ابغى افضل طريقه لتجفيف الحبق

انا الي اعرفه تنظفينه بمويه وتخلينه برى فوق صحن
فوق الثلاجه خليه متباعد ويجف
بس لازم يتغير الطعم مو زي الطازج

سلام اختي
ممكن افيدك بطريقتي
ما تغسليه لانو ممكن يخرب تضعيه فوق صحن و تتركيه في مكان ظل ما فيه شمس حتى ما يسود و تخليه حتى ادا مسكتيه يتفتت و ضعيه في علبة و احفظيه في اي مكان بس ما يكون فيه ندى

ان شاء الله اكون افدتك

الحبق هو نفس نعناع حايل او النعناع المغربي

انا اغسلهن بماء بارد ثم أربطه واحركه لين يروح اغلب الماء

بعده أجيب منشفه بصحن كبير اوزعه واعرضه للشمس إذ فيه إذ ما فيه بأي مكان

مرتفع لمدة ثلاث او اربع أيام

وعوافي

جربي طريقتي وراح تدعليلي ^_^ لأنو انا الحبق هوا اكثر شي اجففه:


النتايج :::: اول شي بعد التجفيف حيكون لونه اخضر ^_^ ولما تستخدميه مع الشاي كأنك توك اشتريتيه ^_^ وحتشوفي الطعم المركز الحلو ^_^


:

اول ماتشتريه على طول قطفيه يعني الاوراق شيليها من الغصن لأن طول ماهيا بالغصن راح تذبل وتسود ^_^ لان الغصن سبحان الله يسحب اللون الاخضر من الاوراق

: قلنا اول شي تقطفيه وطبعا تستبعدي الاوراق التعبانه نبغى كل الاوراق الخضراء والحلوه فقط

ثاني شي غسليه كويس كويس كويس ^_^ وصفيه كويس وجيبي صحن كبير وحطي فيه طبقة من المناديل وورق نشاف المطبخ ورصي الحبق عليها وحاولي يكون مفرود كل حبه لحالها قد ماتقدري عشان ينشف بسرعه

وحطيه بأي مكان فيه هواء متحرك ^_^ وبأي مكان عادي انا عشان اظمن مايجيه غبار بعد ما افرش الحبق احط فوقه طبقة ورق نشاف حق المطبخ < اللي هوا حق الساندويشات بس اخليه فوقه وبين فتره وفتره اشيلها عشان الهوا يدخل بين الاوراق

وخليه يتهوا وحركيه كل كم ساعه وانثريه عشان الهوا يدخل من جهه وان شاء الله تقريبا خلال يوم ونص او يومين وبالكثير بالكثير ثلاث ايام تحصليه ناشف ولونه اخضر صحي ^_^ هنا على طول جيبي حافظه تتقفل كويس واحفضيه ^_^ حيجلس مده مره طويله طول ماهوا محفوظ

وبالصحه والهنا والعافيه

بس أأكد عليكي لازم تقطفيه اول ماتشتريه عشان تحصلي على النتيجه الممتازه وانا متأكده ان شاء الله انو الطريقه راح تنجح معاكي اذا اتبعتي الطريقه ^_^ بالتوفيق ..

انا اسوي زي طريقه ام ياسمين بدون غسل احطه بصحن وابعده عن بعض مزبوط واحط الصحن فوق الثلاجه وكل مادخلت المطبخ حركته وقلبته يومين بالكثير وهو جف ويبقى ريحته قويه ولونه اخضر واحفضيه في برطمان محكم الاغلاق وبالفريزر واذا جيتي تبين تستخدميه تاكدي ان يدك جافه وخذي اللي يكفيك وغسليه وتمتعي باحلى حبق