ياقلبي والله ماعندي خلفيه عن النقل ابد

بس انشاالله البنات مايقصرون
والله يعينك وتنتقلي للبيت الجديد وانت بصحه وعافيه ,,,,,,,,,,
وووووو

بس

اختي *الجوهرة*
الله يكون بالعون يارب. جربت النقل 3 مرات الله وكيلج. والحمدلله اذا فيها احد يساعد راح تهون الأمور ان شاءالله.
اهم شي ترتبين و تعرفين انتي قاعده تحطين شنو و بأي كرتون. يعني نفس ما تفضلت وحده من الأخوات سابقا كل شي كتبي عليه تابع لأي غرفه للسهوله في الترتيب.
النقل يا اختي ممكن ياخذ يوم واحد لكن اهم شي انك تكوني مجهزه كل شي من قبل و حاطته في كراتين او اكياس. يعني خلال ما العمال شغالين في الشقه الجديده يصبغونها انتي رتبي كل شي في اكياس او كراتين على حسب ما تحسينه اسهل لج انتي.
اذكر اول مره نقلت لما تزوجت حياتي كلها نقلتها من الكويت لي الامارات, متخيله يعني شنو, كل شي يخصني في بيت اهلي نقلته. شريت كراتين من ايكيا و عبيت فيها كل شي من كتب و غيره و غيره و حطيتهم في سيارتي و شركة نقل وصلتهم لي لي الامارات. كانت حوسه اول ما وصلت الأغراض و خصوصا وقتها ما عندي خدامه و ماكو احد يساعدني سويت كل شي بروحي خلال اسبوعين.

ثاني مره نقلت من شقه صغيره لشقه اكبر بس كنت تعلمت اشويه.
1- الملابس جهزتهم في شنط.
2- ادوات المطبخ لفيتهم بورق الجرائد و حطيتهم في اكياس و كتبت عليهم.
3- اي براويز او تحف لفيتها بجرايد و باستخدام الشريط اللاصق لفيتهم عدل علشان ما يتحركون و حطيتهم في اكياس بعد. بس هذول عاد نقلتهم بسيارتي مو بسياره النقل.
4- بعد ما فضيت البيت من كل شي ما خليت الا كم قطعه ملابس لي و لزوجي لاستعمال يوم او يومين في هاند باج صغيره علشان ما اضيع في البيت و اقعد ادور في الحقائب على ملابس.
5- تأكدي انه كل شي ملفوف عدل و ما راح يتكسر مع النقل بعدها عاد دور زوجج, في منطقة النباعه في الشارقه تلقين عمال و معاهم سيارات الشحن مالتهم اهم يشيلون كل شي و يفكون الأثاث لكم و يودونه للمكان اللي تبين. خلي زوجج يتفق مع اي واحد من هذول الرياييل على السعر مال النقله الوحده, اذا ماني غلطانه كانوا ب 70 او 80 درهم كل نقله, يعني ممكن يخلصون نقل أغراض البيت و الأثاث على مرتين او 3 بالكثير.
6- انتي سبقيهم للشقه الجديده علشان اي شي ينزل من سيارة الشحن تقولين للعمال بأي غرفه يحطونه.
7- الحين عاد فكي كيس ورا كيس و رتبي.

ثالث مره نقلت من الشقه الى بيتنا الجديد الحمدلله و كنت وقتها حامل في البيبي الثاني و في الشهر التاسع و الدكتوره محدده لي وقت ولاده بعد اسبوع.
رتبت كل شي في أكياس لأنهم اسهل للترتيب الا الملابس في حقائب. و هالمره زدنا لأنه كان عندي ولد و حامل بالثاني يعني اغراض زياده.
1- رحت الجمعيه و اخذت كمية من الأكياس و حطيت فيها كل اغراض البيت من الألف الى الياء. الا الملابس في حقائب.
2- للأمانه كان عندي كرتونين او ثلاثه حطيت فيهم بعض التحف و الكتب غير جذي في اكياس.
3- اخذي نظره اخيره للشقه و شوفي اذا كنتي ناسيه شي, بعدها هاتوا العمال من النباعه لينقوا كل شي. و يركبونه في الشقه الجديده
4- ممكن تفرزين اغراضكم, اذا فيه شي تخافين العمال يكسرونه خليه على طرف بعد ما يخلصون و ينزلون كل شي خليهم بنزلون الأغراض هذي الى سيارتكم الخاصه اامن لهم.
5- نسيت اقولج المعلبات و اي زجاج في الثلاجه شيليه منها لا تخلين ولا شي فيها هم حطيهم في اكياس بعد لفهم بالجرايد علشان مع التقل ما يكسرون شي داخل الثلاجه.
6- خلي معاكي خدامة بعد ما ينقلون العمال كل شي من متعلقات خاصه و اثاث علشان اول شي ترتبون الأكل المجمد في الثلاجه قبل ما يخترب.
7- بعد ما تخلصون الأكل انتي لا تشيلين شي و خليها اهي تشيل و تحط انتي بس اوقفي فوق راسها و علميها كل شي وين تحطه نفس ما سويت. انتي حامل و مانبي اي مشاكل بسبب النقل. ميخالف تحملي انها ترتب عنج اشويه لكن مع مرور الأيام انتي سوي كل شي براحتج.


