إذا سألك طفلك عن الموت فماذا تجيبين عليه ؟؟؟؟؟؟؟

ما ادري و الله .. ان شاء الخوات يردون و نستفيد وياج

تفهمينها ان كل انسان يكبر ... والله ياخذه والي يسوي اشياء زينه يروح الجنه
...................................................والي يسوي اشياء مو زينه يروح النار
وشلون تفهمينها الجنه والنار .. كل ام وطريقتها :)
الجنه حلوه فيها نهر وطيور وحلاو وككاو ...الخ
والنار تحرق وحاااره وتشوي :)
بس بطريقه حلوة مو تخرعينهااااااا :)

حاولي حبيبتي تغرسي فيه الايمان وتحدثيه عن ربه
بطريقه بسيطه مشوقه تناسب عمره..
يعني مثلاً قولي له: اللي يسمع كلام امه يدخل الجنه واللي
مايكذب ربنا يحبه..واللي يذاكر ربنا ينجحه..
واللي يساعد اخوه الناس تساعده..واللي يصلي ربنا
يحفظه من الشيطان ..اللي مايستحم الشيطان يحبه ..
واللي يستحم الملائكه تحبه.. الخ.
وحببيه بالجنه (فيها حلويات والعاب وزحاليق وفساتين..الخ)
والنار..
(فيها شوك وقطط وكلاب ومسامير وزجاج مكسور على الارض
وحاره تسلخ الجلد).
وقدمي له قصص واناشيد تتكلم عن القيم الدينيه لتعينك على
توصيل تلك المفاهيم اليه..
واذا سألك عن الله..
(فهو فوق في السماء يسمعنا وينظر لنا ولما نعمله)
وبسطي له مفهوم الموت بنموذج حي..
يعني جيبي نبته وازرعيها ووريه كيف تنمو وتكبر وبعدين تموت
وقولي له احنا كمان كذا..وهكذا بالتدريج وببساطه ليفهم وتترسخ
تلك المفاهيم بحب ووعي..
عموماً حبيبتي عندك نت يمكنك الاستعانه به واذا عندك اسئله
معينه مستعده اساعدك فيها انا والاخوات..

فهميه ان الله جابنا لهالدنيا وهو ياخذنا منها

وكل حسب عمله

يعني اذا طعت الماما وصرت مؤدب ياخذك الله ويحطك من النبي في الجنه اللي هي ...............

واذا العكس تروح مع ابليس في النار وهي .................


وهيك يعني

خمس سنوات مو صعير ,,, يفهم :)

http://fa2m99.jeeran.com/فاصل-احمر.gif

اعتقد المفروض انك تكلمينه عن الجنه وتأجلين الكلام عن النار

لانه اصغر من انه يفهم حاولي دائما ترغبينه اكثر من انك ترهبينه

وعموما في كتب حلوة تتكلم عن تنشئة عقيدة الطفل منها

كتيب صغير اسمه "العقيدة الاسلاميه التي ينشأ عليها الصغار"

للامام ابن ابي زيد القيرواني

انصحك تقرينه........