إنصحوني...إشلون اعامل زوجي !!

السلام عليكم ورحمة الله وبركاته
انا زوجه من 3 سنوات تقريبا
وعندي بنت وولد الحين الحمد لله
مشكلتي بسيطه
وأبي منكم نصايح تفيدني لاني بديت احس إني متوهقه وموضوعي أعتفس
زوجي دايما يقول لي الريال يحب زوجته تسوي له كل شي
وانا يصادف إني أنسى وما أرتب له اموره فيعصب ويزعل ويبين عليه الزعل
ملابسه مرات أرتبها وأكثرية المرات الخادمه هي اللي ترتب
وطبعا الخادمه تنسى ترتب وبالتالي ما عنده شي مرتب وجاهز ويقدر يلبسه
فيجي يهاوشني
يقول لي ما رتبتي ملابسي
مش مهتمه فيني
كأني عزوبي في بيت أبوي
ما عندي من يرتب لي
طبعا انا اكون معتمده على الخادمه إنها رتبت كل شي
وصار الشي هذا شبه روتين عندي
الخادمه هي اللي تسوي كل شي
وهو متضايق لأنه مرات ما يكون الشي مرتب له
ودايما يقول لي الريال يحب زوجته هي اللي تطبخ له
وترتب له الأكل
وياكل من شغل يدها
وانا أشتغل
وما عندي وقت أروح وأطبخ وأرتب
فأرجع من الدوام واشوف عيالي وبعدها أرقد من التعب
هو طبعا يرجع من الشغل بعدي بساعتين
وما يلقاني قاعده أنتظره في بعض الأوقات
فيقول لي كأني عزوبي أرجع محد ينتظرني وكلكم رقود وحتى أكلي آكله بروحي
ومن الأمور هذي الكثير
قولوا لي
شاسوي
أنا بصراحه أقول له إذا في أمور في ملابسك مش موجوده قول لي من قبل
علشان أرتبها وأجهزها لك
دامك إنت نسيتها انا شدراني عنها
هذا بخصوص الملابس
وبخصوص الأكل واني أنتظره لين ما يرجع احاول
لكن هذا اللي أقدر عليه
شوروا علي
هل أنا غلطانه
ولا لا
وإذا كنت غلطانه
إنصحوني
قولوا لي
بديت احس زوجي يبتعد عني شوي شوي
وماعرف أرجعه