(إخصائيهـ إجتماعيهـ) رد على رسايل الخاص ,, الخميس 19_ 7

السلام عليكم صبايا ,, :)
سوري عالتأخير ,,؟!!
كان عندي عزيمه أمس ولادخلت أقرا رسايل الخاص ولاقدرت أرد ,,
عموما الحين تو قريتها وراح أرد عليهم ,,
فلا يتوقعون تأخيري إهمال لهم ,, لا وربي ,, بالعكس أنا حييييييل أفرح برسايلكم عالخاص وأحب أساعدكم بالحلول ,,
دام هالشيئ إختصاصي أحب أبدع فيه وأمارسه ,,
الحين ببدأ بطرح الرسايل عالخاص وأتبعها بحل المشكله ..؟
**ـــــ**ـــــ**ـــــ**ــــــ**ـــــ**ـــــ**ـــــ**ــــــ**ــــــ**ـــــ**
(الرسالهـ الأولى):
كيفك اختي
عساك في احسن حال
انا حبيت اسألك بخصوص
قانون الجذب
لازم اسجل الفكر 21 مره فالدفتر
ولا اكتفي بني اقول بيني وبين نفسي
؟؟
وانا في ناس قالوا
بيخطبوني بس لين الحين
ماجوا
ولهم مده
اقدرا امارس معهم هالتمرين
وش اسوي
>مثل اكتب
<<جوا الناس الي بيخطبوني ووافقو علي 21 مره اكرره فدفتر او بيني وبين نفسي
>وابد اتخيل الاشياء الي بتحصل من زواج وتجهيزت...إلخ لمدة 14
الله يسعدك يليت تجاوبيني
لان صليت الاستخاره وباقي انتظر اطبق القانون


الحل :
حبيبتي دام صليتي الإستخارهـ وأرتحتي لهم ,,
أتبعي هالخطوات معي ,,!!
أهم شيئ ثقي بربك وأحسني الظن به وثقي ان ربي راح يجيبهم لك قريب ويتمم لك زواجك ويسعدك (هذي أهم نقطه وهي الأساس ) ولاتنسين أن ربي يقول انا عند حسن ظن عبدي في ,,
يكفيك ان ربك سبحانه قاله وربك قوله الحق ,,
يعني ربنا عند وعده ,,
(يعني لو تطبقين القانون من هنا الى سنه ماراح يتم لك شي ولاراح تستفيدين اذا ماطبقتي النقطه الاولى اللي هي ثقتك بربك )
حاولي تصلين الصلاه بوقتها ,, لأن احيانا ابن ادم يكون له رزق كبير من ربي لكن يسوي ذنب يغضب ربي فيمنع ربي عنه الرزق الين يتوب من ذنبه ,,
يعني توبي من ذنوبك ,, يمكن هي حاجزة نصيبك لايجيك ..؟!!
