رووعه
متابعه معاك
جبن حامض
•
..اليوم السابع..
صحينا بدري كالمعتاد ونزلنا المطعم للأفطار وخرجنا نتمشى في ميدان تقسيم ونتصور عند الحمام تمشينا شويه وشفت جنب الميدان محلات بيع الورود ..
بعد كدا دخلنا مادو نشرب قهوه وفنفس الوقت حبينا نشوف الحلاوه عندهم عشان ناخذ هدايا منها للأهل بس اخذنا من محل ثاني
البقلاوه عندهم مره دسمه اخذنا وحده من اللي في يسار الصوره ماقدرنا نكملها
الحلاوه عندهم لذيذه والعامل يتكلم عربي ويعبي هدايا زي العلبه اللي في يمين الصوره
الايس كريم جربناه بس يوم ثاني كان وقتها ليل مره لذييذ وعليه زحمه فماصورت وقتها
خرجنا نمشي شويه هذا اللي فالصوره بنك قريت عنه انه مضمون ماجربناه
هذا محل حلويات وكوفي وعندهم فطور شفت الرجال يستعرض بالشيره على البقلاوه والناس تصور..اخذت صوره له
رجعنا الفندق وخرجنا على الظهر الساعه 3 تقريبا ،على اساس بنروحجراند بازاراخذنا تاكسي وقلنا له نبغى اكسراي ،، قال ليش اكسراي فين تبغو قلنا جراند بازار قال كل شي مقفل بكره تفتح المحلات لأن الدنيا عيد (عيد الأضحى عندهم كان قبل السعوديه بيوم ) المهم قلنا طيب المولات قال مفتوحه كنا نبغى جواهر بس اقترح علينا استينا بارك..
مول استينا بارك
اول مادخلنا المول نمرر الشنط من جهاز زي اللي فالمطار للتفتيش ونمر كمان احنا من جهاز بس الاطفال مايمرو منه كذا كل مولات تركيا والميناء كمان ..
المول كبير وزحمه مره كل الاتراك فالمول تمشينا واشتريت لولدي ملابس ماصورت كثير لان مره زحمه
مادو له فروع كثيره في تركيا
اخترنا المطعم هذا للغدا
المطعم زي نظام البوفيه ناخذ الاكل ونحاسب ونجلس
يسوي الفطاير
ماشاء الله طلبنا ،،الخبز مجانا
اكثر المحلات اللي عندهم زي محلاتنا في جده
محل العاب للاطفال
خرجنا من المول وجلسنا خارج المول شويه واخذنا تاكسي
نزلنا في تقسيم تمشنا شويه ومرينا البقاله ودخلنا الفندق وماخرجنا بعد كدا
ملاحظه ،،
حاولت اختصر كمان فالصور اليوم المنتدى ماسمح لي بتنزيل اكثر من 20 صوره فالرد
واوقات اتـأخر في تنزل رد اكون اواجه مشكله فالموضوع فعذروني اذ اتأخرت
♥تابعوني قريبا فاليوم الثامن ان شاء الله ♥
الصفحة الأخيرة
.. تابع اليوم السادس ..
كملنا مشي في ميدان تقسيم وشارع الاستقلال
هنا يبدأ شارع الاستقلال ولو لفينا يمين الصوره تجينا محلات ماركات ومحلات عاديه ومطاعم
هنا اللي اقصده بعد مالفينا تجينا هذي المحلات الشارع مره طويل وكله محلات
بائع الكستناء المشويه (ابو فروه) مره جربناه من جنب حديقة جولهانه مو مستوي تمام
هذا محل شورما قريت مدح عنه فالمنتديات بس ماجربناه
صور لبعض المحلات
فالصباح الشارع يكون شبه فاضي اما من العصر تبدأ الزحمه
رجعنا الفندق جلسنا شويه وكملنا خرجنا بما ان الجو حلوو قررنا نروح (ميني ترك) لانها مكشوفه وماتصلح وقت الشمس ..
اخذنا تاكسي وقال بالعداد اتذكر 40 او 35 ليره،،
.
.
.
ميني ترك
عباره عن جميع معالم تركيا بس مصغره
.
.
هنا مكان الدخول جهه للدخول بعربية الطفل وجهه لقطع التذكره دخلت انا وولدي بالعربيه
وزوجي راح يجيب التذاكر
ولما نزلنا كشكات لبيع ذره مسلوقه ووبطاطس مقليه وكشك فواكه بالشوكولاته
شكل التذكره وفي بعدة لغات.. لمى اشترينا التذكره طلبنا اللغه العربيه عشان يشرح لنا الجهاز بالعربي ،،ونمرر التذكره جنب الجهاز بهذا الشكل
اترككم لصور المعالم
.
.
.
بعد كدا خرجنا واخذنا تاكسي لــ اكواريم اسطنبول اتذكر اخذ مننا 45 ليره تقريبا
اكواريم اسطنبول
مكان بيع التذاكر
هنا لو مشينا شويه حنلقى واحد يقول صوره مجانا يصور الناس مجانا فعلا لكن وقت الخروج
من الاكواريم حنلقى محل على جنب يعرض صور الناس ويوريهم الصوره ويقول اذا بتاخذو صورتكم بـــ 15 ليره ..
صور من الأكواريم
هنا بلكونه تطل على البحر وفيها ناظور ندخل ليره ونتفرج
صور للأكواريم
خرجنا وجلسنا دقايق فالشارع وكملنا مشي لحديقة بلدية فلوريا قريبه من الاكواريم لفينا يسار من باب الاكواريم وطولنا
حديقة فلوريا
كانت شبه فاضيه يمكن لان كان يوم الاربعاء
ملاهي
مقابل الملاهي البحر وقتها الشمس كانت ساطعه وماني عارفه اصور والبطاريه كمان بتخلص
دخلنا مطعم داخل الحديقه يعتبر في اخر الحديقه
الحديقه فاضيه لكن المطعم زحمه مرررره والطلبات اتأخرت مرررره نسيت اصور الطبق الرئيسيلان اتأخر مررره فــ اكلنا وخرجنا من المطعم
مشينا كثير على بال ما لقينا تاكسي واخذنا تاكسي وصلنا لتقسيم ب 60 ليره
وصلنا تقسيم عالساعه 6 تقريبا ودخلنا نشرب قهوه واكلنا حلى ماشاء الله
اثنين قهوه تركي وحلى (الحلى لذيذ) لاحظت دايما مع القهوه يحطو قطعة حلاوه حلقوم
صور من المحل
نفس المحل
لكل المتابعين
ملاحظه،،
اضطريت اختصر فالصور في هذه المشاركه
لان المنتدى مايسمح باكثر من 53 صوره فالمشاركه الواحده ..
♥تابعوني قريبا فاليوم السابع ان شاء الله ♥