ابشركم اعرست على مين ..؟؟؟؟؟؟؟؟؟؟؟؟

يا هلا والله باللي دخل .... حيااااااااك الله
هذي قصه كاتبتها من زمان ايام العزوبيه .. والفله والونااسه والفضاوة .. قلت خلني اشارك بهالقسم الحلو ولو مشاركه بسيطة
وان شاء الله تعجبكم القصة وتبسطكم :21:

<<<<<<<<<<< شكلي طولتها وهي قصير
نبدأ
بسم الله :::::
يوم جيت اخمد بالليل عقب ما تهاوشت مع سوير و دحيم كالعادة .. سكرت النور وانسفطت جوا سريري ... وتنحت بالسقف ( لازم انتح بالسقف قبل لاانام ) المهم يوم هه هه توني بالغمض الا اسمع صوت بالغرفة .. وافز واقفه ويوقف شعر راسي تقل مسمامير واولع النور واطالع حولي واسمي واذكر الله واقرا اية الكرسي .. هه مابه احد ( حلوة مابه .. طالعة من قلب ) الظاهر يتهيألي ..يا بنت تاحلال تعوذي بس من ابليس
وأرقدي..وارجع انسدح بس هالمره ما سكرت النور(على بالي فطينه)..واذب اذني بس ماش مافي الا طربطربطربط<==صوت قلبي
المهم شوي وأغفى من جديد..ماامداني اتهنى الا واحس بشي يلمس يدي
لالالالالالالالالالالا واطمر ذيك الطمره بالهوا(تسني الدعيع)<==يعنني افهم كوره
المهم طمرت ذيك الطمره ولفيت 180 درجه حول نفسي..وتطير عيوني من زاويه لزاويه بالغرفه واقرى قران واسمي يا ربي وش ذا انا انهبلت ولا انهبلت؟؟
واجي بفتح باب الغرفه..هه ما ينفتح
واطق الباب ..المفتاح من عندي واقفله وافتحه..الباب ما ينفتح
وألبد بزاويه الغرفه اصيح..واصيح..الظاهر من طول ماانا لابده هناك غفيت ..غفيـــــــــت
نونة نونة .......نونة اصحي يا نونة
مين يالله يالله افتح عيوني..واتمغط
وشــــــــــــــــو؟؟؟؟؟؟
واطمر ذيك الطمره..<<<<<< كني مسختها بالطمر
-اعوذ بالله من الشيطان الرجيم..اعوذ بالله من الشيطان الرجيم
وش ذي؟؟؟؟نمله قدامي؟؟؟؟كبري؟؟؟نمله كبري؟؟؟نمله تتكلم؟؟؟؟؟
اكيد انا انهبلت اكيد انا احلم..
اكيد انا.....طرطااااخ(هذا جسمي يوم صقع بالارض)اغمي علي
مدري كم قعدت مغمى علي بس يوم قمت لقيت نفسي بحفره وعلي اغصان(ينقالي متغطيه)..المهم نفضت الاغصان.وقفت الا تدخل ذي النمله مره ثانيه..بغيت انصرع افكر نفسي بكابوس وقضى؟(ورى ذا الكابوس عيا لا يقضي)؟؟
وقربت مني ذي النمله وقالت:هاه نونة شلونك الحين؟؟
انا انطرمت..ماني بفاهمه شلون هي تتكلم مثلي وصارت تجي لمي وانا ارجع لوراء..لين لصقت بالجدار وقمت اصيح:وش تبين؟؟؟؟؟
-وراك تصيحين بشوف اذا عليك حراره..جبنالك اكتفد؟؟
اكتفد؟؟؟؟؟؟؟؟؟بعد بعد اكتفد؟؟انهبلت انا والله لاحول ولا قوه الا بالله
والله قالوا لي لا تدخلين علم نفس ترا بتنهبلين وما صدقتهم والله والله اطلع منه بس ..طلعوني من هنا..عاد الظاهر اني مصختها وانا مفرصعه عيوني بوجهها قامت لوت بوزها؟؟اول مره اشوف نمله لاويه بوزها؟؟؟
وقالت شوفي يا نونة..ترا من يوم جيتي وانت مأذيتنا...حنا زوجناك ولدنا..ما قتلنالك احد من اهلك عشان تسوين تسذا؟؟؟؟؟