الله يوفقكم يارب و يجعله بيت مبارك و يتمم عليكي الحمل على خير يارب
اتمنى اكون افدتك بشي و ما قرقت فوق راسج وايد
اختج طيبة ام الصبيان

هلا حبيبتي الله يهون عليك
ويقومك بالسلامه
والف مبروك ومنزل مبارك
بس الافضل لك تاخذين شغاله اختك اواحد من اقاربك
تساعدك او تستاجرين شغالات الي بالشهر
وتكلمين الشركات من جد بيريحونك
صراحه ودي اني عندك واساعدك

يالله عاد طمنينا ومنزل مبارك
وتقومين بالسلامه ياقلبي

اولا السلام عليكم
دخلت عشان قبل سنة نقلت ونفس حالتكى بس انا في نهاية السادس والجو ثلج
بس انا طلبت مساعدة من امى وكنت اشتغل واجلس وعدت على خير
نبدا بالخطوات
1-خليت زوجى يجيب عمال يغسلو الشقة جدار حمامات مطبخ البيت كله عشان لما انقل يكون على الاقل نظيف
2-شغلت الغسالة على الملابس الوصخة ما خليت ولا قطعة ومناشف المطبخ والشيفونات حقت الستاير والشراشف اللى على المساند غسلتها وكويتها وطبقتها بترتيب في اكياس بعدين حطيتها في كرتون ولصقت عليه لصقه وكتبت عليها شفونات وشراشف
3- دخلت على غرفة النوم وفتحت الدولاب الملابس اللى ابغاها طبقتها بترتيب وفي الكرتون واللى ما ابغاها لميتها في كيس عشان اعطيها الجمعية الخيرية ملابسي لوحدها وملابس زوجى لوحدها
القمصان والملابس الداخلية حطيتها في شنطة كبيرة حقت السفر عشان لو طاحت من الرجال ما تبان الفضايح وبعدين المكياج حطيته في كرتون صغير والمفارش حقت السرير الوصخ عند الغسال والقديمة طشيته ومسحت الدولاب والتسريحة والسرير من الغبار وغسلت وجه المكيف كذا انتهينه من غرفة النوم
4- المطبخ وما ادراك ما المطبخ جبت جرايد وكراتين وسرت اللف فناجيل الشاي والقهوه والصحون والجكات حقت الماء واي شى قزاز اللفه بالجريدة عشان لا يتكسر من الشيل والحط والقدور في كرتون ثانى معاه الصحون البلاستيك والملاعق والسكاكين واي شى ما يتكسر لو طاح وغسلت الدولاب والبتوجاز والثلاجة شلت الماكولات المجمدة وارسلتها على امى تحطها في الفريزل وتخلصت من اللي ماابغاه وغسلتها حطي للمطبخ يومين
5-رحت للحمام حطيت المنظفات وستارة البانيو بعد ما غسلتها في كرتون ومسحت الغسالة من بره بمنشفة مبلولة
6-غرفة الضيوف شلت المخدات حقت الكنب وحطيتها في اكياس زبالة وحطيت التحف في كرتون بعد ماغلفناها بالجريدة وكتبت عليه مهم جدا يوجد تحف قابلة للكسر وقلت لزوجى خليهم ينتبهوا لما يشلوها
ونظفت وجوه المكيفات


هذا انا اللي سويته اما زوجى قبل ما انقل بيومين شال المكيفات ومفرشة المقلط وشالوا الكنب وغرفة النوم مع الموكيت حقها وحطوا المطبخ
كان عندى غرفة في اخر البيت مهى مفروشة خليتهم يحطوا العفش فيها

