط وارخص بكتير اتذكر الكيلو كان في رمضان اللي فات ب12 جنية وممكن وهي زبدة تعملي بيها البسكوت

والبيتي فور وهي اضمن من الزبدة البقري الصفراء المستوردة


والزيت زيت سلايت ممتاز وهلا كمان وطبعا مازولا ولكن اغلي وعافية بردة ممتاز

واي زيت ذرة يكون للاكل اما زيت العباد فالتحمير


والبيكنج بودر في تاج الملوك والفانيليا العلب افضل من الاكياس لان مافيهاش سكر


وزبادي جهينة افضل في الجلويات من الزبادي البلدي وبردة حليب بخيرة بالنسبة للبن المعلب
المكرونة ريجينا احلي نوع ووفي شعرية للتحمير الملكة

الصلصة احسن شيئ فاين فودز البرطمان الزجاجي


بالنسبة للعصائر جربوا تجيبي المانجة الطازجة دلوقتي وتغسلوها وزي ماهي تحفظيها بالديب فريزر او الفريزر العادي ولما

يجي رمضان تطلعي اللي انتي محتجاة يفك وتعملي منة عصير فريش وكمان الموز واالفراولة والجوافة حتي الطماطم زي ماهية سليمة واحفظيها بالفريزر


ولما تحتاجيها حطيها بماء ساخن وارمي القشرة الخارجية واضربيها في الخلاط

ما شاءالله ..الله ينور عليكم كل الحاجات اللى قلناها زى الفل فعلا وعلى فكرة يا نودى هنا فية اسواق فتح الله والاسرة السعيدة بس مرحتهمش خالص والله لاروحهم واشوف اية الاخبار عندهم
احلى فانوس يا زئردة الفانوس الشمعة بتاع زمان ولسة موجود لحد دلوقتى وانا كل سنة لازم اشتريلى منهم واحد ليا وناس كتير بيشتروة .كل سنة وانتم طيبين واحنا متجمعين بالحب والخير ولسة منتظرين نعصر مخنا تانى ونفيد بعض

كل سنة و انتم طيبين و ربنا يبلغنا رمضان و نحن اليه اقرب و على طاعته احرص

طبعا انا مش فاكرة تقريبا حاجة في مصر بس حبيت اقول بالنسبة للعصاير في عصير جوافة دومتي ده احسن عصير جوافة معلب بحس انه طبيعي و مش مسكر

يا جماعة بعد اذن نووودى فتحت لينك فى ملتقى الاحبة المغتربين ياريت ميتحذفش و نشارك فيه
اللى من مصر أومغتربة خارجها يللا تدخل علشان نسأل بعض و نستفيد
http://forum.hawaaworld.com/showthread.php?p=4277646#post4277646

مساء الفل عليكم جميعاً
كل عام وانتم جميعاً وأسرتكم الكريمة فى تمام العافية والصحة والسعادة بمناسبة شهر رمضان الكريم أعادة الله عليكم وعلى أمه المسلمين جميعاً بالخير واليمن والبركات
اللهم اجعلة شهر المغفرة والرحمة وتقبل منا جميعا

على فكرة محدش فكر يشترى الياميش من الحسين الحقيقة احنا بنشترى من هناك والبلح فيه هناك ناس كتير قاعدين ببلح كويس بعيد عن المحلات وتمنه معقول وفى عند الكورنيش سوق البلح برضه هناك اسعاره ممتازه
بالنسبة للكنافة والقطايف من عند البيومى وليه فروع كتير وعلى فكرة بيعمل عجينة سمبوسك أحلى كتير من الموجودة فى السوبر ماركت
الشيكولاته والكاكاو الخام من درب البرابره وكمان فيه هناك علب كمبوت ب 7ج ممتازه وكريم جانتيه وبيبيعوا عجينة ميل فاى جاهزة ومستويه كويسه
الجيلى والبيكنج بودر والفانيليا انا بفضل كوكس والزيت سلايت عباد الشمس خفيف وكرستال ذره السمن بلدى ولدهن الصوانى بستخدم روابى
على فكره فى كارفور سكر ب1.60 المكرونة المصرية وريجينا
الزبادى حد جرب (أوليه ) وفيه عطار حلو قوى عند محطة المترو اللى فى محمد نجيب لما نمشى على اتجاه شارع باب اللوق عنده ارز بسمتى سايب كويس وسوبيا سايبه نوعها كويس
والشاى ليبتون ومش فاكره حاجة تانية
يارب أكون أضفت فائدة