ابغى حل لمشكلتي مع الاهل

مرحبا
بادخل بالموضوع على طول
انا شخصيتي تقريبا اجتماعيه احب الحياة والطلعات والعزايم وكسر الروتين وفوق ذا ما شاء الله طموحه معي شهادتين
لكن مشكلتي اهلي منعزلييين مرررره حتى بدأ يأثر على مستقبلي ونفسيتي، يعني انعزالهم عادي تمر ٣سنين وما احد يجينا غير يمكن بس مرتين
عندنا أقارب لكن امي مره ماتحب الجمعات والزيارات الا للضروره مثلا وفاة أحد وابوي يساير امي ومعها دايما
المشكله العزله خلت العائلة في مشاكل كثيره بالذات معي انا، لأن انا لوحدي اللي اعترض على نمط العزله والكل راضي
المشكله حتى الوظايف ما توظفت بسبب رفض الأهل، اهلي فيهم شوي تشدد فجاتتي أكثر من ٣٠ وظيفه ورفضوها اهلي
ف صار كلام امي كله عن الشغل بالبيت أو التذمر وماتبي احد يشتغل بالبيت غيري وان تضايقت نادتني علشان تطلع حرتها فيني وتحرض البيت كله ضدي، مع ان الشاهد ربي اني ما أخطأ ولا خطأ مجرد ماحب اسكت عن حق سوا لي أو لغيري
امي تفكر بمستقبل كل اهلي تقريبا وحياتهم وتراضيهم الا انا مع اني كنت مصابه بمرض مزمن خلال ٣ سنين والحمدلله بقدرت ربي ورحمته اتشافيت من المرض،
وخلال فترات مرضى بعد كنت اعاني من مشاكل وعزله اهلي، انا خاطري اتزوج وكنت اقول لامي خلينا نطلع أو نعزم ناس خل الناس تشوفني تعرف اني موجوده يمكن اتزوج رد امي لي مانبي احد يجينا ووجع رأس
الزبدة عدت السنين والحين عمري ٣٠، لا توظفت ولا اجتمع بالناس ولا زواج ماغير كل يوم امي تسبب لي هوشه خاصه مع كورونا هالفترة بعد يعني حتى كوفيهات ممنوع نطلع
ف داخله في حالة نفسيه واخاف حتى مرضى السابق يرجع لي وانا مابديت حياتي خاصه امي كانت تقول لي ايام المرض قبلحتى لو جاك احد ماراح ياخذك لأنك مريضه، فيوم الحمدلله ربي رفع عني المرض وكل شوي اقول لأهلي خلينا نعزم ناس نطلع نشوف ناس ابي اكمل نصف ديني واعييش حياتي الباقيه مثل ما ابغى وزيارات وناس،
قالت امي دامك تشافيتي اشتغل معي مابي احد غيرك يشتغل معي، مع اني ممنوعه من الجهد والضغوطات النفسيه لين تستقر حالتي تماما، انا في هم كبير وربي


تعبت من جلست البيت والبعد عن الناس