شوفي حبيبتي انا كنت موظفه وعندي عيال وشغاله بس اني عند حمولتي يعني في تشابه بس الفرق في المكان
المهم اني اذا رجعت من الدوام اغير ملابسي وزين شكلي ورتب غرفتي وملابس رجلي المغسوله وبخر الغرفه وسكرها وانسدح>>>>>>>>>>>حلوه انسدح
ونسدح على الكنبه اخذ غفوه لين يجي وعيالي عندي يلعبون واذا جاء اتغدا معاه ونوم بعد الاكل
ماااااا احس ان عندك مشكله اذا رتبتي امورك زين واهم شي شوفي وشو الي مزعجه
وصلحيه الوظيفه مهمه لا تتركينها بس الرجال اهم لا لا تهملينه

الغربيات ماعندهن شغالات وهي تقوم بكل شي نفس الشي العربيات
ليش حنا غير شكل ولمن تجين تشوفين الوحدة بدينة لانها تنام وتاكل
حرام عليك زوجك أحق
وبعد معتمدة على شغالة ترتب اغراض زوجك وعيبااااااة بس
أول مرة اشوف وحدة يجي زوجها بعدها ويتغدى لو حده وهي نايمة

اختي روعة مشاعر انتبهي لزوجك واهتمي فية رتبي ملابسة وكملي اللي ينقص وكل فترة جددي ملابسة وش يعرف الشغالة خلية يحس انك مهتمةوانك تغيرتي لا تغترين تقولين هو يحبني القلوب تتغير **** يخلية لك احرصي على راحتةوقابلية لا تخلية ياكل بلحالة

الله يجعل نصايحكم في ميزان حسناتكم
والله يرزقني كل اللي قلتوه
وإن شاء الله أرتب اموري وأصير أحسن
أشكركم من كل قلبي

انزين انا موظفه ووضعي مثل وضعك بس منتبهه على هالامور
يعني كل يوم انا ورا الخدامه اول شي تخلص غسيل وكوي لبس زوجي واخذهم منها ارتبهم في خزانته
وكل يوم لازم اشوف خزانته اذا فيها ثياب ولا لا .. واتأكد من لبسه حق الدوام موجود ومكوي ولا لا .. خلاص لازم تتعودين على هالشي .. انتي مو مطلوب منج تغسلين وتكوين دام عندج خدامه خلي هذا شغلها .. بس انتي خذي ثياب زوجج ورتبيهم
اما بالنسبه للاكل انا ماعندي هالمشكله مع انه زوجي يرجع بعد دوامي بساعه او ساعتين .. لانه عندهم في الشغل نظام الغدا بوفيه ومااضطر اطبخ الغدا .. وزمان كنت يوم ارجع من دوامي انتظره لين مايرجع بعدها صار يقولي نامي لانه يكون تعبان على طول ينام وطبعا يكون متغدي عشان كذا مو محتاجني في شي بس احرص اني اقوم قبله العصر اجهز له خفايف

عزيزتي رتبي امورج وخلي زوجج اهم من شغلج .. شوفي انا موظفه وساعات احس اني مضغوطه بس دايما زوجي من اولوياتي .. ودايما احسسه بهالشي وابين له انه لو طلب مني اقعد في البيت بقعد والنفس راضيه لانه بيتي اهم من شغلي .. ماقولج اتركي شغلج لكن رتبي امورج

يعني سالفة الثياب انا وضحتها لج والموضوع سهل لاااااااااااااازم تتابعين الخدامه وانتي بنفسج تشيلين ثياب زوجج وتحطينهم وترتبينهم بعد ماتغسلهم الخدامه وتكويهم ..

وسالفة الغدا .. تعودي ترجعين من الدوام تطبخين الغدا دام زوجج يوصل بعدج بساعتين .. ادري تعب بس والله كانت هذي طريقتي في رمضان وانا صايمه عشان اجهز الفطور لنا ...
وبعد ماتخلصين تجهيز الغدا خذي شور وتعدلي حق زوجج وتغدوا مع بعض وبعدها روحوا ارتاحوا لكم ساعه ..
امشي على هالجدول اذا انتي متمسكه بشغلج بس اذا شايفه انج راح تتعبين وانتي مو محتاجه حق الوظيفه خلاص استقيلي وبيتج هو الاهم