صحيح شيء هااااااااااام
انا ولدت ببريطانيا وطلبت الابرة هنا وسالت عنها مليون مره ولما جيت اخذها توكلت على الله واخذتها والرحم فاتح 6 سم وسالت هل يبطيء الطلق؟؟قال الطبيب مادام الطلق بدا اصلا وفتح الرحم اكثر من 3 سم نعطيها لمن تطلبها وبالعكس هي رحمة من الله تعالى لانه توفر جهدك وقت الدفع اذا جيتي تدفعين يخفف مفعولها وتخلصين في ثواني
بس اسالوا تمام عن المستشفى والابرة (شكلي باولد هنا كل ولايدي ان شاء الله خخخخخخخخخ مااعرف مستشفيات بالسعودية )
الصفحة الأخيرة
ولو فيه محاذير من شيء معين وغيرك جربه وفاده ماهو معناه انه شيء امن بالعكس ابتعدي عن اي شيء مشكوك فيه وخذي بالسهل المتعارف عليه
1- اذا تأخرت الولادة عن موعدها لا تشربين خلطات ( فيه كثير ينصحون بالقرفة وانا نصيحة لوجه الله تعالى لو نفعت مع غيرك والله مو شرط تنفع معك والله اني جربتها تراها ماتنفع مررررررررررررررررررررة قبل الولادة بالعكس تعفس عفس على الفاضي ) ولاتستعجلين لانه صبرتي 9 شهور وصحيح نفسيتك بتملين لكن احتسبي الاجر عندالله سبحانه و تعالى والبيبي جاي في موعده سواء شربتي او لا وكل ماخليتي الامر طبيعي تتسهل الولادة حتى بطلوع الدرج فالطبيب قال لي انه الحامل تمشي على ارض منبسطة وماتطلع وتنزل درج لانه هذا يضر النونو وممكن يلتف حوله الحبل السري
2- من الشهر 9 امشي ساعه على الاقل كل يوم وشغل البيت حلو هالفترة وارتاحي بعدها واكثري من التممممممممممممممممممممممر فوالله له مفعول عجيب ولافيه احد ينكر هالشيء واشربي اي سوائل فيها سكر عشان تعطيك طاقة
3- اول ماتحسين بالطلق على طول خذي دش موية دافئة وتدفي كويس ولاتنسدحين خليك يااما واقفة او جالسة على كرسي ورجولك مفتوحة
4- لاتخلين الدعاء وصلاة الوتر بالله كل يوم فوالله الشيء اللي خلاني ابكي بعدالولادة بكاء شديد مو الولاده لا والله بل استجابة ربي لدعائي وتقبله لصلواتي الحمدلله لانه القابلة والطبيبة قالوا غريب يبدا الطلق بسرعه يعني على طول كل 5 دقايق ماطول معك بفترة اطول ولاحسيت بالم في الظهر بس الرحم والولادة تسهلت مرررررررررررررة وان شاء الله احمل ثاني لاني ماني خايفه منها ابدا ومادام الله معك لاتخافين حتى زوجي قال ليه ماتحاولين انك تتصبرين بلاش ابرة الظهر قلت اول شي (الله يكفيني وحسبي الله ربي العظيم والله مايخليني ) وثاني شيء افضل اوفر طاقتي وقت الدفع حتى مايجهد النونو
وهذه اهممممممممممممممممممممممممممممم وصية اوصيك بها فكل ماتكثرين من الدعاء والصلاة راح تلاقينه بغرفة الولادة وادعي الله يجعلها بردا وسلاما
5- اهم شيء توكلي على الله واذا دخلتي غرفة الولادة لاتترعبين بل اقرئي واذكري الله والله معك فلاتخافين والحمدلله انا ولدت في غربه لا اهل ولا ام ولا شغالى تساعدني ماعندي الا الله (ونعم بالله ) وزوجي ولابكيت ولاصرخت ولا تاوهت كل شيء كان سريع ومتسهل الحمدلله ونفسيتك هي اللي تمشي الولادة في مسار صحيح بمشيئة الله
6- افضل شيء وقت الطلق
-- التنفس يعني اذا حسيتي بالم الطلق خذي نفس عميق مررررة وخرجيه وعيدي الكرة وراح تشوفين الفرق واكثري من قراءة القران في بالك وانتي تتنفسين
-- التمر بين كل طلقة والثانية يقويك ويزيد من طاقتك و تحملك
-- كل ماتشربين موية او عصير على طول حاولي تفضين المثانة وارتاحي وتشطفي بموية دافئة مو باردة
7- اللي على وشك ولادة لاتاكل دسم مو كويس ويخليك ثقيلة واخر ايام حاولي انك تاكلي خفيف زي مسلوقة الخضار مثلا لانه الولاده تجي فجاة بدون مقدمات فمو حلو انه بطنك مشغول باكل وانتي في طلق
8- جهزي شنطتك كويس اهم شيء لاتنسين تكثرين من الفوط الصحية السميكة المريحة لانه كل شوي راح تلبسين خاصة اول يوم بالمستشفى وخذي تمر وعصير وروب يدفيك علشان تمشين براحتك في غرفة الولادة بدون ملابس افضل
صحيح انا حسيت ببرد شديد قبل الدفع لدرجة اني كنت ارتجف اطرافي ثلجت فلبسني زوجي شراريب دافئة وجونتي مع انه الغرفة دافئة مرة بس سبحان الله بردت
9- اهم شيء تكوني عارفة ومحدده المستشفى مع الطبيبة ولاتترددين روحي للأفضل (لانه الله المستعان اللي يسمع الاخطاء الطبية يضيق صدره ويحس انه صحته وروحه اغلى من كل شيء فلاتتهاونين ابدا)
10- لاتاكلين سكريات ابدا خاصة اخر شهرين لانها تضر بصحتك وتنفخ البيبي وتخليه كبير وصحة النونو ماهي في وزنه بالعكس تتعبين وقت الولادة والخياطة