صباح الخير
احنا بنحب مكرونه ايطاليانو حلوة وسعرها كويس قبل كده كنا بنستعمل ريجينا
الشاى دلما نكهته حلوة قوى
الكنافة بنجيبها من حلوانى سايبة وبنعملها فى البيت
البسبوسه بنجيبها جاهزة برضه لاننا فشلة فى عمل البسبوسه
ايس كريم بودرة دريم حلو الفانيليا منه اما الفراولة والمانجا دسم قوى
جيلى دريم حلو بس يا نودى حطى لكل باكو كوباية ونص ميه
هفتكر تانى واقولكم

احلام يا قمر، تسلمي على مساهمتك معانا، و اي معلومة تحبي تضيفيها يا قمر، احنا معاكي

لاروزتي الحلوة شكرا يا قمر على معلوماتك القيمة، و حاخد بالي من موضوع كمية المية ده بعد كده مع الجيلي، اي حاجة تفتكريها يا قمر ضيفيها لنا و كل سنة و انتم جميعا بخير

ياللا يا جماعة عاوزين نستعد لمستلزمات رمضان من دلوقتي و نعمل قايمة بالمشتروات اللي حنجيبها

طب اية المحلات اللى بتتعامله معاها وتحسو انها ارخص من برة ؟؟؟
انا اعتقد المحمل ثم ابو زكرى ثم اولاد رجب ثم كابرى ثم شوبرايت (طبعا هايبر يا هبهوبتى بس انا نفسى اروحة بس بعيد عنى قوى ....وانتو بتتعاملو مع مين ؟؟؟ هة يا لاروز

الارز الضحى والسوهاجى
المكرونه مصريه وريجينا للباشميل
السمنه بلدى طبعا
الزيت كريستال
البسبوسه ماركيز حلو الشام سيئه جدا
الكنافه احمد بيومى الكنفانى والقطايف كمان
اغلب الحلويات من لابوم اللى عندنا فى شارع فيصل الرئيسى لاننا مبنبعدشlapomme
لياميش من الشركه المتحده اللى فى العتبه دى من زمان ماما بتجيب منها و الصراحه معرفش هى احسن حاجه ولالا لاننا مبنغيرش بس حاجتها حلوة قوى
العصاير بيتى فرش لانى باتعب من المواد الحافظه وبحس كليتى هتنفجر
الايس كريم ساعات نجيبه جاهز من مخبز دريم اللى جنبنا برضه او لابوم او باعمله انا بنفسى
من منتجات دريم مع اضافه عصير فاكهه وكريم شانتيه
وكمان على فكرة جربو تحطوا على العصير الفرش كريمه فى الخلاط بتدى نكهه جميله قوى
الموز باللبن مثلا لو ماعنديش القشطه مابعملوش لانى اتعودت عليه تقيل وكريمى كده وباموت فيه
والفراوله باحط عليها شويه لبن وكريمه برضه يعنى ملك شيك
لو افتكرت اى حاجه هاقول لكم

أنا مش بحب البودر اللبن للأسف

جبت مرة nestle كليم وبعدين كرهته مش عارفة ليه (أصلى كنت حامل ساعتها) :D