السلام عليكم ورحمة الله و بركاته..
اخواتي هذا الموضوع كان يدور في خاطري من زمان ..
الصراحة خواتي المشرفات ما يقصرون بشي ابدا و ما نشوف منهم إلا كل الخير ..
وهذي بشهادة الجميع .. رغم ان شهادتنا فيهم مجروحة .. لانهم بما انهم اختيروا من قبل ادراة المنتدى اكيييد ومليوووون اكيييد انهم كفوء لذلك ..
مو هذي المشكلة ..
المشكلة .. ما تلاحظون انه المواضيع االمقفولة اكثرت عن اول...
خلينا نوقف شوي مع بعض .. و نشوف الاسباب سبب سبب ..
اولاً .. المواضيع المكررة .. هذي العضوات مالهم دخل فيها يعني اكيد ما راح تنزل الموضوع و هي عارفة انه مكرر .. يعني العضوة إلي بتنزل موضوع مكررة ... مالها ذنب ..
نجي لثانياً..الالعاب و ما ادراك ما الالعاب ..خواتي في سؤال يدور في خاطري .. الحين الوحدة إلي اول مرة تدخل الواحة .. تقرا القوانين .. وإلا بس تقرا العنوان !!!! وهذا إلي صاير للاسف ... طيب كلفي روحك شوي دقيقتين تقرين القوانين .. عشان ما تتعرضين للاحراج اولاً... و الاهم ما نتعب مشرفاتنا الغاليات يعني هذا عمل تطوعي منهم .. وبعدين هم مو 24 ساعه قاعدين يشوفون المواضيع وينتظرون التك عشان يحذفون ويغلقون وبس !!!! هم عندهم بعد مسؤوليات اكبر واهم من كذا ..
نروح لثالثاً.. النكت نفس مشكلة الالعاب ... و السبب واضح لمنع النكت .. وكلنا موافقين على السبب!!!!! وما اظن له داعي اننا نحط نكت .. واحنا عارفين الحكم الشرعي لها....!!!!
و رابعاً.. مواضيييع الشات.. إلي احس ماله داعي اصلاً نكتبهاااا .. و بنفس المرتبة المواضيع إلي ما تخص ابداً الترفيهي .. مثل الاستفسارت والاسئلة ..!!!
بنات انا مو قاعده احاسب احد .. ولا لي الحق اصلاً...
لكن ما تلاحظون انه كثرة المواضيع المغلقة .. مشوهه المنظر العام للواحة ..
في نقطة ثانية ودي اتكلم عنهااا.. و امس والله اني فكرت فيهااا .. رغم اني ما اطبقهااا ... لما نشوف موضوع مكرر .. ليش ما نضغط على زر ((( أخبري المشرفة عن هذا الموضوع))).. ونبلغها انه الموضوع مكرر أو في سبب معين يجب اغلاقه ..
وبكذا نكون ساعدنا المشرفات .. إلي والله ما يقصرون بشي من حقوقنا ..
يعني الواحة غالية علينا ونحبها مثلهم ... مثل ما هم يحبون تكون الواحة دايماً بالمستوى المطلوب.. احنا بعد لازم نحس بالمسؤولية .. لانك عضوة في هذا الصرح العظيم ...
اخواتي .. الكلام في هذا الموضوع يطول .. و يكثر .. وقد يكون لك وجهة نظر .. نرجوا انك ما ترددين في طرحها..
و سامحوني اني وضعت هالموضوع في الواحة رغم انه مخالف للقوانين ..
لكن بجد احس الشكاوي كثرت و انا الصراحة ما ارضى على واحتنا ولا مشرفاتنا .. ولا حتى على قوانينهم .. إلي صدقوني ما اتميز المنتدى إلي بهالقوانين الرائعه والادراة والمشرفات الاروووع ..
يمكن كثرت حكي كثير .. و كلامي في نوع من الجمود..
لكن قفي لحظة مع نفسك..
و إذا كنتي ما قريتي قوانين المنتدى .. ياليت بعد هالكلام تقرينها .. وتطبقينها ..
تلقونها هينا ---->>>قوانين الواحة الترفيهية
يمكن تقولون شتبي هذي لا مشرفة ولا لها دخل ..لكن غيرتي وحرصي وصلتني لان اكتب هذا الموضوووع..
وياليت محد يزززعل مني ... وسامحوووني على الاسلوووب الزفت --->> علمي لا تلوووومني خخخخخ
ومع حبي..
جـــــ:26:ـــــــوري
من جد صرت أضيع لا دخلت الواحة وين واحة زمان آآآآآآآآآه :(
كان بالشهر موضوع مقفل بالكثير
لا والحين كل وحدة يتقفل موضوعها تحط موضوع ثاني ليش قفلتوه
حرام عليكم ارفقو بالمشرفات شوي :icon33:
والله لو اني مكانهم انفجرت :30: <<< هدي هدي وش فيك معصبة؟؟؟؟ :019: