ابشــــري بعزك وانا بنت راعي الحرشا << لا تطوفكم سالفتي

يــــــــــــــــــــالله حي البنات خوياتي كبيرهم مع صغيرهم

اليوم جايتكم بطله جديده :42: عقب التميز مع ان كبر راسي وقلت ماعاد اني منزله موضوع

بس شسوي احبكم ..؟..

وبما ان الحكومه والسلطات العلويه رضت علي

قلت ماعاد فيهاا ياشقيح قام حضك يمكن يمسكونك الاشرااف << خخخخخخخخ طماعه مع هالخشه

لا بس مو مكان قلوبه لا قصيرتن لهاا << ياويلك ويلااه

المهم هذي ماهي بسالفتناا .. السالفه تجيكم

هاك اليوم ومرات من المره ..؟..

كنت متجمعه انا وخوياتي بنات جيرانا ( شله الباحثات عن الزواج ) طبعا تكون من 9 بنات عاطلات عن الدراسه والعمل وهدفنا بالحيااه

..~..الــــــــــــــــــــزواج..~..

يعني سبحان الله تحاولين فينا نغير الطموح مافيه .. وشعارنا .. زوجنا تكسب اجر

حتى اذكر هاك اليوم انخطبت وحده فينا صالحه ورحنا كلنا ياتسعه نجهز البيت ونسنعه ونصلح القهوه
وبالاخير طلعو جايين يخطبون اختها الكبيره انا من القهر رحت كتيت القهوه وقلت صلحوا لكم قهوه

عاد ام صالحه امسكتني مع شوشتي ..؟..

ولا وميزت هالشله بيوتناا جنب بعض ونتقابل بالسطوح يعني هاك اليوم الجمعه عند بيت محيله رحت نطيت لها بالسطح

.. يمال العجازه روحي من الباب .. والله تقل قروود انتناطط..

ولا مشتركين كلنا بجماعه المسجد اللي جنبنا (( نحفظ قران العجايز والبنات ونقول دروس ومحظرات ونسوي سمر ومسابقات طبعا كل نهايه اسبوع ))

والخميس اللي طاف الدرس كان علي ((عاد هذي سالفتها سالفه اقول لكم سالفه المحاظره بموزوع تاني )) والله لتفقدون ضحك على محاضرتي ..؟..



المهم نرجع لسالفتناا والله اني نسيتهاا .. يؤؤؤ

استخفرالله استخفرالله استخفرلله ..؟..

اي ذكرت ويوم انا متجمعين ولا تقول خويتناا ضحيه ان عندها عرس لبنت عمهاا .. وودها بصالون يضبط شكلهاا كود انها تنخطب ..

والله واقوم انا اطق الصدر قلت ابشري بعزك لك الصالون اللي تبينه ويسويلك خصم وبلاش ولا تاخذين
اول الارقام لان هالصالون عليه امة محمد

توصل الرقم عند اللي تحط مكياج 40 من كثر العالم ولا اللي يحطون مكياج 9 بنات وغير الشعر

..

المراد قلت والله لضبط لك وانك تخلصين شكلك بساعه مايحتاج تطقينها بالصالون من الساعه 9 الصبح الى 6 المغرب

متى مابغيتي دقي علي اروح انا وياك .. شفيك عندي واسطه .. حتى من غير ماتحجزين لك دور من اسبوعين

وهي اللي تقول : ابج ياشقحه صالون ؟؟؟؟ ماغيره اجيه من غير ماحجز وبسرعه اخلص ماصدق
قلت: علامك ابك انا هناك لي معارف صاحبه الصالون جارة اختي نجله وواسطه بنت الحلال ..
هي.. والله مايندراا بمشي معااك ونشوف بس مو اجي يوم العرس ومالقى دور ..؟..

المراد ويجي يوم العرس اليوم الموعود واروح انا وضحيه وصالحه اختها ومحيله وشمه اختي ونوريه خويت صالحه ايام الدراسه ..

المهم ونروح ونركب الجيب . جيب برادوا

واللي تسوق فيناا نوريه طبعا انا حلفت والله لجلس جنب اللي تسوق شفيكم

معي واسطه مو كفايه اني بدخلهم ويحطون مكياج من غير لا ينطرون 20 وحده قدامهم ..؟..

ونركب السياره والربايع يتحاشرون حتى والله بالبدي راكبات .. حتى من كثر الحشر بغينا نركب محيله بالسله اللي فوق السياره ..

قلت لهاا محدن مستنكرك بيقولون عامود اريل ..

المهم ونروح للصالون ووقفناا عند الاشاره ويصفط جنبا شايب معه عجوزه وبناته ورى
قلت يالبنات تتحدوني اهيض الشايب

قالوا شلون .. قلت شغلي هالشريط .. طبعاا شريط قصايد هجيني .. والله والشايب يطق راسه .. هالله هالله ويااااااو

وحنا ماتسمعين غير ضحك البنات .. وانا اللي اهفهم بعصات جدتي << طبعاا صارقتهاا منهاا

انا : اسكتن جعلكن ماتفيدن وش تضحكن هذا وانتم من جماعه المسجد امنعونا من الردا

والله وينطمون وفجأأه ولا انا اضحك بصوت عالي .. طبعاا خنقتني محيله اللي جالسه ورى بروحهاا محشوره

وانا متسلطه عليهم .. مو انا ذليتهم على هالصالون ..

