والله اني مبطيتن عنكن خاصة يبنات الواحة الترفيهيه ومن زود شوقي ودي آخذكم بالأحضان
لاتزعلون مير من بدا الدوام وانا مرابطة بالواحة العلمية <<<<الدنيا مصالح (((ماتحسون مصالح تقرب لأم صالح))<<<< لحد يشره علي اليوم الاربعاء
وش نسوي الواحد يدور اللي يفيده ويفيد غيره لأن الدنيا أخذ وعطا((ماتحسون عطا تقرب لغطا)) <<<الشرهه موب عليك على اللي قاعد يقرا موضوعك<<<يعني انتم خخخخخخخخ
الزبدة اني رجعت لكم وأنا عارفة ان الكثير بعد ما ينتهون من قراءة موضوعي بيقولون ليتنا بلا هالرجعه<<<<<<عاد لا تصدقون وتقولنها ترى بتحطم
المهم اليوم أحس ماو دي أطول عليكم مثل العادة واقرق عليكم واجد شي يخص الموضوع وشي مايخصه مع العلم اني اللي يخص الموضوع كلمتين والباقي مدري وش جابه أصلا
لذلك برحمكم وبدخل بصلب الموضوع (( أحس لا قلت ((صلب)) كني مديرة <<<<أحلام اليقضه
المهم ((( حاولوا تعدون قولتي {{المهم}} ))) تراه دايم بلساني ولو اني ماهنا مهم الله يخلف علي
ارجع وقول المهم بطرح عليكم اسئلة بسييييطه بس لحظة موب تصدقون وتجاوبون عارفتكن تركضن تسابقن على الرد الاول اللي بتجاوب تجاوب بخاطرها أو على قولة البزران تجاوب بقلبها والنيه محلها القلب ومن البدع التلفظ بالنيه<<<<<<<< حلو الواحد يجيب أحكام وفتاوى يستفيد منها الناس على الرغم أنه موب لم الهرجه
المهم<<< عديتوا {{المهم }}والا لا !!؟؟؟ اللي ماعدت ترجع تعد
اقولكم الأسئله هي :
نعرف أن المنزل مكون من غرف عديدة لكن:
ما اهم غرفة بالمنزل بالنسبة لك !!!؟؟؟
في اي غرفة تشعرين براحة أكبر؟؟؟؟!!!!
لو طلبنا منك الإستغناء عن جميع غرف المنزل إلا واحدة فاي غرفة تختارين <<<<الله العالم انك جاية تدربين علينا قبل يداومون طالباتك
في اي مكان في المنزل تشعرين بأنك تجلسين مع نفسك!!!!؟؟!؟
ماهي الغرفة اللتي تفعلين بها ملا تفعلينه بغيرها!!!!<<<أحس هالسؤال مبهم بس عادي مشوا دامي ماطالبتكن بإجابه
المهم باكتفي بالأسئلة هذي بس بفاجئكم وقول
تدرون ان لو فكرنا زين باأجوبة الأسئلة اللي جدعتها عليكم ((شكلكم مستنكرين كلمة جدعتها!!! بس عندي مداخله موب هالحين الواحد يقول طرحت الأسئله ويقول طرحه على الارض يعني باختصار طرح مرادفها جدع وأنا حبيت أغير عن الناس وكل واحد حر بالألفاظ اللي ينتقيها<<<<< الله من زين الألفاظ
المهم نرجع نقول يمكن أحد الأسئلة كان جوابه غرفة النوم ووحدة ثانيه تقول لا الصاله ووحدة تقول المقلط(((شكل كمبيوترها بالمقلط))) ووحدة تقول المطبخ( عاد هاذي يا إما واحد من اثنين ( اما انها سنعه ومن زود السناعة والقرامة نلقاها تدهر بالمطبخ
او انها دبببببببببه وعاد مايحتاج المطبخ بالنسبة لها أهم الغرف ومستعدة تستغني عن كل الغرفبس الذكية والنبيهه والفطينه والهدرة(((عفوا الأخيرة خطأ)) امسحوها بوجهي<<<الظاهر لو مافضحت روحي محد درى بس ماطاوعن قلبي أمشيها بدون ماتدرون<<<<الله من الذمه والضمير
تكتشف ان كل الأسئلة إجابتها وااااااااااااااااحدة
ياترى ماهي هذه الغرفه!!!!؟؟
هاه عرفتوها!!!!!!!!!
