إزالة الشعر بواسطة الليزر !!

لين :D
انا ماجربت بس ناويه اجرب بس بشوف اذا فيه احد مجرب زيك تمام (بس مو تحقيق):p



يلا بنات خبرونا بسرررررررررررعه

انا ناويه اجرب انشاء الله

بالنسبة للليزر أنا جربته شخصيا
وبصراحة والشهادة لله إنه نفعني كثير كثير وصار وجهي أبيض .
يعني المكان إللي كان موجود فيه الشعر ( كان أسود ) وبصراحة والله العظيم إنه صار ابيض ووجهي نور وصار حلو .
وجلسات الليزر تتراوح بين جلسة إلى سبع جلسات ، وتكاليف الجلسات غالية شوي
في جلسات قيمتها ( 500 ) درهم ، وفي ( 750 ) درهم ، إلى تقريبا ( 1500 ) درهم فقط للوجه والعنق .
وهناك ليزر يعتمد على توجيه الأشعة على منبت الشعرة ( عن طريق حرق منبت الشعر )
وهذه طريقة مؤلمة نوعا ما .
وفي ليزر ثاني وبصراحة أنا جربته شخصيا وهو عبارة عن ذبذبات توجه نحو منبت الشعرة .
وفي ليزر ضوئي ويستخدم كذلك لأزالة أثار حب الشباب والحروق .
وأنا استفدت كثيرا من الليزر لأنه أزال الشعر والحين الشعر إللي يطلع كأنه وبر ولونه أصفر مب أسود وناعم كثير .
وفي الإمارات هناك الدكتور / كميل رستم في مستشفى الزهراء الخاص في الشارقة .
وفي دبي مركز علاج وسباثيرا .

عزيزتي دلوعة..
كم لك انتي مسويته؟ لانه يقولون مايبين اثاره الا بعد شهور
وهل سويتي للجسم كله؟
مشكوووره قلبي :26:

الأخت العزيزة لين الورد
تحياتي وأشواقي
أنا كنت أستخدم الليزر من تقريبا 3 سنوات وفادني كثير
وبديت استخدمة مرة ثانية في شهر نوفمبر 2002 لانه كان موعد زفافي قريب وقلت بدل ما أشيل الوبر ( بعد استخدام الليزر ) صار شعر وجهي مثل الوبر قلت أستخدم الليزر مرة ثانية ومن يومها ما صار يطلع لي شعر في وجهي وإذا طلع يكون خفيف وناعم وأصفر وما يسبب لي أي إحراج .
وأنا سويته بس حق الشعر إللي في وجهي بس صديقتي أستخدمته لجسمها كله وصار جسمها أبيض وروعة والشعر صار يطلع ناعم وخفيف لأن في ناس مايروح الشعر عن جسمهم 100% ، بس نتايجه أقول لك مضمونة بنسبة 95% هذا من وجهة نظري ومن واقع تجربتي الشخصية .
وإنتي يمكن ياخذ منك شهر أو شهرين على حسب نوع الشعر إللي في جسمك لأنه كلما كان الشعر أسود وغليظ صارت العملية اصعب وفي ناس تاخذ الجلسات منهم فترة سنتين علشان يتخلصوا من الشعر إللي في جسمهم أكثر .

ودمتم سالمين
دلوعة الإمارات :27: