ااه من خطيبي والله تعبت/ غيرته علي .معدل

الله يوفقكم ويسعدكم يارب
انا مالومك يوم قلتي تعبانة من خطيبك
طيب اذا بتروحي مكان تصوري له عادي يبغي يشوف صورتك وانت متكشخه واذا يبغى جوالك عطيه يشوف عادي لاتزعلين انا اخواني اذا يبغو ن يشوفون جوالي كذل فجاة عادي اعطيه اياه بالعكس يرتاح لك لكن يبغى جوالك القديم او لابتوب القديم قولي له اسمح لي مااقدر
احسمن كلامك انه تصرفاته معاك في بعض الامور على نيته مش قصده شي يوم يقولك تبغين لابتوب طويل لكن شي انه يبغى القديم وانتي براحتك حابة ولا انا زوجت اخوي لو ماترد على الجوال بسرعه يعصب ينكد عليها
انتي حاول بقدر المستطاع انك تتجنبي زعله
الله يسخر لطك خطيب يارب

زوجك مو طبيعي ،، صح الرجال ايام الخطوبة يغارو و كده بس مو لدرجة اللي يسوي خطيبك ، مصيببة لو طبعه كده راح تتعبي كثير معاه ،، شوفي لو استمر كده لازم توقفيه عند حده ، و ماله حق يفتش وراك عن المواقع او الايميلات او جوالك ،، احسه انسان شكاك و مريض لو هو طبعه الشك تراه انفصلي عنه من دحين ،، و ماله حق يأخذ اي جهاز قديم لك ما دامك بيت اهلك لسه ،،

كل شي اللي الشك ، بالعكس الفترة هادي احلى فترة بين المخطوبين ، ،و بعدين احس معطيته وجه بزيادة خليه يزعل مرة مرتين ثلاثة ، فالاخر تقدري تبيني له وجهة نظرك و انك انسانة مستقلة مو تابعة له عشان يتحكم فيك ويراقبك ،،

اعترضي مرة وحدة قولي له لا ما اقدر اصور نفسي انا متأخرة مرة ، و لو سألك فين رايحة قولي له ما ادري لسه ما قررنا بس ننزل للسيارة راح نشوف فين نروح ، خليك مبهمة دائما ،، و لو اتصل بعد كده لا تردي عليه لين ترجعي البيت و قولي له معليش نسيت الجوال عشان يتعود انه مو كل شي تقولي له ،، خليه يزعل ، بس يفهم انك انسانة و لك حق تعيشي مو شايلة الهم طول الوقت و شايلة هم رضاه ،،

لو منك اطنشيه خليه هو اللي يطلب رضاي مو انا ، انت الحرمة و الحرمة دائما هي اللي تتدلع في فترة الخطوبة مو هو ، تراني مقهورة عليك بالمررررررررررررررررررررررررررررررررررررة ،،

مرة اعطيه وجه و مرة لا ، عشان يتعود مو كل شي تقولي له ايوه و حاضر ، و لما يجي وراك قولي له ليش جيت انت تشك في ، اسألي يا بنت لا يكون من النوع اللي يشك و يراقب تراه مرض ، زي ابو زوجي الله يرحمه كان مولع البيت نار من الشك ،، من يوم ما اتزوج ام زوجي يعني لسه شباب لين عجز و هو يدور حوالين العمارة و يقول اكيد مواعدة احد و لين هو كبر و عجز لسه يدور ، غير كده يبلغ الشرطة و يناديهم انه ولده اللي هو زوجي يدخل رجال على بناته ، و الضابط صدقه لانه عجوز و زوجي شباب كان وقتها و لما مسكو زوجي ، جاء زوج اخته و اثبت لهم انه الشيبة من يوم يومه شكاك و الناس كلهم عارفين طبعه ، حماتي جلست سنين و سنين و سنين تتعذب من شكه لين مات الله يرحمه ، حتى زوجي يقول فاضحنا الله يرحمه بين الجيران ،، و فوق هذا كله هو امام المسجد ، شفتي كيف ، لا يغرك حبه لك او حبك له ، الشك مصيبة ، أقراي عن مرض الوهم و الشك ترى يدمرك قبل ما يدمره هو ، شوفي هل يتعامل مع اخواته بنفس الطريقة ،، الله يهديه بس مقهوة عليك بالمرة ،،

بالفعل لو مارديت على مكالماتو وكنت مشغوله يزعل وينكد ويبغى يعرف انا في ايش انشغلت عنووو

ولما اتكلم مع صحباتي لازم يسالني عن الكلام الي بيدور بيني وبين صحباتي

وانا ارد واقولو ياقلبي مايصير دي اسرار وماتنقال لك

ويرد انا زوجك ومن حقي وكلام طوووووووووووووويل

مع انو مو من حقوووو لانو الشي يخص صحبتي مايخصوو

ياقودلن انا اقولو انت تشك فيا يعني واعصب عليه واسوي حكايه

ويرد عليا لا انا احبك واخاف عليكي وانا زوجك وادرى بمصلحتك واغار عليكي ومابغا احد يتعرضلك وكلااااااااااااااااااااام حلووو

وانا اسكت واقووول معليششش

الله يعينك