غير كذا انصحك بالاستغفار عظييييييم خاصه وقت الاسحار (يعني اخر الليل)
الاستغفار مفتاح لكل شي (كنز عظيم)
غير كذا تصدقي بنية هالشيئ ,, لان الصدقه عظيمه عند ربي ويكفي انها تطفئ غضب الرب وتدفع ميته السوء ,,
يمكن ربي غضبان عليك بسبب ذنب فلعل صدقه تطفي غضبه وترزقك برحمه ربي سبحانه ,,
(فيه نقطه الكل يغفل عنها الا وهي طاعه الوالدين ,, لان رضا الوالدين من رضا ربي ,, حتى لو علاقتكم معهم مو زينه ,, انتي تحملي والتزمي الصمت لاتراددينهم ولاتنفخين عليهم واذا طلبوا شي جيبيه لهم ,, تحملي طاعتهم اذا تبين نصيبك يجيك ان شاء الله )
بعد كذا نجي لقانون الجذب وهو اخر نقطه ,,
تفائلي بربك وحاولي تسترخين وتغمضين عيونك وتتخيلين انهم جو يخطبونك وقولي بصوت منخفض وركزي بالكلام وانتي تقولينه
قولي : الحمدلله خطبوني وتملكت على خير
وكرريها 21 مرة او زيدي ماعندك مشكله عادي .. المهم لاتقل عن 21 مرة
وكرريها لمده اسبوعين وان بغيتي تزيدين مافيه مشكله ,,
طبعا تبين تكتبينها او تقولينها بصوت خفيف عااادي كلها واحد ,,
اهم شي اذا خلصتي من القانون حاولي تصدقين نفسك انك خلاص متملكه وتنتظرين زواجك وتفكرين وش تجهزين للزواج ,,
هذا تفائل (تفائلوا بالخير تجدوة)
اهم شي انتبهي لاتتشائمين ابدا ,, ولا ترا راح تخربين كل شيئ ,,
خليك على طول مبتسمه ومتفائله وحسسي قلبك انهم جايين جايين ,,
بكذا انتي جذبتي التفائل لك ومن هالمنطلق التفائل من ربي يجيبهم لك ,,
وربي يتمملك على خير ,,
وأمانه أحملك إياها أن انخطبتي بلغيني عالخاص ,,,
لاني حاااسه حييييييييييل انك راح تنخطبين ويتم موضوعك على خير ,,
وبالتوفيق غلآتي ,,
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ**
(الرسالهـ الثانيهـ):
يااختي العزيزه
بصراحه انا عندي مشكله
اني مع امي وابويه مو تمام عصبيه ليه مادري
وماني قادره افهمهم حاولت كم مره بس ماني قادره
امي بس تدعي عليه
ياليتك تساعديني
انا بنت
الحل :
عزيزتي اهم شي بالدنيا رضا الوالدين ,,
انا حاسه فيك ,,
انتي عصبيه ولاتعرفين ليش تعصبين عليهم وبنفس الوقت ودك ماتعصبين لان عندك خوف بقلبك من ربك
انتي ماشالله فيك خير وعارفه ان هالشي اللي تسوينه غلط ,,
وودك تعدلين من نفسك ,,
(انتي هنا حليتي نص المشكله لانك اعترفتي بغلطك معهم )
حبيبتي انا حاسه فيك ,,
انتي بالبدايه حاولي اذا هاوشوك تستكين لاتردين ,,
واذا قالوا سوي كذا ,,تحملي وسويه وانتي محتسبه الاجر بقلبك ,,
سوي الشيئ مو عشانهم ,, لا عشان ربك ,,
استمري عالخطوه ذي اسبوعين الى 3 اسابيع ,,
بعد كذا حاولي تجلسين معهم ,, سولفي مع امك على خفيف ,,
سولفي سوالف عن المدرسه او عن صديقاتك
(هالخطوه تقربك لأمك )
(للأسف مجتمعنا البنت متى تصير صديقه أمها ,,؟ اذا تزوجت ,,؟؟ طيب لييييييش ماتكون صديقتها من تكون صغيره )
طبعا انا اقول الأغلبيه ,, لان فيه قليل من الأمهات ماشالله فاهمه وتكون صديقه لبنتها من يوم بنتها صغيره ,,
حاولي تشترين لأمك هديه ,,
اشتري لها وانتي رايحه للسوق ,,
اشتريلها بمناسبه رمضان بما أنه جاي ربي يبلغنا فيه ,,
اشتريلها سجاده وعود ..
