كيفكم اخواتي بدخل في الموضوع على طول
كنا عند اهل زوجي فمرة طلبت من زوجي اني اروح عند اختي بعد المغرب تبغاني اسوي لها كم شغلة وهي دايم تجي عندي فقلت من زمان ما رحت بيتها وبالمرة اغير جو وكنت لما اكلمه بشويش يعني تقريبا ما احد يسمعنا وكان ابوه جالس في نفس الغرفة هو عنده خبر بالموضوع بس كنت ابغى التاكيد بروح ولا لأ عشان اعطي اختي خبر .. اللي قهرني في الموضوع لما يرد عليا يعلي صوته قدام اهله انو مو فاضي يودينا ويحسس اهله انو في مشكلة وانا اكلمه اقوله طيب وطي صوتك ...
اليوم تغدينا عند اهل زوجي كا العادة اتصلت امي عليا وقالت عند اهل زوج اختي عزاء فقالت تعالي فكلمته قبل المغرب وبعد الصلاة قلت اروح الين العشاء وبعدها ياخذني واختي ساكنه في نفس العمارة مع اهل زوجها وبيتها قريب مني ... راح صلاة المغرب وتاخر رحت ادق عليه وما رد وبعدها بشوي جاء فقلت له هااا نروح والعزاء وتاخذنين بعد العشاء قال لازم تروحي ما يقربولك شيء( ما في صلة قرابة) قلت طيب هما ما يقصروا معنا في وفاة جدتي قبل سنة عزونا وقلت ناخذ اجر في التعزية وكنت اكلمة في المجلس لوحدنا بصوت منخفض والمجلس بابه يفتح على الصالة وكل اهله موجودين الاب والام و2 اخوات مش متزوجات وحده 25سنة والثانية 29 سنة يعني كبار واللي قهرني وهو خارج من الغرفة يقول بصوت عالي اكسبي اجر واسمعي كلام زوجك حسسني اني دايما اعصيه ولا اروح خرجات من غير شوره استغفر الله من يوم ما تزوجت طلعات الحريم وجمعات قرايبنا ما يخليني بحكم ما يقربوا لنا من قريب يعني بس ( عمه خالة) المهم اخواتي انا سكت وجلست لحالي في الغرفة بعدين يجي يقول يالله نمشي نروح البيت قمت ولبست عبايتي والكل في الصالة وامه كانت رايحة لجيرانهم عندهم درس ديني فقالت لي تروحي وهي كانت بعيده عني بس هو جنبي رحت اقله ما يقربولي (طبعا عصب حس اني ادقه في الكلام ) بس كان الصوت بيني وبينه شوفوا ايش سواء...يعلي صوته يقول هذا درس وانا دخلت المجلس قلت كله واحد هذاء عزاء وهذا درس وبعدين اكلمة بشويش واقول وطي صوتك طيب وهو لا يسمع الكلمة بكل ما اوتي من قوة يعلي الصوت... بعدين سار يعصب عليا قدام اهله ويقول اسمعي الكلام بلا قلة ادب يا كلبه واهلة يهدوء فيه رحت انا عصبت وعليت صوتي وقلت انا ماني من الشارع انا بنت ناس فراح يردد ما تستحي تقول من الشارع ويطالع في اهله المهم دخلوا اهله في الموضوع الام والاب وصرت ابكي ويقولي خذيه بالسياسة وكلام كتير بس اللي حسيته من اهله اني انا الغلاطانة وهو الطيب المسكين وانا الشريره ويقولوا كل الرجال كذا ... والله كذابين مو كل الرجال كذا انا عندي اربع من اخواني ما شاء الله متزوجين ما شفت احد عصب على زوجته قدامنا وحتى لو صار مرة مو زي كل شويه احس انو يبغى يثبت لاهله اني اقدر اعصب على زوجتي واخاصمه قدامكم... وانا اقول لاهلة اللي زعلني انو يعصب عليا قدامكم انا مايعجبني... حتى امه لما تعصب على اخواته اخرج من الغرفة احس انهم ينحرجوا قدامي وانا ما احب حتى لو كانت امي عصبت عليا قدام حريم اخواني.....