سلامااااااااااااااااااااات زوجتوني ولدكم؟؟؟
انا بحلم ولا بعلم ؟الا شوي ويدخل نمله ثانيه بس بسكسوكه..ويحب راس امه(الظاهر انه رجلي)همن جاني وقال هاه؟؟شلون عروستي؟؟
واااااااااوك وأنقز(قلت أغير بدل اطمر).انا مو نمله وش فيكم انتم؟؟؟؟؟
ويلتفت الولد على امه مستغربين
-ناظروا وجهي شوفوا انا انسانه مو نمله ناظروا يديني شلون تزوجوني ولدكم انا انسانه وامد ايديني (على بالي مستقويه فيهم) هه وش ذا؟؟؟؟؟ ذي ميب ايديني؟؟؟؟ناظر جسمي ..مو بجسمي اركض لمرايه معلقه على الجدار القى نفسي قدام نمله ولا لابسه طرحه عرس بعد
وااااااااااااااااااااااااااااااااااااااااااااااااااااااااااااااء
انواع الصياح والانهيار
وراي قلبت نمله؟؟؟وش انا مسويه يا ربي؟؟؟ليه كذا يا ربي؟وتجي تضمني خالتي(ام رجلي )وتقرا علي معوذات يا بنت النمل(على غرار يا بنت الناس)لا تسوين بنفسك تسذا!!
وابلع ريقي ودموعي اربع اربع
-وتقولين تسذا بعد (وربي واحده فاضيه انا)
-ايه نقول..وش دعوه يا كافي..قومي غسلي وجهك
وتاخذني من ايدي..وولدها بو سكسوكه ورانا يمشي ودخلتني حمام وفتحت الحنفيه(ايه وش على بالكم..نمل كشخه )الا ويطلع لي تراب؟؟؟؟؟
-تراب؟؟ اغسل بتراب؟؟؟
-وش تبين تغسلين فيه؟ مويه؟؟؟خبله انتي تموتين على طول
يالله غسلنا وجهنا بتراب
(هه يعني فرقت ياما اكلتنا سوير تراب.)
المهم طلعت لقيت ذا يحتريني اسمه فارس على فكره
المهم جاء لمي وقال يالله يا نونة .اهلي مسوين لك عزيمه غداء..تاخرنا
وتسان(كان)ياخذني معاه بين ممرات لين وصلنا لهووووول كبير بالنص سفره اكل ام 63كرسي
(ليه 63-كرسي؟ - مو بشغلكم؟ قصتي انا حره)
واامداني ادخل الا وذا النمل يختب والكل كاشخ الي لابس مانجو والي لابس اكس او اكس او......واللي واللي اوناوع الماركااااات .....كخخخخخخ حتى النمل عندهم ماركات هههه
والي مكشخ بثوب والي كاشخ بفرزاتشي(كنه قراوه الرياض)ويجون يسلمون(اش اش الدعوه هنا خليطي )
والله كانوا الناس اقصد النمل متكلفين لي ايش ذبايح جراد ايش رز وسكر بالهبل؟والحلا سوفليه من صدى التحليه(والله اثري ماخذه حموله كشخه )
همن طق الباب ويدخل عبده البواب ويقول الطقاقه جت..وتجي هي وفرقتها وهات يا زنجبار وهات يا فستانه كحلي طويل..والدنيا تخترش..ولا همن رميت طرحه العرس وطبيت بالساحه انا و فارس.
(والله حتى طقاقتهم حراميه..تاخذ 3 حبات رز وسكره واحده) المهم يوم قضت العزيمه على خير ورحنا للغرفه اناو فارس وارتاع من جديد واناظر فارس بطرف عيني.واقوله فارس من جد عاد..انت تدري اني انا مو نمله ولا؟
هز راسه وقال تعالي بس وانا اقولك السالفه
..قبل 3سنين يا نونة كان عندي شغل بجامعه سعود سحليه وضفدع متذابحين ورحنا نجيب مؤونه المهم .كنت انتي قاعده مع خويتك بشارع 5 بالجامعه الا ذي النشبه خويتك مدري وش فطنها علي وتصيدني من بين النمل وتحطني بكفهاوتتفرج على وانا منخرع ابي اهج..واسمعك تقولين لها يا بنت الحلال خلها وش تبين بالنمله؟وهي تقول لك؟خلني اهبل بها1عاد انتي سحبتي يدها وطيحتنيني من فوقها.وهجيت وانا اشكر الله الي سخرك لي عاد مرت السنين يا نونة وكنت مار من جدار ولقيت نمله صغيره عالقه بخيوط عنكبوت واطمر(رجعنا لاطمر )واجيب خشبه(قصده غصن هو طبعا)واقطع ذي الخيوط واشيل ذي النمله على ظهري 3شهور ادور اهلهالين لقيت ابوها الي شالني من علىالارض من الفرحه..وطلع ساحر وقال لي لك الي تبي..عادانا ماانسى الخير يا نونة..وشايف سواه سوير فيك هي وزوجها لابارك الله فيهم..وقلت للساحر ابي نونةعلى سنه الله ورسوله

وبس هذي كل السالفه..انا بس ابي افكك من مره اخوك واخوك وابيك تعطيني فرصه اعوضك..
وبس هذي السالفه يا الريع الحين فارس جاب لي نت عشان ماانقطع عن العالم(ايه وش على بالكم رجلي وارث )بس اني احاول اقنعه نطلع للبشر بس هو معيي ...يقول وش تبين بالناس ومشاكلهم

انشاء الله اعجبتكم القصه
:13: