ربنا يخليكي يا دندون والله جزاكي الله خيرا على ردك، أنا في آخر النزهة الجديدة يعني العقاد مول اقربهم ليا وتريموف برضه قريب ، انا هاروح على الموضوع بتاعك واشوف الوصفات

ام ابيها اقربلك تريومف جربيهم وحيعجبوكى وعقبال ما تقومى بالسلامو وتجيبلنا ديك رومى صغير .....بلالالالالالاش خليها فرخة

يا بنات اية رأيكم فى منجات اللحمة الجملى ...الهجن ...حد جرب حاجة منه ؟؟؟انا جربت اللحمة المفرومة مش وحشة بس طبعا مفهاش طعم البلدى وجربت البورجر اهو مجبر اخاك لابطل ..وجربت الستيك حد الله ما يدخل البيت تانى ابدا وجربت الكفتة حلوة بس تاكليها لما تكونى واقعة من الجوع ...هة حد جربهم ؟؟؟

يا جماعه واضح انكم اصحاب من زمان اوى وانى جديدة عليكم . على العموم انا هاعرفكم بنفسى انا رونا من مصر سنى 30 ومن المعادى وعندى بنت وولد (ربنا يخليهم) ...
انا جربت صدور الرومى من كارفور وجميلة جدا جدا جدا كانها فراخ بانيه شوية وكمان جربت اللحمة الجملى من الجزار بس المفرومة منها بس..
انا سعيدة اوى بيكم لانى لقيت حد اخيرا له نفس اهتماماتى.. على فكرة انا باشتغل ومش بالاقى اوى وقت للمطبخ على الرغم من انى باحب الطبيخ جدا جدا.

ازيك يا رونا لكن حد يقول عمره كدة ببساطة ؟؟و خصوصا الستات ؟؟؟ربنا يخليلك اولادك يارب وبالنسبة لمنتجات الهجن دى منتشرة دلوقتى فى السوبرماركات لانى للاسف معرفش جزار بيبيع اللحمة المفرومة الجملى علشان كفتة الارز ياريت لو تفيدينى