~ إلـــــــــى مــــــــــتـــــى ~

السلام عليتس ياربيعاتي وخوياتي




شلونكم لاشان لونكم




شلون رمضان معكم < ان شاء الله أستفدتوا منه واستغليتوه




أستغلال السنع .




> عسى ماهو نفس أستغلال شقيح




على طاري أستغلال رمضان ..




ذكرتوني بحالي < مالت على حظي المنسدح ولله




من بدى رمضان وانا قاعدتن بالمطبخ




اطبخ وانفخ < يالله لك الحمد تقل بنزل كتاب انافس فيه منال العالم




وليت يبان بعيون اهلي < كل يسبون طبخي ويقولون لا عاد تطبخين




يعني وش فيها لاصار مره وحده ؟؟ الرز حب




ولا الكيكه عجين




ولا المرق كله دهن




عادي تصير بأحسن العايلات صح




ولا انا في سوي كلام غلط < الله يخسك يا ميمونه خدامة جارنا صرت اهرج نفسها < كل يوم نتقابل بالسطح عند تشريق الملابس هي تقول وش فطورهم وانا اقول





هي تشكي معزبتها < انا بالمثل




وهـ مالت بس ناسن ماتقدر





لو اني ماسكتن القرأن وخاتمتن لي كم جزء مو أبرك لي من مقابل هالمطبخ لانعنبو حيه




ولله من كثر زعلي امس بغيت أتهور واشب بنفسي قاااز




ياليل شقيح < فصلت





نجي للموضوع




هذا انا الله يحفظي ويزوجني ويعطيني من خيره < قولوا أمين ولا مابكمل





خخخخخخخخخخخ





عقب ماحولاتي الفاشله في الطبخ وعمل الفطور قررت اقدم أستقالتي واكتبها خلف كرتو لبن منتهى الصلاحيه < مسويه اغراء عشان ابوها يقرااها





كتبت فيها ..




( بسم الله وعلى بركة الله )





نبتدئ < زين ماكبت اين والد العروس والعريس





اني انا شقحه شقوح وفي مسمى اخر شقيح بطيح .. أعتذر عن عدم أكمالي معكم بالطبخ


للضروف المريره اللتي امر بها



فكم من مرات من المره حرمت نفسي من لذه لنوم لاطعم الافواه الجايعه < تقل شحاذه تطر



فا انا ياوالدي العزيز تقديرا لك لن اكمل عمري وانا اطبخ لكم وانتم ناس شحوحين ماقط مره احد قال يازين شقيح زينااه



وهذه ورقه استقالتي



فارجوا منك ان توقعها وتخبر امي بها لاني اخشى ان اخبرتها ترميني بالفناجيل


وتبعصني



وانا لا اخشى على نفسي من الفناجيل يا ابي بل < اخشى



من يقوم بكنسهم وتنظيفهم



جزيت خيرا وهاردلك انك لن تتذوق اطباقي بقيه رمضان





وشكرا





ملاحظه : عيدك مبارك مقدما : رمضان قضى وانا ماشريت للعيد ياختك


فاياليت تزيد لي القروش < ودي انصب بالعيد كود انخطب


وزيد لي المأونه لاني طبخت لمده خمطعش يوم




بنتك المصونه الل مالها مثيل بالوجود


اللي ربي انعم عليك فيني




شقوحه






وبعدها قررت خلاص اتفرغ لرمضان




تعبت وانا اطبخ وهم يعطوني شلوتي




استخفر الله والشكر < ماني داعيه عليهم قررت أتوب لله توبة نصوحه




أي ماطولها




رحت هاك اليوم ودخل على امي ..




وقطيت الشمااغ بحظنها < يقالكم تبي تعزوى < مع الوجهه





يؤؤؤ على طاري الشماغ انا اشوف ليش اذني بارده اثرني مالبست الشماغ




بررب < ألبس شماغي الوردي واجيكم




>
<
><






باك < عقب ماتناطحت مع اختي ملبسته بنتها حاطه حنه جتني فيها راحت ريحه العطر لانعربو حيها




قلت : يمــــه يمــــــه انا داخلتن على الله ثم عليك وماعاد بقى بالعمر مثل مامضى والمعرس لاهلحين ماجاء < بنت الحلال لازم تدخل المعرس بكل الحلات





