إنتشار الذباب بطريقة غريبة في منزلنا .. !

السلام عليكم ورحمة الله وبركاته .. كل عام وانتوا بخير وصحة وسلامة بالبداية بقولكم ع شي غريب بدا يظهر عندنا بالبيت اول شي احنا كانت عندنا شغالة فلبينية طيبة مرة ياحليها وسافرت اول يوم بعيد الفطر وكنا مقدمين ع شغالة فلبينية عن طريق مكتب خاص وجاتنا خامس يوم والآدمية طيبة ماشفنا منها الا كل خير .. بس الشي اللي مستغربته ان بعد ماجات بيتنا صار كله ذبان قلت اكيد انها فاتحة شباك ولا باب ولا شي فأمي راحت تشيّك ع الغرف كلها والأبواب والشبابيك لقت كل شي مسكّر وبدا الذبان ينتشر بطريقة غريبة وامي تسألها بالإنجليزي لأنها ماتتكلم عربي انتي تخلي البيبان مفتوحة ؟ تقول لا .. المهم كانت الغرفة الوحدة فيها تقريبا من 10 ذبانات لـ 15 وبيتنا نظيف جدا وامي تحرص ع النظافة بشكل كبير واساسا هو جديد سكنّا فيه قبل سنتين صحيح يجينا ذبان كأي بيت طبيعي ثاني يكون داخل من باب او من شباك بس مو بهالشكل المقرف .. فجأه كذا إختفى الذبان الصغير العادي وقلنا الحمدلله راح اكيد فيه مكان بالبيت يدخل منه وتسد هالمكان وبعد 5 ايام يابنات جاء ذبان كبييييييييييييييييييييير تعرفون الذبانة الكبيرة اللي عيونها زرقاء وتطلع صوت عالي وشكلها مقرف تخيلوا طلعت عندنا بالبيت ياناس هاذي الذبانة والله العظيم ماكنت اشوفها الا بالشارع وانفجع من شكلها اليوم امي صايدة خمس مثلها بغرفتها ووحدة كبيرة شكلها الجدة حقتهم لقيتها عند لمبة غرفتي .. مابي وحدة تجيني مدرعمة وتهزيء لو سمحتوا انا ذكرت سالفة الشغالة لأنها لما جات جاء معها الذبان لا اكثر ولا اقل فيمكن 1 % يكون لها دخل بالموضوع وممكن تسيب شي مفتوح رغم اننا شيّكنا ع البيت كله واستبعدنا هالسبب اذا مالها دخل نبي سبب لظهوره المفاجيء تتوقعون فيه مصدر بالبيت يدخل منه الذبان لاتستهينوا بالموضوع والله العظيم ادري ان الأمة الإسلامية بكرب ومشاكل وكل شي بس افهموني حبايبي هالحشرات تسبب أمراض كثيرة ربي أعلم بيها بالذات الذبان الكبير هذا يكون جاي من مستنقعات وينقل معه الأمراض اللي لاقدر الله تؤدي للوفاة اللي عندها شي يفيدني ويطلعني انا وامي من الحيرة تقول اللي ماعندها ربي يجزاها خير ع قراءة الموضوع