وبالعيد اشتريلها بخور للبيت مثلا ,,
يعني مو شرط تكون الهديه غاليه ,,
10 ريال تكفي وربي ,, البخور فيه بعشره تاخذين علبه صغيره ,,
والسجاده كذالك ماتزيد عن 10 ريال ,,
اذا معك فلوس زايده اشتريلها شيله (الطرحه اللي عالرأس)
او جلابيه حلوة ,,
طبعا قولي مريت وعجبتني وشفت انها تناسبلك وشريتها لك ,,
كل أب وأم شي طبيعي يهاوشون عيالهم خصوصا لما يكونون الوالدين تعليمهم بدائي ,, لأن بنظرتهم التربيه بالشده زي ماكانوا يربونهم آبائهم ,,
حبيبتي وش راح تخسرين لما كون علاقتك مع امك زينه ,,
بالعكس راح تكسبين رضا ربك ثم رضاهم واعلمي ان مجاهدة نفسك على طاعتهم اعلى وافضل عند ربك من الجهاد في سبيل الله ,,
(تخيلي ,, وأجر الجهاد يكون شهيد ,, فما بالك بالوالدين ,, )
وراح تكسبين راحتك النفسيه لانهم راح يحسون انك ناضجه وعاقله وفاهمه ,,
وبالأخير راح اعطيك حل بديل اذا اهلك من النوع العصبيين ولاينفع معهم كذا كوني من النوع الصامت واهم شي لاتراددينهم ,, يعني ان طلبوا شي اخدميهم بدون لاتراددين وتعصبين ,,
(عزيزتي انتي ماشرحتي لي هل ابوك وامك عصبيين ,, وانتي كم عمرك ,, لأن سن المراهقه طبيعي تكون العصبيه زايده فيها ,, لكن ماحبيت اهمش الرد على رسالتك )
ـــــــــــــــــــــــــــــــــــــــــــــــــــــــــــــــــــــــ**
(الرسالهـ الثالثهـ):
السلام عليكم ورحمة الله وبركاته
اختي العزيزه اخصائيهـ إجتماعيهـ ... كيف الحال ؟؟؟
ان شاء الله تكوني بخير
انا قرأت موضوعك الخاص بي قانون الجذب ... ان شاء الله ناويه ابدأ فيه ,, بس بالأول راح احكي لك عن قصتي
طبعا انا تقدم لي شخص وطلبني للزواج واتفقت معاه على هالموضوع المهم بعد فتره كلم اهله وصارت بينهم خلافااااات كبيره جداا ورفضوا هالموضوع
طبعا انا قلت له راح اصبر عشانك لأن صعب زواجي في ظل وضعي انا خاصه ان مالي اي اختلاطات بالناس فهو مناسب لي جدااااااا جدااااااااا
المهم جاني بعد 3 سنوات قال لي تتوقعي انا نتزوج قلت له املي بالله كبير خاصه اني مداومه على الأستغفار والصلاه على النبي واطلب الله دايم انه يجمعني فيك
قال انا لازم انسحب لأنا نضيع وقت قلت له عطنا فرصة اخيره يمكن يوافقوا وقلوبهم بيد رب العالمين ... وصار له فتره ما اعرف عنه شي
الحين بالحاله هذي ينفع اني اطبق قانون الجذب انه اهله تلين قلوبهم عليه خاصه انه كبير بالعمر مو صغير

واخيرااا هذا ايميلي لأني محتاجه اتواصل مع اخصائيه اجتماعيه خاصه اني ما اكلم احد ولا اختلط بإي احد حتى اهلي ما اقدر اقول لهم عن مشكلتي

ملاحظه انا تعرفت عليه عن طريق عمل بيني وبينه ... وسبب ان اهله رافضين لأنه مطلق واللي تزوجها اول كان متعرف عليها وبعدين انفصلوا عن بعض

انا طالبه نصيحتك

الحل :
عزيزتي أنصحك أول شي استخيري كذا مره ,, كرري صلاه الاستخاره حتى لو تصليتها عشر مرات ,,
