إيش تاكلون في النفاس

انا مثلك بالضبط عايشه بغربه وعلى وجه ولاده ومعي بنتي صغيره مادري هل يصلح لو اكلت بيتزاء او اي وجبه خفيفه او سمك مقلي او مشوي حتى لان الجاهز كلها

شوفي المطازيز سويهن واحفظيهن بالفريزر اريح لك وسوي لك كميه كبيره مصابيب واحفظيها بالفريزر كل 10 حبات مثلا بكيس وسوي لك تمر بدون اي اضافات ( احمسي لك طحين بر واذا طلعت ريحته حطي عليه زبده او سمنه على راحتك وحطي فوه التمر الي شاليله النوى منه وحركيه وخليه شوي على نار هاديه بعده خلاص احفظيه بعلبه ) جربي كميه قليله واذا اعجبك سوي وكثري وخليه جمبك طول النفاس كولي منه اذا ودك بشي يوسع صدرك ======= يعني بدال الفطاير والكاكاو وطقتهن بس مايغني عن الوجبات الثلاث
وبعدين عادي اسبوع وقومي اطبخي انتي بس لاتاقفين والله الطبخ مايبي شي اذا عند خدامه تنظف المواعين وتقدمه لك او علمي خدامتك وريحي نفسك ماشاء الله صديقتي نفاس باول طفل له وزوجه قاله ابيك عندي بالنفاس وهي الي تقوم تخدم نفسه تقول زوجي والله مايلمس شي بالبيت بس كذا حكم يبيها عنده دقه قديمه زوجه
الله يعيننا ويهون علينا يارب انا نفاس يارب اطلع عروس يارب

طيب شوربات الشوفان باللحم
خليك عليها اتوقع مفيده
وانتي بعد ما تقومي بالسلامه بعد 10 ايام تقدري تسوي لنفسك تساعدي امك
اول 10 ايام خليها تسوي لك كم طبخه مي متعبه ومعروفه
انتي قطعي البصل واللحمه تبع المرقوق وانتي جالسه
وخلي امك تسويها وانتي اعجني
عادي ياقلبي
مو امك الي تدلعين عليها
تبين السنع اهتمي بنفسك ولا تكلفين امك فوق طاقتها
والعشاء
حطي بالفرن
دقيق بر مع ملح بصينيه تيفال سااااااخنه
وقفلي عليها ليييين تجهز الخبزه
وكوليها
خليها تخمر ساعه ونصف
بس لا تحطي خميره
يعني حاجات سهله زي كذا
وتقدر تحطي بالخبزه حاجات النفاس زي الفلفل
افكار كثيره ممكن تسويها
وترى ما يضر ان شاء الله لو كليتي لوزين مع حليب ساخن عادي
بس عصير لا
وكثري اكل املي بطنك
خل الغدا ثقيل بس العشا اي شي
بس كثري

مشكوره على المعلومه الجيده

والله انا اكل اي شي
مقالي رز سمك الي متوفر
حتى الغازيات اشربها
عاد شنسوي مافي غيرنا به البيت وماحولي احد اعرفه
بس معتمدة ع الخضرة والفواكه اكثر شي
البر مايصلح لي لاني اعاني من القولون
خليها على ربك بس