الـــــتــــــــرتـــــيــــــــب
شيلي كراتين المطبخ وحطيها فيه وحطى الاوانى على مهلك لاتستعجلى وحطى بترتيب عشان ترتاحى مرة وحدة واعطى نفسك 3ايام لو كنتى وحدك محد يساعدكى
شيلى كراتين الملابس ورصيها بترتيب واعطي نفسك يومين للملابس
شيلى كراتين غرف الضيوف حطي على مهلك
تعبت وانا اكتب اي طلب انا جاهزة

شوفي حبيبتي

انا الي راحله على بيتي خمس شهور بس وانا كل سنه برحل من بيت لبيت بصراحه كل ما زهقت رحلت

الموهم انا خبيرة ترحيل ونقل وبقوم بكل عملية الترتيب والتعبئه لوحدي بدون مساعده واخر مره رحلت كانت بهاد البيت وانا باخر اسبوع بحملي وعندي بنت صغيره بحضني

اول شيئ بحسب قبل الرحيل باسبوع فقط وبقسم الايام على الغرف
وببدأ بالثياب
الملابس بفرزها اللي ممكن نستخدمها الاسبوع الاخير بخليها بمكانها ومعلش بخلي بس لاسبوع والباقي بالشنط وطبعا يتم الفرز اذا فيه شيء غير مرغوب فيه اما بتخلص منه او اذا ثمين بضل مضبوب حتى بعد الرحيل

بعدين خذي غرف النوم وحطي كرتون للتحف وكل تحفه لفيها بجريده وبعض المناشف بين القطع وخليها الكرتونه بنفس الغرفه على جنب نيجي للحمام بكل غرفه فضي خزاين الحمام بالكرتون وكل ما تستخدمي منضف رجعيه عالكرتونه وخليها مكانها حتى العطور والشامبو اللي بالحمام خليها بطرتون بالحمام لحين الرحيل
غرفة السفره والجلوس نفس الشيئ كل التحف والمناضر رتبيها بكرتون ولفيها بجرائد وخليها بالغرفه اتذكري انه كلها اسبوع وتنقلي كلشي لمكانه وكل كرتونه فقط اكتبي عليها اسم الغرفه عشان لما ينقلوها العمال يرجعوها مكانها في البيت الجديد

المطبخ نفس فكرة غرفة النوم والثياب اخرجي مل ما لن تحتاجيه الاسبوع الاخير وغلفيه بورق الجرائد وخليه بخزائن المطبخ وطبعا اكتبي عليه المطبخ عشان العمال يخذرو اثناء النقل
انا رحلت اكثر من خمس مرات بثلاث سنوات وماعمري انكسر عندي لو كاسه فقط لفي بالجراشد وضعي ما بينها طبقات جرائد اتذكري ان تكوت الكرتونه ثابته وما تمليحا بالزجاج اكثر من طاقتها ممكن تتمزق اثناء الرحيل من اسفل بسبب الثقل
انا اقوم بتزويد اسفل الكراتين بلاصق من النوع العريض من اسفل كل صندوق للدعم
في اخر يومين حاولي يكون كل شيئ بالكراتين مهما صغر او كان غير مهم بيتك كله بالكرتين وما ضل غير قطع الاثاث الكبيره واخر يوم قومي بتعبئة ملابسكم اللي كنتو تلبسوها وشراشف التخت والاغطيه لانك اكيد استخدمتيها لاخر يوم

البيت الجديد لازم يكون نضيف وخاصه السجاد مع اني بكل سهوله اقوم بعد الترتيب بتنضيف البيت اول باول يعني الحياه قدامي وبنضف الاشياء المستعجله مثل الحمامات والسجاد

وبقوم بترتيب كل غرفه مثل ما بدأت ببدأ بالملابس وطبعا بشغل الغساله عالغسيل والوسخ وبرتب المناضر وكل ما تجمع عندي جرائد وكراتين بقوم زوجي بنقلها خارج المنزل وهكذا بقوم باعادة كل شيء مثل ماكان ويمكن بطريقه انضم
الجرارات عزيزتي كل جرار اغراضه بكيس بلاستيكي والكل بكرتونه باسم الغرفه وما عليكي غير فتح كل كيس واعادة محتوياته وحتى المطبخ انقليه نفس الترتيب كل خزانه بكرتونه وعند الرحيل تعود مكانها

الترتيب ياخد منك ث ايام بالكثير ما تحملي هم وربي بيساعدك
بعد رحيلي وانا حامل ولدت طبيعي وكانت ولادتي ميسره والحمد لله بسبب المجهود اللي بذلته

ربي يكون بعونك ويساعدك يارب ومنزل مبارك باذن الله