حبيباتي .. حبيت اعيد لكم الموضوع الي حطيته قبل فترة طويلة وهو طريقةعمل الستيك مع صلصة المشروم
http://forum.hawaaworld.com/showthread.php?t=1045767
وبما أنوالصور راحت كلها .. بعيد تحميلها هالمرة وبطريقة ارتب ان شاء الله .. واتمنى الي بغا يشوف الصور في الموضوع الماضي يستفاد منه الحين
والله لايحرمني من دعائكم الطيب بتسهيل ولادتي :)
*****
سلام عليكم حبيباتي .. هذه اول مشاركة لي واول موضوع باسمي بالمنتدى .. اتمنى يعجبكم يارب وتستفادون منه .. :)
الطريقة هذه للستيك هي صحيح طريقتي انا بس من كثر مادورت وقريت استوحيت الافكار من جميع المواضيع وسويتها بخيالي انا ... يعني الفضل يعود لله ثم الجمييييييييع جميع من قرأت لهم طرق طهي الستيك .. وطرق عمل صلصة المشروم فشكرا للجميع :26:
واليكم الطريقة بالتفاصيل وبالصور ان شا ء الله
اولا نبدأ بصلصة المشروم لانها اذا بردت قبل مانخلص الستيك والخضرة ممكن نعيد تسخينها ومافي مشكلة .. بس الباقي اطيب لما نحطه بالصحن فريش
المقادير
كماهو موضح بالصور رقم (1)
ربع كيلو مشروم طازج اي نوع (يعني صحن جاهز بالسوق 250غم ترى ماجربت المعلب وما احبه لان مافي طعم مثل الطازج)
بصلة صغيرة مفرومة نااااعم
صويا صوص
اقل من نص علبة كريم للطهي ( اذا تحبين الدسامة بالصوص زيدي من الكريم بس انا شوية خففته)
تقريبا كاس ماء
1 ملعقة اكل طحين
زيت زيتون ( طبعا ممكن تستخدمي الزبدة .. بس انا احاول قدر الامكان الاستغناء عنها << دايت ) :p
ملح وفلفل اسود خشن ( طعمه اطيب انا امووووووووووت عليه واموت على ريحته)
ونصف مكعب ماجي( اذا توفر او ممكن الاستغناء عنه المهم تنتبهي لنسبة الملوحة وماتنسي الماجي فيه ملح)
الطريقة
1- تحطي شوية زيت وتبدئي بقلي البصل لحد مايشقر شوية (صورة رقم 2 )
2- تضيفي المشروم وتقلبي لمدة دقيقة الى دقيقتين
3- ضيفي الملح والفلفل والماجي وملعقة طحين وتقلبي .. راح يمتص الطحين ماي المشروم .. عادي المهم قلبي شوية (صورة رقم 3 )
4- ضيفي الصويا صوص والكريم وقلبي (صورة رقم 4 )
5- بعدها ضيفي كاس الماي وخليه يغلي بعدين وطي النار عليه وسيبيه تقريبا عشر دقايق .. لاتخليه ينشف ولا تخلي الصوص غلييييظ كثير .. خليه وسط .. وذوقيه عشان تنتبهي على نسبة الملوحة فيه .. وانتهيييييييييييينا من الصلصة:icon28: (صورة رقم 5 )
يتبع الرجاء عدم الرد
أولا مقادير صلصة نقع اللحم
فلفل اسود خشن
ملح
ثوم باودر
كزبرة باودر او بابريكا .. او مجربة بدونهم عادي
صويا صوص
عصير ليمون
خل اي نوع
الصلصة تسوينها على حسب كمية اللحم .. تزيدين وتنقصين ... اذا تلاحظون بالصورة ماغمرتها كليا .. ضربت اللحم بالمطرقة الخاصة بالستيك .. او بدون ماتضربيها مجربة بكل الطرق طلع عادي مستوي وطري زي الفل :biggthump
عدد 4 شرائح من الستيك .. السمك على راحتك لانه بكل الأحوال راح يطلعي طري باذن الله ..بس انا قطعتهم لان زوجي يحبهم بهالشكل :)
المهم تنقعين اللحم لفترة اقل شي ثلاث ساعات او ساعتين .. واذا جدا مستعجلة كمان مو مشكلة
(صورة رقم 6 )
الحلو بهالطبق انو كله يمشي ولا يهمك ..خخخخخخخخخخخخخ :42:
بعد النقع .. نأتي للطريقة
1- تحطين شوية من زيت الزيتون مع القليل من الزبدة على المقلاة وتسخنيها زين نقطة مهمة تسخين المقلاة عشان ماينزل ماي اللحم .. هالمرة ماضبط معاي عدل ولاحظو نزل ماي كثير المفروض اقل
2- تحطين قطع الستيك على المقلاة اما دفعة واحدة اذا عندك المقلاة الخاصة بالستيك الكبيرة او على دفعات حتى تخلصي الكمية المهم تحطين الستيك وتنتظرين دقيقتين تقريبا على الوجه الاول ثم تقلبين وتخليها على النار العالية حتى يبدأ ينشف ماي اللحم شوية ( الصور رقم 7 – 8 )
3- تشيليها من الطاوة وتحطيها بصحن بايركس او صينية فرن عادية وتكملين كل الكمية وبعدين ..
4- تضيفين على المقلاة بدون غسلها صلصة النقع المتبقية مع اضافة كوب ماء مذوب به ملعقة اكل طحين وتخليه يغلي شوية وبعدين تضيفيه على الستيك بالبايركس (الصور رقم 9 – 10 )
5- تغطيه بالقصدير وتدخليه الفرن على درجة حرارة تقريبا 200 او 180 وتتركيه مدة نصف ساعة او اكثر على حسب سماكة اللحم .. اذا القطع سميكة خليها 40 دقيقة مع التأكد من ان الماي مانشف كله .. اذا بدأ ينشف زيديه شوووية ماي وغطيه .. حتى لايحترك وماتصير قطع اللحم ناشفة يروح طعمها وحتى تظل طرية (الصور رقم 11 )
( ملاحظة : مسئلة الفرن راح اخليها عليك .. لان المهم من كل الموضوع ان اللحم راح تحسيه استوى وصار طري .. حتى لو الصلصة مانشفت تماما اخرجيه من الفرن عشان مايستوي اكثر من المطلوب .. واذا نشفت الصلصة والستيك بعده مو مثل ماتريديه زيدي ماي تقريبا نص كوب او شوية اكثر ووطي النار عشان يستوي .. يعني باختصار اخلي موضوع الفرن على تقديرك انت )
وطلعي الصينية واشتمي الرائحة الزكية وشوفي الطراوة .. تجننننننن :o
يتبع