اول شي حللي يمكن يكون عندك نقص فيتامينات وهيا السبب ثاني شي استعيني بالله وكل يوم نظفي غرفه غرفه تنظيف عمييييق مثلا خرجي الملابس اللي ماتبغيها والمفارش والالعاب اللي كبروا عليها اولادك ارفعيها او اعطيها والمكسره ارميها ولاتخزني اي شي ماله داعي مواعين اي شي طلعيه
ترتيب الملابس كل طفل لحاله واعزلي ملابس البيت عن ملابس الخرجه عن البجايم والملابس الداخليه لو تجيبي صناديق افضل
لو عندك غرفه زايده خليها لالعابهم وغرفة النوم لحالها
تخلصي من مكياجك واكسسوارك القديم والمتغير غيري اماكن الاثاث تتجدد نفسيتك


الغسيل اذا عندك غساله اتوماتيك اول ماتصحي ارمي غسله فيها وكل ماخلصت غسله حطي ثانيه واذا ماعندك اشتري
والكوي ملابس زوجك خليه يكويها عند الكواي يصير باقيلك ملابسك وملابس اولادك اكوي ملابس الخرجه بس وملابس البيت طبقيها بالدولاب


لاتطلعي من مطبخك الا وانتي منظفته غسليه اسبوعيا وباقي الاسبوع امسحيه بالمساحه وكذالك كامل البيت
البوتجاز حطي عليه قصدير وغيريه اسبوعيا
حطي بالحمام الله يكرمك جالون فيه كلوركس وتايد وجالون ثاني فيه مويا وديتول وكل مادخلتي الحمام وشفتيه وسخ كبي من الجالون الاول ونظفيه وبعدين اشطفيه بالجالون الثاني


قسم الضيوف قفليه ونظفيه كل اسبوع
كل اسبوع حددي يوم لغسيل الارواب والمناشف والدعاسات ومناشف المطبخ وتغيري مفارش السرر


وسويلك خلطات شوفي خلطات شيراز بالانستا خذي خلطات سهله وسوي منها لو تحطي ع وجهك زبادي او عسل او حليب او موية ورد المهم شي تستمري عليه


وبالنسبه للمصروف يمكن زوجك ماشاف منك اهتمام ع كذا مايجيب شي افتحي الانستا وتلاقي طبخات الدنيا اكتبيها بدفتر واكتبي اللي تحتاجيه وقضي لبيتك


فيه مقطع مررره حلووو اسمعيه يشجعك للتغير لاستاذه ريما الهويش اسمه كيف نجعل العام الجديد افضل


وبالتوفييي
اتمنى افدتك لو بشي بسيط

عادي ياقلبي هذي مشكلة جميع الحريم
حتى بعض اللي عندهم خدامات يشتكون منها
ترا مو شرط ان الخدامه موجوده ان البيت يلق
بالعكس هو ع صاحبة البيت اذا هي مهتمه بيتها يصير نظيف بيصير نظيف
واذا هي مهمله و موهامها بيتها فالخدامه مستحيل تهتم !
انا ترا من اقوى اللي يعانون معاناتك بالرغم ان بيتي صغير
مادري يمكن لاني عندي 2 ورا بعض وكنت معطيتهم وجه وجننوني يحوسون ع كيفهم ويخربون
وتوني هذي السنه توني افهم واستوعب اني انا السبب في شقاوتهم لاني ماعلمتهم ع الصح
اشوفهم يوسخون واجي اشيله .. ليش ؟؟ المفروض هم يشيلون اللي وراهم
والى ساعتك هذي وانا وراهم ابيهم يعتمدون انهم اذا خلصو من الكاس او الصحن يرجعونهم للمطبخ مع الصحون اللي تحتاج غسيل


انا الاوقات اللي انزنق فيها زيك
ابدا بالملابس افرزها وبعدين احطها بالغساله ع دفعات
خلصتي .. رجعيها الدولاب
ادخلي المطبخ ونقعي المواعين اللي تحتاج غسيل لانها اكيد كثير ، حطي لك طشت كبير افضل
وبعدين غسلي المطبخ واطلعي واقفليه عنهم .
خلصتي .. امسكي لك غرفه او غرفتين تنظيف عميق ..
يعني لو تمسكين غرفتين كل يوم مع متابعة المطبخ والملابس بيصير بيتك زي الورده


واهم شي شيلي كل شي زايد وماتستعملونه وتصدقي فيه


بس في البدايه هي اللي راح تتعبين خاصه اذا كان بعد اهمال
اما اذا صار نظيف يبيلك بس اعاده بسيطه


وعشان ماتتضايقين او تخافين لما يرن الجرس
ابدي اولا بغرف الضيافه ومكان الاستقبال
ع الاقل عشان تكونين مرتاحه وماتحطين يدك ع قلبك !


ولايهمك قديم او جديد ترا النظيف واضح والوسخ واضح


الله يساعدك ويعينك ولاتنسين قبل النوم وصية الرسول لبنته اللي قالو لك عنها البنات


واذا صحيتي افطري واشربي نسكافيه مركز يعدل الراس هههه وشمري كمومك وانطلقي
ساعه شغل .. ونص ساعه راحه ياتلفزيون او جوال




وبشرينا ايش صار معك

واذا ماعندك غساله اوتوماتييك اشتريها
واذا ماعندك مجفف حراري لايفوتك اشتريه وانتي مغمضه يطلع الملابس مكويه 70٪‏ يعني بس يبيلك اعاده خفيفه ع الثياب الرجاليه
اما الباقي لا بس طلعيها من المجفف وسفطيها ودخليها الدولاب
ممكن اذا عندك بنت فوق 10 سنوات هي تتولى مهمه تسفيط الملاب
ومنها يطيح منك نص الشغل
هذا في حالة انك مو مؤيدين ان البنت لازم تسنعينها من بدري عشان انتي ترتاحين ومنها تشغلين وقت فراغها بشي سنع ع الاقل اريح من القنوات والايبادات !!!