مساء الورد ع الحلوات وحشتوني
حبيت أشارك معاكوا النهاردة بحبيبة الكل الكبار قبل الصغار
وكمان لاحظت ان معظم البنات بيستخدموا كيك بيتي كروكر
بشكل كتير مش عارفة ليه عشان هي اسهل ولا اضبط
أيا كان الحال فهي فيها مواد حافظة كتير
ووصفتي النهاردة كيك شيكولا ينافس الجاهز وكل اللي اكلها عندي اخذ وصفتها
يلا ياحبوبات نشوف المقادير
2 بيضة+فانيلا
1/2 1 كوب سكر
ربع كوب زيت
نصف اصبع زبدة
علبة زبادي
كوب ماء
2 كوب دقيق
م ك ب ب
3:2 م ك كاكاو
شوفتوا م المقادير واضح انها حلوة
الطريقة
نضع البيض والفانيلا مع السكر ف الخلاط ونخلط كويس حتي يصبح لونها فاتح
ثم نضيف الزبادي ثم الزيت والزبدة ثم الماء وفي الاخر نحط الكاكاو
ونخلط جيدا ثم يصب الخليط ف وعاء اخر ونضيف علية الدقيق مع ب ب
ثم يصب ف صينية مدهونة ومرشوشه كاكو عشان لما نيجي نقلبها يكون لونها موحد اما لو رشيناها دقيق هايكون
لونه من تحت ابيض
ثم تخبز في فرن مسبق التسخين من تحت فقط وعلي الشبك
بتاخذ حوالي 40 دقيقة
ثم نتركها ف الصينية شوية تبرد شويه لان لو قلبناها وهي ساخنة هاتتكسر
وفي هذه الاثناء نجهز الصوص ( حبيب قلبي) الكل بيحب ياكلة لوحدة
ألذ صوص وأسهل وأطعم صوص
المقادير
نصف اصبع زبدة
3/4 علبة حليب محلي ومكثف
2 م ك كاكاو
الطريقة
نذوب الزبدة ع النار هادية طبعا ثم نضيف لها الكاكاو ونقلبهم مع بعض كويس
ثم نضيف الحليب المكثف
ونسيبهم ع النار دقيقة حتي يتجانس الخليط
وعلي فكرة الصوص قوامه متماسك وليس خفيف ودة السر ف الطعم
تابعوا معي باقي الموضوع
رجاء عدم الرد حتي اكتمال الموضوع
بعد ماجهزنا الصوص نقلب الكيك
وشوفوا عن قرب إد ايه هشة وخفيفة
ثم نصب عليها الصوص الجميل
ووقت التقديم تزين بخطوط من الحليب المكثف
وهنا م الداخل هشة ولذيذة جدا جدا
وهنا شكل الصوص ياجماله ياجماله
وف النهاية أتمني تجربوها بجد جميلة جدا ولذيذة والكل هايسألك اشترتيها من فين
لان طعمها مثل تارت الشيكولا الجاهز
في رعاية الله وآمنة
والحمد لله الذي أطعمنا وسقانا وكفانا فكم ممن لا كافي له ولا مأوي
اللهم انصر إخوانا في سوريا
اللهم فرج كربهم
واستر نسائهم واحمي شبابهم
بقدرتك ياأرحم الراحمين