واذا ارتحتي كملي استغفار وصلاه عالنبي صلى الله عليه وسلم ,,
وبعد كذا طبقي قانون الجذب ,,
لأنه بحالتك راح يفيد بإذن ربي ,,
بس خليك متفائله لأني لاحظت انك تتفائلين وترجعين تخافين وتتشائمين ,,
وغير كذا صلي صلاه الليل فإن سهام الليل لاتخطئ ,,
وبطلي التشائم من حياتك اليوميه ,,
وبشريني عنك لأني حاسه ان الفرج قرررررريب ,,
غلأتي انا وقتي حيييييييييل ضيق مااقدر اضيف ايميلات ,,
لان وقتي اللي افضى فيه ادخل المنتدى ,,
واذا عندك كلام او مششكله ارسليها عالخاص ومن عيوني ارد عليك فورا ,, لاتترددين اعتبريني اختك ,,
وربي يوفقك ويجمع بينكم عاجلا يارب ويلين قلوب اهله ويحببهم فيك ,,
ــــــــــــــــــــــــــــــــــــــــــــــــــــــــــــــــــ**
(الرسالهـ الرابعهـ) :
دكتوره انا ودي اصير متفائله ودي احس بالفرح اعيش حياتي تخيلي يادكتوره عمري تحت العشرين ولكني عايشه بهم اكبر من عمري انا احس اني متشائمه نوعا ما افكر في اشيا مدري وش تبي دكتوره تكفين ساعديني انا محتاجه شخص يفهمني :( ابي حياتي تفائل اجابيه مابي اي احد اقابله بحياتي اثق فيه ابي بيني وبين الناس حدود وجزاك الله خير ..
الحل :
الله كريم ويسهل علي واكمل دراسات عليا وأصير دكتورة يارب
عزيزتي انا اخصائيه اجتماعيه لسى مااخذت دكتوراه بس ربك كريم ودعواتك لي يارب ,,
حبيبتي مشكلتك جداا طبيعيه ,,
لأن سن المراهقه طبيعي البنت تتلذذ بالحزن ,,
وتصير تفكر بمواقف حزن وتفكر انها عاشت مظلومه وهي بالواقع مو عايشه مظلومه ,,
لكن افكار المراهقه وبحكم تغييرات النفسيه تتشائم لااراديا ,,
وكثير من المراهقات يمرون بالمرحله ذي ,,
حتى احيانا الوحده تفكر ان ابوها وامها ماتوا وعاشت يتيمه وتفكر كيف انظلموا بسبب انهم تيتموا وطبعا تبكي لااراديا (لأنها عايشه الموقف بتفكيرها)
طبعا سن المراهقه يستمتعون بقوة التركيز بالخيالات ويعيشونها صح ,,
غلآتي لاتشيلين هم ..
بس تخلصين سن 18 تأكدي تماما انها راح تروح لأنها فتره وتعدي ,,
وهذا شي طبيعي ,,
بس انتي حاولي تنبسطين بحياتك وتعيشين مع صديقاتك باللعب ,,
استمتعي بحياتك لأن احلى ايام البنت فتره المراهقه وأيام الثانويه والمتوسط ,, من جد تكون ذكريات روووووووعه ونتمنى نرجع لها ,,
وراح أذكر لك قصه صارت معي ,,
انا لما كنت اتدرب بمدرسه متوسط جتني طالبه بصف ثالث متوسط وجلست عالكرسي وهي متوترهـ ونظرات الحزن بعيونها ,, طبعا قلت شنو عندك انا اسمعك تكلمي حبيبتي ,, طبعا ظلينا على هالوضع 10 دقايق ونحن عايشين بصمت ,, طبعا استخدمت مبدأ الاستثاره عشان تبدأ تتكلم ,, قلتلها يالله شكلك مررررة حزينه ماادري كيف قادره تتحملين بقلبك لدرجه ان الحزن واضح على وجهك ,, هي هنا انفجرت بكاء (وربي يابنات كأن أحد متوفي لها ) وجلست تبكي يمكن ربع ساعه طوووولت وهي تبكي قلت