.,,,,؛؛؛؛%#* ابغى اعمل صلصة بشاميل بس كثيفه ؟؟؟؟ كيف ساعدوني *#%

شوفي حبيبتي انا راح اعطيك طريقتي

انا اذوب 5 م حليب بودره في كاسين ماء

وبعدين احط القدر على انار واحط به زيت لمايسخن اضيف 5ملاعق طحين ابيض وبعدهااا احركه بسرعه واضيف الحليب الي ذوبناه

وبالخفاقه نخفق الى ان تبدا تتماسك ارش شويه ملح وفلفل اسود وارفعه من على النار اضيف قشطه عشان يطلع له طعم حلووو

وبعدها نحطها على المكرونه وبس

أتمنى أفدتك...

اختي راح تحتاجين الى :-

بيضة
ملعقتين كبار طحين
ثلاثة ارباع اصبع زبدة
اربع كاسات حليب سائل
كأس جبن سائل صغير
فلفل ابيض
جبنة بيتزا او شيدر

الطريقة

1- سيحي الزبدة في قدر بس تذوب اضيفي عليها الطحين يعني مو تخليها تصير حارة مرة بس تذوب

2- حركي الطحين في الزبدة الى ان يتغير لونه قليلا وعندها اضيفي الحليب بالتدريج

3- حركي المزيج واستمري في التقليب الى ان تثخن الصلصلة ( طبعا هي اساسا خفيفة يعني تميل لكونها سائلة اكثر من جامدة )

4- بعد غليان المزيج وتناسقه اضيفي الجبن السائل وحركي

5- بعد استوائها ارفعيها من على النار واضيفي الفلفل الأبيض مع الملح ( حسب الرغبة )

6- اتركيها حتى تبرد قليلا وبعد تحضي الطبق الأساسي اكسري البيضة او بيضتين على حسب رغبتك في تماسك الصلصلة وحركيها بسرعة وصبيها فوق الطبق بعد وضع طبقة من جبنة الشيدر او البيتزا قبل الصلصة وفوقها ثم بعض البقسماط

والنتيجة متأكدة انها راح تعجبك

ملاحظة : في حال تكتل الطحين في الصلصة قومي بتصفيتها في مصفاة

جربيها وادعي لي

تحياتي لك


جبتها من النت

شوفى اختى طرق عديده سويتها بس اخر طريقه تعلمتها من اختى سهله مره وحلوه ولذيذه واعتمدتها عاى طول جربيه وقولي لي
حطى فى خلاط الطماطم 4 كاسات مويه و8 ملاعق حليب بودره و6 ملاعق دقيق وملعقتين جبنه سايله واضربيهم بالخلاط
بعدين حطيهم بالقدر على نار واطيه وحركيهم بالمضرب الى ان يغلى الحليب ويكثف وصبي فوق المكرونه وشوفى كيف تطلع لذيذه ولينه وكثيفه

انا كنت اعاني من نفس المشكله لين سرت اذا شفتها خفيفه وما ثقلت اذووب نشاء بمويه بارده واضيفه واقلب الين اوصل للسماكه المطلوبه

بس في البدايه كثري كمية الدقيق اذا تحطي اربع خليها ست ملاعق او اكثر

اهلا .. انا عندي بشاميل كل من ذاقها عندي ياخذ الطريقه اخذتها من وحده تقول طريقه منال العالم ..
وهي .. بيضه -1م جبن سائل مليااانه -1م مايونيز مو مره مليانه -1م حليب بودره -2م دقيق ابيض -شويه بهارات انا احط حقت البرياني الغامقه وتطلع وااااو - وشويه ملح - فص ثوووم وهو اساس النكهه -كاس مويه .. كاس الجبن طبعا ..وتخلط باالخلاط زيين وبعدين ع النار لين تصير مثل ثقل المهلبيه .. وبلا تكتل وتجي كثيفه وتبيض وجهك .. ولو ترشين ع الوجه شويه جبن موزريلا تطلع شي ..وقولي ما قالت ام هيوووونهـ