انصحك لاتواجهينه بس ذكريه بمخافة الله وواضح انه لاهو ولا اصحابه عارفين ان البنت حقت زواج استغفر الله ولا تناقشيه لانه خلاص راح يعرف انك عرفتي وراح يتعود على الخيانه وخليك بالتذكير والنصايح من بعيد لبعيد

الله يهديك بس ... من جدك تحطين لك معرف وتدخلين عليه بتويتر وتتحرشين فيه انك حرمه ثانيه حرام عليك والله مايجوز تخيلي زوجك يسووي فيك كذا اول ماراح تقولين انت ماتثق فيني ليه فكرت تحط معرف وتتكلم معي غلط ياقلبي غلط ... هذا رجال تفتنه الحرمه اين كانت يجيه فضول حولها ينبسط اذا وحده عطته اهتمام وبني ادم ضعيف ضعيف شوفي المعاصي اللي احنا غرقانين فيها نحاول نهتم في الصلاة نهتم يوم وننسى ايام ونهمل نحاول نترك متابعة المسلسلات الافلام نتركها اسيوع ونرجع لها اقول كذا لان الانسان ضعيف في مجاهدت نفسه ويخطئ كثير ويذنب ويستغفر ويتوب ثم يجي الشيطان ويضعفه ثم يخطئ ثم يتوب ... ولو ستر الله علينا وان محد يعلم بنفوسنا وضعفنا واخطائنا كان انفضحنا قدام الخلق بس ربي راحمنا بستره ... فكيف انت تروحي وتمثلي عليه وتختبريه في هذا الشي وكيف تفتشي جواله وتبحثي فيه يعني تبينه ملاك مايغلط مع هالأجهزه اللي سهلت المعاصي والعلاقات ... الانسان يحب الخصوصيه وان محد يعرف عن ضعفه واخطائه وزلاته وهذا الشي الله عطاه اياه بان جعل مافي النفوس والغيب محد يعلمه كلن وعنده اسرار محد يعرفها الا الله لو كشفت للخلق محد حب احد ولا احد عاش مع احد...
( اذكر مره شفت فلم وهو تمثيل ان رجل فيه صفه انه يعرف مايفكر فيه الناس يقرأ افكارهم وكان تعبان مقهور من تفكير اللي حوله كلهم يجاملون كلهم يخدعون كلهم يكذبون صفاتهم الدخليه غير تراودهم انفسهم لعمل اشياء كثيره بس عشان اللي حولهم يتركونها وداخلهم ودهم .. ) شفتي كيف ان الستر رحمه وان عدم معرفتنا لنفوس الخلق نعمه


انت غلطتي بتفتيشك لزوجك وغلطتي انك مثلتي عليه جبتي لنفسك الهم والحزن والمشاكل ويمكن تنقلب حياتك السعديه لحياة شقيه انت بديتيها ... لو حمدتي ربك على نعمه وانشغلتي بعبادتك وتربيتك لاولادك واداء حقوق زوجك .. وممارسة هواياتك ... وعطيتي الثقه لزوجك لان ظاهره خير وقايم فيك وفي اولادك ... ويكفيك ان تستودعيه الله وتدعي له وتستغفري له ... وتحثينه على طاعة الله وعلى والعبادات والسنن وتبشرينه برحمات الله وجنته للي يعمل الصالحات وتوصينه بمراقبة الله سرا وعلانيه وتحذرينه من المعاصي وتخوفينه من الله وعقابه ... ترتاحين وتعيشي بهدؤ ... لكن انت الان كشفتي شي مستور ... وخلاص عرفتي والشيطان الحين حولك وش بيهديك ... والرجال محد يتحداه يبي ينكر لانه متفشل وان زدتي بيعتذر ويقول زله وان مارتحتي ولا عجبك اعتذاره وحسيته تافه بينفجر ويصرخ عاجبك زين مو عاجبك بكيفك ... ويمكن ترضين بعتذاره وتاسفه بس يضل يدور حولك الشك القاتل والتفتيش من فتره لفتره وهو بيبقى يدس ويخفي ويمكن من كثر مايحس انه مراقب بيبدا فعلا بردت فعل عكسيه ويصير صدق يبحث ويدور على العلاقات لان الرجل مايحب احد يحكمه ويتحكم فيه خاصة الرجل .... ...
....
الله يهديك ويسخر لك زوجك ويهديه ويهدي مابينكم .... كثري استغفار ودعاء وفكري مليون مره قبل اي خطوه ...

وكلتي نفسك رقيب عليه اسلوبك مع احترامي لك لو كان بعلمه يحسسه انك عندك نقص ومقتنعه ان اللي برا اكمل منك يا اختي الله يهديك مالك وماله زي ماهو واثق فيك اوثقي فيه اشغلي نفسك عن التفكير اللي براقبه بقفطه انتي على بالك لو واجهتي راح يوقف اقسم لك بالله الاغلب يتمادى بيقول دامه عرفت خلاص ودامه رجال شاريك ماشاء الله تبارك الله وهذا الواضح من ناقشك معه بالتويتر تغاضي مره وتغابي مرتين واستودعي الله كل مافيه بان يكون لك بالحالك والله خير حافظ والله يوفقكم يارب

بما انه يسولف مع زملائه عنها باىين والله اعلم انها حقت سوالف وكل واحد يلعب معها شوي
التسجيل الله اعلم مو للذكرى ولاحب فيها بيوري لزملائه انه سولف معها
انا مارحمت الا اهلها واخوانها يااارب ارحمنا فوق الارض وتحت الارض
انا رأيي في هالآمور ان اهلها يربونها من جديد لاترسلين لها مقطع صوتي اللي عند زوجك انتبهي
لكن لووو ملزمة وهي من عائلة محافظة او قبيلية ترى هالحركات عند اخوانها ماتمشي وبيربونها من جد وجديد
ولاتجي وحده وتقول الستر الستر للي يدور الستر مو اللي تلعب بذيلها

من طق الباب جاه الجواب دام زوجك ربي هاديه وطيب معك ليش تدخلين تويتر وتسحبينه باللكلام لها الدرجه مارضييتي عنه رغم اللي يسويه لك
نصيحه إنسى الموضوع ولاتخربين بيتك