هذه قصة طريفة جدا حدثت لعروسين في شهر العسل بس أتمنى ياشباب المقبلين على الزواج إن القصة هذي تكون درس رادع لكم .
البداية شاب كان مصادق شلة أنس وبالطبع فاهمين هالكلمة يعني لهم حركات نص كم . المهم إن الشاب فكر إنه يتزوج ويترك حياة المسخرة الي كان عايشها مع الشلة وبالفعل تزوج وبعد زواجه بإسبوعين أهل العروسة أقاموا للعروسين مأدبة عشاء أو ما يسميها البعض ( زوارة ) في نفس اليوم اللي كان العروسين رايحين فيه ( للزوارة ) جاء للعريس واحد من شلة الأنس ودار بينهم الحوار التالي :
الشاب : مبروك ياعريس كيف الأحوال وش مسوي مع العرس ؟
العريس : الحمدلله تمام .
الشاب : أنا عارف إن الوقت غير مناسب بس أنا جاي أستلف منك السيارة واعدت بنت كذا من الإنت خابرهم وتعرف أخوك يبغى يكشخ عندها .
العريس : لا يا أخوي فكني واللي يرحم والديك إنا بطلت هالعلوم وثانيا أنا معزوم ماأقدر أعطيك السيارة .
أخذ الشاب يحاول فيه يمين يسار إلين أقنعه بس وعده إنه يرجع له السيارة الساعة 9 موعد العزيمة . وبالفعل الشاب رجع السيارة في الوقت المحدد ووفى بوعده . ركب العريس وعروسته السيارة . كان العريس طول الوقت يتلفت يمين ويسار وفوق وتحت خايف لا يشوف أي آثار جريمة . وفجأة لقى جزمة تحت كرسي عروسته طبعا الرجال أصطفق ودارت به الدنيا يفكر كيف يأخذ الجزمة بدون ماتحس عروسته . العروس مطفوقه طول الوقت تتلفت يمين ويسار ماخلت ولا سيارة إلا وعرفت نوعها ولونها . العريس انتهزت فرصة لقافة زوجته وسحب الجزمة من تحتها ورماها بالشارع .
وبعدها أخذ العريس يتنفس الصعداء ويسوق السيارة بكل ثقة . وصل العروسين لمكان العزيمة ولما جت العروس تنزل صرخت : وين جزمتي . وش صار ياحلوين ؟ الغبي العريس قال : اللي رميتها جزمتك . طبعا حبل الكذب قصير . زعلت العروس وأقامت الدنيا وأقعدتها إلين اعترف ها بكل شئ . خيرت العروس عريسها بينها وبين الشلة . ما أطولها عليكم العريس طلّق شلة الأنس وعاش حياته في إستقامة
منقول
nonona @nonona
عضوة نشيطة
يلزم عليك تسجيل الدخول أولًا لكتابة تعليق.
احليل المعرس
وياشين هالمقلب عروس من غير جزمه والعزيمه عزيمتها
والله من الفشله
يسلموا يالغاليه على النقل الحلو
وياشين هالمقلب عروس من غير جزمه والعزيمه عزيمتها
والله من الفشله
يسلموا يالغاليه على النقل الحلو
الصفحة الأخيرة
مسكين العريس
يسلمو على القصه ..