ارجعو تأملوا الأسئلة عشان تفكرون صح وتكونون هدرات قصدي ذكيات
طيب خلاص بقولكم اهم غرفة بالبيت بل انها أهم غرفة بالقصر بل انها اهم غرفة بالعالم هي
((دورة المياه))) الحمام الله يعز الجميع
كيف!!!!! انا اقولكم كيف
هالحين لو فرضنا غرفة النوم هي الأهم بالنسبة لك او الصالة او المقلط او المجلس هل تستطيعين ان تقضين حاجتك بداخلها((( ادري ان هالموضوع ماله داعي بس حبيت اوصل لكم حقيقة الكثير يجهلها)))
وبعدين المكان الوحيد اللي تختلين فيه بنفسك دون محد يفرض نفسه عليك ((هو))
ومن الملعوم ان الإنسان اذا كان معبي ومليان سواء حسيا او معنويا ومحتاج يرتاح يروح له حسيا كلكم عارفين كيف بس معنويا يعني لا صرتي متضايقة وبتصيحين وماتبين احد يشوف دموعك او يسالك وش فيك او يشوف خشمك المنتفخ من كثر الصياح وين يروح!!!!!<<<<مايحتاج أجاوب
ولو فكرنا بالسؤال الأخير ((هذاك المبهم)) ماهي الغرفة اللتي تفعلين بها ملا تفعلينه بغيرها!!!!
صار واضح السؤال هالحين لأن كل الغرف تقدرين فيها تنامين
وتاكلين وتلعبين
وتدرسين وترقصين
ان بغيتي وتنتنتين
الا قضاء الحاجة ماتقدرين الا في دورة المياه أعز الله الجميعوعموما اللي موب مقتنعة بحاول اقنعها بشي تذكري يوم كنتم كاشتين بالبر
وكنتي مبسوطة ومرتاحة وماعندك اي مشكلة ولا عانيتي من شي الا يوم جت الحسرة وذيك اللحظة بحلتي بعمرك ماتدرين وين تروحين وبذيك اللحظة فقط حسيتي بقدر الحمام عندك<<<صراحة أنا اقتنعت وكلمة أخيرة احب اضيفها (( البيت اللي مابه حمام موب بيت حتى لو انه قصر))
عموما ماعلينا كل اللي فات كان عبارة عن مقدمة أو على قولتهم مدخل وعلى قولة المعلمات تمهيد
حبيت أعرض لكم كم صورتين وهالصورتين تدل انه بس جزء من الغرفه المهمة اللي تو قلنا عنها هي أهم مافي الغرفة بغض النظر عن الباقي اللي ممكن نستغني عنها مثل المغطس((البانيو)) المغسلة ...الخ
الصورة الأولى
الله العالم صاحب هالشقة يعشق على البلكونه(((ياقدم كلمة بلكونه حسيت انها عجت من القدم)))
المهم شكله 24ساعة مرابط هناك وماغير يتفرج على الرايح والجاي وبما ان الواحد يمر بظروف طبيعيه وكل شخص يمر بها حاول يقضي على هالمشكلة بحيث انه يتحدى الظرف من غير مايضر روحه وبنفس الوقت مايفوت عليه لحظة يكون فيها بعيد عن العالم الخارجي
الصورة الثانيه هذا اللي يقولون عنه دايم الحاجة ام الإختراع ويمكن الكثير سمعها بس ماقد فكر في معناها لكن هذا شكله كان في قمة الحاجة واضطر يخترع بس السؤال لو كان بشارع عام وش الحل!!!!
عموما خلص الموضوع وتكفون عاد لا تقولون ليتك مارجعتي وخلك بالواحة العلمية احسن لك ولنا
ترى يمدحون المجاملة
مع السلامة
بتخطبينن!!!؟؟؟