الله يعينك يا رونا انا بستعمل طول السنة الكنافة المفرزة وانا بعمل عجينة القطايف لكن فى رمضان بس بستعمل الكنافة الفريش بيبقى مثلا كل يومين ثلاثة على الصينية ما بتخلص

انا كنت باعمل كل حاجة واجمدها يعني صينية المكرونة بالباشميل والجلاش باللحمة واللحمة المعصجة واخليهم يدوبك على التسوية، يعني المكرونة اغلفها كويس ويوم ما اعملها اطلعها تفك وبعدين ادهن الوجه بيض وادخلها تتسوى وبرضه الجلاس اطلعه يفك وبعدين اضيف له اللبن واسويه بس اهم حاجة التغليف يكون كويس

لم ابيها حتلاقى كل اللى انتى عايزاة فى الملف بتاعنا وبالنسبة للفراخ البانية ممكن تكمليها للاخر يعنى تعمليها بيض وبقسماط وتحطيها وبين طبقاتها نايلون وتبقى على التحمير على طول

السلام عليكم ورحمة الله وبركاته
تقريبا كان عموا اللى عند هبه قاعد جوه الجهاز وحالف مادخل ابدا مع انى قلتها تبعته للمدير مش ليه انا:22:
المهم ازيكم كلكم وحشتوووووووووووووووونى

على فكرة كمان بنحتاج فى التوابل الفلفل الأبيض مع الشربه بيبقى احسن وفعمايل المايونيز
بس ايه توابل تندورى انا مش عارفاها ممكن تقوليلى هى ايه يادندون وملح الليمون بيستخدم فى ايه علشان انا بنظف بيه السيراميك وكمان بودرة كارى وجنزبيل

ممكن فول صويا للى يحب يعمل همبورجر للسحور
شوفان للشوربة
مشروم
علب تونه لحشوات الفطائر
خل

كمان من المشروبات التمر هندى والدوم (الدوم موجود عند العطار مجروش لكن كمان شركة ايزيس عامله منه جميل جدا

والقهوة علشان ضبط الدماغ بعد التراويح

ودقيق السميد لزوم البسبوسه ودقيق ذره للى يحب

بالنسبة للحوم _ممكن نحط بعض أفكار
بالنسبة للدجاج من كل صنف مقدار ممكن تشكيله من:
بانيه (ممكن نعمل منه مفروم أو كوردون بلو أو بانيه عادى) - دبوس - اجنحه - شيش طاووك - شورمه

بالنسبة للحمه
اكيد مفروم لزوم عصاج وفطائر
بفتيك - استيك - مشوى
رقبه أو كتف ضانى
لحمه مكعبات للخضار والطواجن
ممكن عمل كفتة ارز وتحميرها وتكيسها بالفريزر للتغيير

واخيرا صابون سائل لزوم غسيل الأطباق أو اطباق ورق وحلل فويل لزوم الراحه:angry:

وهفكر وارجع تانى

هااة يا جماعة مين يزود ؟؟؟؟ على فكرة انا قبل رمضان بنزل اشترى صوانى فويل كل المقاسات بستخدمها فى رمضان بالزات لان الاصناف اليومية بتبقى اكتر فبحاول اقلل كمية المواعين شوية بس بشترى النوع التقيل الماسك نفسه لان فية انواع خفيفة وعادة بشتريهم من فرع من فروع درب البرابرة اللى فى ميدان الجامع شارع هارون