اعذروني اذا ما فهمتوا من القصة والله من القهر ماني عارفة كيف اكتب بس ابغى اشاوركم اكلم ابويا يوقفه عند حده خاصة اني دايم يكرر اني ماني متربية....:44:
اخواتي صح زوجي ما شاءالله كويس معايا بس توصل يهزأني قدام اهله وانا ما سويت شيء صراحة حقدت عليه ومو اول مرة يسويها لو في بيتي بسكت والبيوت اسرار بس هذا نشر الغسيل وحسيت انو قدام اهله يسوي هذي الحركات كانو طفشان مني مع اني ما اقصر في حقه بشيء...
انا ليا متزوجة 3 سنين الا شهرين وعندي بنت وحده والمشكلة الحرة احطها في البنت يارب سامحيني
دعواتكم انو ربنا يهدي النفوس ويوفق بيني انا وزوجي
اللؤلوة @allolo_16
عضوة نشيطة
يلزم عليك تسجيل الدخول أولًا لكتابة تعليق.
بندورة@
•
الله يعينك بس أنتي فهميه أذا كنتوا في بيتكم وقوليله أنا ماحب تعاملني كذا عند أهلك بتحسسهم أنك ماتبيني وخذيها نصيحة من أخت لأختها الرجال مايحب الحرمه اللي ترادده وأذا غلط عليك حاولي تمسكين لسانك وما تتكلمين حتى لو غلط عليك وقال مو متربية أسكتي وبعدها بأيام قوليله أنت زعلتني بكلامك هذا وخذيه بالمسايره نصيحة
والله كان مثلك زوجي بعدين وحده الله يوفقها قالت لي لا تكلمينه قدام اهله ولا تفتحين مواضيع معه يعني حاضر وبس ماكأنه موجود واذا تسوين جلسه ثانيه مع خواته في غرفه ثانيه افضل علشان ما يتشطر وبينك وبينه قولي ليه ها الحركات ترى ما يسوي كذا الاضعيف الشخصيه يبين انه قوي و الناس تعرف كذا الي يتشطر على زوجته قدام الناس تكون هي الي حايسته الناس تقول كذا واذا ماحترمتني مااحد راح يحترمني وطنشيه والله جا يقولي ليش تسوين كذا قدام اهلي وخواته يقولون لي عطيه وجهه وكنت اقول له قبل لا نروح لا تتشطر وراحت بس تجيه حالات بس نصيحه ولا كنه موجود لاتحتكين فيه بيلاحظ ويتغير لاتقولين لبوك عالجي حياتك لاتكبر ما يحتاج
حاولي ماتناقشينه في أي موضوع قدام أهله
لأنه لو تعود يصيح عليك قدامهم ويشتكي لهم منك راح يستمر على طوووووووووول
حاولي في لحظات الصفا والروقان تقوليله ذاك اليوم أنا كان قصدي كذا وكذا وإنت فهمتني غلط وصحت علي قدام أهلك وجرحتني000
وإن شاء الله ربي يهديه ويسخره لك
لأنه لو تعود يصيح عليك قدامهم ويشتكي لهم منك راح يستمر على طوووووووووول
حاولي في لحظات الصفا والروقان تقوليله ذاك اليوم أنا كان قصدي كذا وكذا وإنت فهمتني غلط وصحت علي قدام أهلك وجرحتني000
وإن شاء الله ربي يهديه ويسخره لك
لا يمكنك مشاهدة هذا التعليق لانتهاكه شروط الاستخدام.
اختي اذا هو طبعه رفع الصوت والله مايحس بنفسه انا كذا احيان نكون برى البيت وغير زوجي يقولي وطي صوتك واناضر الي حوليني كلهم يناضرون.........بس حاولي ماتناقشينه وانتي عند اهله عشان مايكون له فرصه عليك
....
....
الصفحة الأخيرة
ماانصحك انك تدخلي اهلك بالموضوع كلميه لوحدك وهو رايق مو معصب تقدري تاخذي كل شي
والله يسهل عليك ويوفقك يارب