دخلنا الصالون وانا اللي فاتحتن كشرتي ..

وقفت والبنات حولي .. انا : تشوفون هالطابور ..

البنات : ايه
انا: مايحتاج اصف معاهم لاني واسطه فا راح اتعداهم
مادريت الا البنات . صفق : عاااااشت شقيييح عاش بو عذاب

وانا اللي اتمخطر قدامهم وطلع عضلاتي واروح عند الرسبشن وانا :42: ولا علي من الناس

المراد .. وتمسك فيني عجوز حضريه القوم تلغفهاا : لا يبه نطري دور
انا.. واشر بصبعي على نفسي : ههاي انا انطر دور انا واسطه

طبعاا ما تعبت معاها رحت وتعديت الطابورالطويل ..

ووقف اكلم الرسبشن ..

انا : وين ام عبير
البنت : دقايق وتجي
انا: طيب انا ناطرتهاا لاني واسطه << علقت على هالكلمه مو مصدقه
البنت: هههه طيب نطري

وتجي ام عبير وسلمت علي ..

انا : شلونك ام عبير
ام عبير: والله بخير هااه اشوفك جايه عندكم عرس ماقالت لي نجله
انا: لا والله عرس جيراناا ومعي بنات جيراناا ودي انك تمشينهم قبل عشان والله عرس اخوهم
ام عبير: تطالع الساعه تأخرتي واجد بعدين ماقدر اعطيك رقم واخلي الباقي صفي دورمع البنات ..
انا: افاا ام عبير هذا وانا جايتك
ام عبير: والله ماقدر اخذي دورك وعلى عيني وعلى راسي كلكم زبايني مافي احد احسن من احد
انا : كنت :42: صرت :angry2:

وراحت وخلتني

اللحين انا وجهي جالسه ساعه اهايط عليهم وبالاخير لا واسطه ولا شي فاد فيها

طبعاا
انا
وجهي تصفق وانكسر تقول وجه بن فهره حسبي الله ونعم الوكيل ويوم جيت الا البنات يسبني ويطقن فيني

يقولن :وهقتيناا شقيح اللحين شلون ..

انا: امشوا صالون ثاني مضبطه الفراشه فيه
مادريت الا محيله تسحبني مع علبااي ونروح للسياره

سبحان الله كان مكاني جنب اللي تسوق صرت اخر شي بالبدي بروحي

والبنات يتحلطمن ..

والله واطلع مرايه واعدل نقابي وانا وجهي يقطط الوان ..

نوريه : شقيح عسى ماشر شفيك
انا: لا عادي بس وجهي منكسح شوي والله متصفق اللحين شلون ارقص بالعرس<< لا تقاوم الرقص
الكل: ههههههههههههههههههههههههههههههههههههههههههههاي
محيله: يؤؤ شلون شقيح ترقص
شمه: اي والله بنت الحلال انكسحت يؤؤؤ
نوريه: حرام عليكم لا تحطومنهاا

وهم يزودون فيني

وانا من القهر امسك تلفوني بشار القديم ..خخخخ واتصل على نجله بشتكيلهاا

ولا الثانيه ماترد علي

انا: حسبي الله عليهم متعاوين علي اليوم
الكل:هههههههههههههههههههههههههههه

المراد رحنا صالون ثاني وانتهت الازمه .. ورجعناا البيت أتلبس واحط مكياج لاني بروح العرس منقبه
طقت من الحضور

مادريت الا محيله داقه علي لان الثانيه انا وياهاا بنروح منقبات نتفرج ..

محيله: هااه شقيح ماعندك واسطه بصالون ؟؟؟؟
انا: الاعندي حتي تجيك وحده تخلص مكياجك وانتي بالسياره مايحتاج تنزلين
محيله:هههههههههههههههههههههههههههههههههههه

وانتهى الموقف بس والله يابنات انقص وجهي قصتن مو طبيعيه ..


ملاحزه ..؟

مثل ماوعدتكم بنهايه كل موضوع برعص ليكم بلوتوث توسعون صدوركم فيه ..

هالبلوتوث سبحان الله رحمة الله موجوده حتي بالحيوان شوفوهاا وابكواا ..؟..

http://www.animecreep.com/video/88WRtdz0RDk/سبحان-الله-فهد-بحتضن-صغير-قرد-بعد-قتل-أمه
.........................................

يالله بضحكم عقب مابكيتكم شوفوا هالبلوتوث وركزوا على اخر مشهد شوفوا الورع المنفعل والله ياني فقدت ضحك وانتهبلت وتبطحت وتسدحت هههههههههههههههه يااااااااااااااو
شوفوا معاي واضحكو

http://members.abunawaf.com/aldamy/AbuNawaf_MultMidia/Funny%20Kids.wmv