مشمش555 :

أنا هذا حملي الأول وجاني مرض السكر بدون ما أحس به في نهاية السابع كنت أحس بتعب وارهاق لو مشيت شوي على طول أتعب وما كنت عارفة إنه من السكر إلا لما سويت تحليل دم وعطوني شراب الجلوكوز طعمه مثل الببسي طبعا لما طلع التحليل قالت لي الدكتورة السكر مرتفع شوي سوي حمية اسبوعين وإن شاء الله بينخفض عطتني ورقة فيها حمية ما مشيت عليها بالضبط بس ابتعدت عن الحلويات وكل شيء فيه سكر وقللت من أكلي وكان موعدي بعد هذي الاسبوعين وكنت محلله قبل الموعد ولما رحت الموعد الدكتورة ماكانت موجودة عندها إجازة ودخلت عند دكتور بدالها ولما شاف نتيجة التحليل قال السكر مرتفع مرة لازم تنويم في المستشفى ودق على المستشفى ومالقى سرير فاضي قال تعالي بكرة وسوي حمية علشان يسوون لي تحليل وأنا صايمة وبعد الفطور بساعتين وبعد الغداء بساعتين ولما صلحوا لي التحليل لقوه مرتفع مرة وعلى طول ودوني للمستشفى ونوموني وبدأوا معي أول شيء بالحمية يومين ومانزل السكر وعطوني ابر انسولين أربع أبر في اليوم قبل الفطور وقبل الغداء وقبل العشاء وقبل النوم وكانت الجرعة 6- 6 -6 -4 ومانزل السكر زادو لي الجرعة 9-9-9-6 وأيضا ما نزل السكر فزادوا الجرعة مرة ثالثة وصارت12-12-12-8 والحمد لله مع هذه الجرعة انخفض السكر وعلموني كيف أدق الإبرة ولما تعلمت طلعوني من المستشفى الأسبوع اللي راح ومن طلعت وأنا ماشية على الحمية الي يسونها لي في المستشفى وأدق الإبر قبل الأكل وأقيس السكر بعد الأكل بساعتين وأسجل القياس في ورقة علشان تشوفها الدكتورة في موعدي الأسبوع الجاي والله يعين ما أدري وش بتسوي لي الدكتورة و يارب مايستمر معي بعد الولادة ... ادعوا لي بالشفاء من هذا المرض الله يشفيني ويشفيكم يارب

أنا هذا حملي الأول وجاني مرض السكر بدون ما أحس به في نهاية السابع كنت أحس بتعب وارهاق لو مشيت شوي...

مشمش555 :

أبي أسأل اللي تستخدم الأنسولين وهي حامل هل يستمر معها بعد الولادة ؟؟؟ وهل فيكم وحدة أخذت الأنسولين وهي حامل ؟ ( أبي تقول لي هل استمر معها السكر أو لا بعد الولادة ؟) والولادة تكون طبيعية أوقيصرية ؟ ياليت تردون علي لأني قلقانه لأنه ما باقي لي كثير وأولد ...

أبي أسأل اللي تستخدم الأنسولين وهي حامل هل يستمر معها بعد الولادة ؟؟؟ وهل فيكم وحدة أخذت...

يالله الجنه :

عزيزتي اخصائية التغذيه قالت لي إنه حتى لو استخدمت ابر الانسولين احتمال كبير بعد الولاده يختفي بس لازم تلتزمين بحميه وحاولي ترضعين طبيعي وقال 95% من الحريم يختفي عندهم السكر بعد الولاده وبالنسبه للولاده احتمال كبير طبيعي إلا إن كان حجم البيبي كبير الله يبعده عنا وعنك يارب ويشفينا منه عاجلا غير آجل

عزيزتي اخصائية التغذيه قالت لي إنه حتى لو استخدمت ابر الانسولين احتمال كبير بعد الولاده يختفي بس...

مشمش555 :

الله يجزاك خير أختي ( يالله الجنة ) حبيت أسأل إلى كم كيلو من وزن الجنين تكون الولادة طبيعية ومن كم كيلو وزن الجنين تكون الولادة قيصرية ؟ اللي تعرف تقول لي الله يجزاها خير .

الله يجزاك خير أختي ( يالله الجنة ) حبيت أسأل إلى كم كيلو من وزن الجنين تكون الولادة...