رفع

انا بعلمك طريقتي وبتدعين لي

حطي بقدر الضغط حطي بالقدر الخضار زي ماهو بس نظفيه وشيلي الشي الزايد

كوسه وجزر وبطاطس شيلي قشرتها وفصوص ثوم زي ماهي وبصل قصيه نصين وطماطم قصيه نصين

وصلصلة طماطم شوي وكزبرة شوي وقرع اذا عندك وماجي ونص دجاجه نضفيها وشيلي الجلد وفنجان شاي عدس وحطي بهارات الشوربه وبهارات مشكله وليمون اسود واضيفي مويه مغليه للخضار والدجاج وقفلي قدر الضغط وخليها نص ساعه اهم شي الدجاج يستوي وبعدمايستوي طلعي الدجاج على جنب ونتفيه

والخضار بالخلاط حطيه كله وخذي نص الليمون الاسود واخلطيه معاها بعدين رجعيها للقدر واضيفي الدجاج المنتف وكويكر 3ملاعق وخليها على نار هاديه وقلبيها وشوفي لو تحتاج ملح او كمون وفلفل اسود واذا حسيتيها خفيفه برضو اضيفي كويكر لمن تثقل معاك

ترى مرة سهله بس انا شرحت بالتقصيل ولذيذه مرة

انا طريقتي اسلق الدجاج واحط معاه ملح وفلفل اسود ولما يستوي الدجاج احط فوقه الخضار واحط نصف مكعب ماجي واخلها الين تستوي بس ...
في طريقه من غير دجاج احط بقدر الخضار وربع زبده ومكعب ماجي واحط مويه حاره فوقه واخليها علي النار الين تستوي وبالعافيه ..

انا طريقتي اعملها بالمرق بس انتي اسلقي دجاج ونتفيه وفي المرقه اضيفي الخضار اللي تحبين انا احط بطاطس وجزر وكوسا لو فيه كرفس كمان حلو واحط معها كمان شعريه كميه قليله ومرقة ماجي وفلفل ورشة كركم قليل مره واذا قربت اطفي النار احط عليها ملفوف انا ما استخدم الماجي الا في شوربة الخضار هو اللي يحليها وممكن تستغنين عنه واذا تبغينها ثقيله شوي اضيفي لها شوية شوفان

بنات كيف اعمل الكبسة السعودية ارجو ارد اسريع