إبتعدت عن زوجي وتحسفت 😁!

اسعد الله اوقاتكم ي حريم .. بحاول اوصف لكم سالفتي باختصار
انا زوجي مغترب في بريطانيا و لنا ثمان شهور متزوجين وانا الآن حامل بالشهر الخامس .. المهم زوجي شمالي شرقي مرا مرا عنيد وحريص عالترتيب والنظافه بالبيت < وهذا من حقه بس حيل يتعبني وانا كنت وحام ، وراعي عزايم ويبي طبخ ونفخ طول الوقت
المهم اني نشبت في حلقه عشان انزل عند اهلي ارتاح لين الولاده و كان رافض ويصبرني دايم بس قدر الله ان صارت بيننا مشكله وانا لساني طويل وزعل مني ونزلنا السعوديه .. واحنا في المطار تفاهمنا واتفقنا اني اخذ هالفتره نقاهه لين ارتاح وهو بعد ياخذ وقته بعيد عني
( يعني صار اللي كنت ابيه )


طبعاً تراضينا وصرنا زي العسل وهالكلام قبل شهر ، ونتراسل كل ليله ويكلمني وكل شيء تمام
بس احسه حيل اخذ راحته مع اصحابه وبدأ ينساني مايراسلني لازم انا ابدأ واحس لا مبالاه منه يعني ارسلت او ما ارسلت مافرقت معاه ، و صرنا نتمشكل بالمكالمات
حاجه تقرف ..


ويوم جيت عند اهلي رجع طبعي القديم مع خواتي ومشاكلي معهم ويقولون لي مستحيل تتركين اطباعك الشينه وعصبيتك < مرا ندمت اني تركت بيتي والمده مرا طويله يبي لي وقت لين اولد بإذن الله. ، راح يزهقون من


ايش اسوي ارجع اطلبه يحجزلي؟ مع انها صعبه
والا اصبر وانا حاسه اني بديت اخسره واخسر خواتي بسبب اعصابي اللي ما اقدر اضبطها؟ وحتى لو رجعت معاه متأكده راح ترجع مشاكلنا القديمه لأنه عنيد وانا نفس الشيء


ابي اطور شخصيتي ابي اكون حليمه واتحمل بس مو قادره قسم بالله مو قادره !


عارفه كلامي مو حيل مرتب بس اللي تقدر تحكي كلمه زينه ياليت تقولها وبدعيلكم ❤❤