قلت : يمه انا خلاص أعلن أعتزالي < اخص انتي يا سميره توفيق





امي : طيب فارقي وراك





انا : يايمه اسمعيني مره وحده بحياتك حسسيني ان لي كياني اني لاهلحين ماجاء المعرس وخطبني < ياليل العوانس





امي : تلغفتس يالرفله وش جااتس





انا : يمه خلاص قررت قررت ولا رجعه في ذلك خلاص ياشيخ من طبخكم عزلنا


قررت اني معاد اطبخ معتس واتفرغ للعباده





ماسمعت الا تصفيق وتلويشه << هذي طبعا الحضور اخواني




وانا ارفع ايدي لاداعي للتصفيق





مادريت الا اخواني < هيه راح نفتك من طبخ شقحه





انا < وصلت معاي





قلت اللحين خمسطعشرين يوم اطبخ لكم ومن الساعه وحده مسمره عندكم بالمطبخ وبالاخير هذا جزاتي





ولله مانتم كفو ألفلف لكم سمبوسه < وامي تروح تصلي التراويح





ولا اطبخ سحوركم وماقمت الليل





تهي تهي تهي < حطموني حسبي عليهم





ولله لا تشفون وجهي شلون انكسرت < ولا ورعن لاحق له عجوز يحسبنها امه






رحت غرفتي وجلست ابكي ..





وانا أردد





ياهلي ليه بالله تحطموني .. طبخي اللي لذيذن لا تذمونه


والبصل منه دمعت عيني.. واللي يزهمني قلت يا عونه


مامنهم جاء وقال تسلميني .. قللي بهارك بالرز يامهونه


واحمص قلبي بقوتي الثميني .. راح بين جدر وملاس ومأونه


بطلبك ياربي رب العالميني .. تحسن الخاتمه وتخشع عيونه


بدعي لك تجيب لي المعرسيني .. لا تخيب رجاء مطالبونه


وبالختام سلام مني للقارئيني .. ورمضان يا عساكم تعودونه





هالله هالله < ادري لا وزن ولا قافيه ولا معنى بس طلعت مني قهر




أي نكمل رحت غرفتي .. وجلست فيها




وقلت ورى ما أستغل وقتي < ازهمي ياشقيح محدن درى عنتس




رحت لبيت جيرانا عندهم درس رمضاني يوميا عقب التراويح




جلست اتسمع لهم ولله يان قلبي رف وخفق وخشع مع كل كلمه تقولها اداعيه




أثرناا يالربع مقصرين




أنا أشهد .. قلت هااه ابدن معاد فيها قلي ولا قالوه




صلاة التراويح معاد تفوتني ابدن ابدن




وبلتزم لي بورد > استغل ماتبقى برمضان




وعشان بس امي < وحقها علي كوالده قادره فاضله




بعاونها بشغل المطبخ < بس مو انه يبعدني عن تكمله طاعتي لله عز وجل




وقررت معاد اسوي لهم غير << سلطه




منها كسبت اجر اطعام صائم ولازعلت الوالده علي




وانا يالله لك الحمد والفضل < مايستهوني التلفاز واجد <فا مخليته على جنب




وان كان بخاطري مسلسل < مثل سعدون العواجي < اخص يالناصحه




أي اكمل




نشوفه عقب رمضان < واصلن هم وقفوه كنهم يدرون عني هعهعهعهعهعهعععع




>> مالت علي بس يعنني بأنصح < اقول انطمي بس




يعني لاطبخ ولا تلفزيون نفعناا وانا امكم





أي ويقلون علامة قبول العمل الاستمراار فيه





عسى الله يقبل منا ومنكم صلاتنا صيامنا وقيامنا .. وطاعتنا له.. لان ولله حرام رمضان يغدى وحنا جالسين ياكثر ماشوف بنات




يقرون لهم ورد من القران يسبحون وهللون .. بس من يتفطرون ينسون انهم برمضان





يتركون القران وجالسين على التلفزيون . متسمرين





رمضان خلاص كلها اسبوعين ويودعنا




مانقدر نصبر هالاسبوعين




يالله ياخواتي الحبيبات خلونا نبادر ونكسب رمضان





ولا تنسون فضل العشر الاواخر وليله القدر اللي خير من الف شهر





ماندري عسى ربي يغفر لنا بالايام





لا تقولون انا مابيدت صح




كملي الالحين وعسى الله يتقبل منك




ولا تنسوني من دعائكم < بالزوج الصالح المالح




ياجعلي ما ذوق حركم





اختكم في الله




شقيح