ليش البكاء أهلك صايرلهم شيئ ,, قالت لا ,, قلت انتي صايرلك شيئ ,, قالت ايه ,, قلت شنو ,, قالت اختي ,, قلت اختك شفيها صارلها شيئ لاقدررالله ,, قالت لا ياابلاء اختي تعايريني بحواجبي ,, (وربي يابنات حواجبها عاديه جدا لانحيفه تهبل ولاعريضه تشوهـ شكلها ) سألتها أختك كيف حواجبها ,,, قالت تشقرها ,, انا هنا ضحكت قلت انتي ياماما ماتحتاجين تشقير حواجب ,, يمكن اختك تحتاج مااعرف حواجبها لكن انتي قدامي واشوف ماتحتاجين تشقير ابدا ,, ورجعت تبكي ,,
( الخلاصه من الموضوع البنت مراهقه عندها تغييرات نفسيه طبيعيه ,, تبكي من سبب تافه لاحظوا ,, يعني لو البنت حولا ولا عرجا ولا عندها اعاقه وش بتسوي ,,؟ طبعا انا فهمت انها عايشه ضغط فطري بسبب سن المراهقه ,, رغم انها بنت مملوحه وشعرها ناعم ,, ملامح وجهها هاديه مرة وطولها عادي وجسمها برضو عادي تميل للنحف )
مواصفاتها مافيها عيب ,, لكن الضغط وتقلب المزاج والنفسيه بفتره المراهقه خلى نفسيتها تتعب من سبب تافه ,,
ومن ناحيه انك ماتبين تثقين بأحد ,, وتخلين بينك وبينهم حدود ,,
أختي انتي سولفي واضحكي ,, أهم نقطه انتبهي لاتستحقرين نفسك قدام أحد عشان لاأحد بعدين يتمادى ويستحقرك ,, وتذكري انه ( يضعك الناس حيث تضع نفسك )
ولاتغلطين على شكل أحد ولاتستهزئين بشكلهم ,, وبكذا انتي حافظتي على الحدود بينكم ,, يعني الخلاصه خليها ضحك وسوالف بدون تريقه عالأشكال وعالمواقف لاتقللين من شأن أحد ولاتقللين من شأنك ,,
ــــــــــــــــــــــــــــــــــــــــــــــــــــــــــــــــــــــــــ**
(الرسالهـ الخامسهـ)
جزاك الله خير اختي بس تتوقعي ان سبب فراقنا عين او سحر و اذا داومت علي الفاتحه يرجعلي

بالله عليكي ادعيلي انا الحمد لله دايما استغفر و احاول ادعي ربي دايما فيه

الحل :
عزيزتي انا مررة تأثرت بقصتك ,,
بس من جد العين حق كما قال رسولنا صلى الله عليه وسلم ,,
انتي استمري على الرقيه بسورة الفاتحه بنفس الطريقه اللي قلتها لك ..
وصدقيني اول ماقريت قصتك ربي دعيتلك من قلب ,,
لكن انتي اقضي حوائجك بالسر والكتمان ,,
يعني اذا رجعلك خطيبك لاتقولي لأي احد لاصديقاتك ولا اقاربك الين يتم الموضوع ,
وتصدقي بنية ان ربي يتمم موضوعكم ,,
أهم شي الرقيه لأنك جداا محتاجها لها ,,
وحافظي على اذكار الصباح والمساء بإذن ربي تحميك من أعين الجن والأنس ,,
وربي يتمملك موضوعك بأسرع وقت ,,
وأمانه أحملك إياها فرحيني اول مايتم موضوعك وانا راح ادعيلك كل مااصلي الوتر ,,
وعلى فكره صلي الوتر بعد صلاه العشاء اذا انتي تنامين بدرري
لان من صلى الوتر كأنه قام الليل كله ,,
ماأعظم ربي معنا ,, سبحانه جل شأنه ,,
ـــــــــــــــــــــــــــــــــــــــــــــــــــــــــــــــــــــــــــــــ
:):) كلي آذان صاغيهـ لكم وللبقيهـ :):)
ودمـــــتم بكـــل ود :26: