ابغى طريقة ايدام تكون حلوة

رفع

فيه ناس يفضلو المرق المشكل
اللي هو اغلبه الخضار


لكن بكتب لك طريقتي :

تسلقين حبتين بطاطس

6 حبات كوسه وتكون صغيره تحصلينها عند محلات التويجري

او اي محل قصيمي.

حبتين بطاطس كل حبه اربع قطع

وقرع عسلي ولاتكثرين حبتين طماطم وحبة ثوم


الطريقه

قطعي بصله واقليها في الزيت وضيفي لها اللحم او الدجاج

حتى ينشف الماء وضيفي الثوم وضيفي الطمام وملعقه معجون طماطم

وضيفي الخضار الباقيه وضيفي مرق اللحم او الدجاج ولاتنسين البهارات والملح

وضيفي البطاطس المسلوق مع الكميه حتى يعطيك ِ قوام غليظ للمرق.

وطي النار عليه 40 دقيقه اهم شي لا ينهري الخضار


والكوسا لاتقطعينها اتركيها عدله مثل ماهي وخصوصا اذا هي

كوسا من محل التويجري لان حبة الكوسا تجي قد الاصبع او اكبر شوي

طعمها لذيذ افضل من الكوسا الكبيره

ولك ِ الاختيار في نوع الخضار لكن لاتحطين اكثر من نوعين او ثلاثه والناس اذواق.


تحياتي لك ِ

قطعي بصل قطع صغار او ممكن بالفرامه - طماطم شيء مقطع قطع صغار مكعبات وشيء منه بالفرامه لان القطع تخليه ثقيل واللي بالفرامه يخلي له مرقه- 2 الى 3 حبات ثوم

حطي شويه زيت وفوقه البصل والثوم وقلبي خلي النار وسط واذا البصل ذبل زيدي عليه قطع الطماطم وقلبي اللين شوي تذبل وصبي عليهم الطماطم المعصورة

اضيفي اي نوع من الخضار مثلا بطاطس لازم تكونى مقطعتها قطع صغار شوي

اذا كنتى بتسوين ادام بطاطس لازم تخلي له نكه يعني كثري شوي القرفه
المهم خلاص الطماطم صار تمام في القدر حطي البطاطس اللي عندك
حطي بهاراتك وزي ما قلنا كثري قرفه وعرق فلفل حار (شطه)
في الوقت ذا زيدي الماء الساخن عليهم اللي يغطي البطاطس وخليها تغلي اللين تستوى

اخر شيء جيبي كزبرو وقطعيها صغااااااااااار وحطيها اخر شيء اذا استوت وقلبيها وهي على النار وطفي النار عليها

حبيتي تزيدي عرق فلفل براحتك اذا تبغي رائحه الفلفل واضحه ممكن اضافه مرقه ماجي
قدميها اما مع خبز او رز طبعا شيء معروف

-----------------------------------------------------------

مثلا الملوخيه اضيفي معاها في الطبخ كزبرة ناشفه تعطي نكهه مميزة لها بدون بهارات فقط شوي ملح مفلفل اسود كثري منه شوي او ممكن مخلوط فلفل ابيض وااسود
وفي التكشينه حبه طماطم فقط تعطي حموضه للملوخيه ولا تنسي عرق الفلفل بالاخير ومطحون الثوم لازم بالاخير يعني بس يغلون شوي وصبيهم بالطبق شوفي الريحه ييييييييييم
---------------------------------------------
مثلا بتسوين فاصوليا الخضراء لازم تحطي كمون لان الفاصوليا فيها الياف تسبب غازات للبطن فلازم تضيفي كمون شوي

اما الفاصوليا البيضاء لازم تحطي عليها ليمون اسود يعطي حموضه مستحبه ولازم عروق فلفل 2 لانها تسحب الغازات وافضل للايدامات عدم وضع الكمون لانه يعطي طعم مقرف لها بس ازيده للفاصوليا الخضراء ببببببببببببس ممكن اضافه مرقه ماجي

------------------------------------

ايدام الرجله نفس الشي بس ما تزيدين عليها مويه لانها فيها من نفسها مويه يعني فقط كشنى بالبصل ثم طماطم وزيدي عليها (عدس) مقدار فنجان قهوة عشان تثقل وخليها تستوى راقبيها اذا احتاجت مويه كان بها ولكن اصر عليكي انها ما تحتاج ولااااااااااااازم تزيدي عروق شطه وشوي فقط كمون شوي فقط وبهاراتك حقت الطبخ بشكل غير ملحوظ لان العدس يسبب غازات وحطي عروق فلفل وثوم مطحون قبل الاستواء وخليهم يغلون شوي وقدميهم ممككن اضافه مرقه ماجي




هذي طرقها بدون لحم ولا دجاج اما طرقهم باللحم نفس الشيء طبعا تحمسين الدجاج او اللحم بالبصل وتكمين الطريقه ممكن اضافه معجون طماطم عشان يعطي للايدام لون احمر ويثقله لو كان خفيف شوي


اتمنى انها تكون عجبتكي:)

http://forum.hawaaworld.com/showthread.php?t=1447767






8
8
8

هذي طريقتيي وما تغلا عليك يالغلا ومثل ما قلتي تصير ثقثله

شويتن ولو بغيتيها اثقل زياده زيدي النشا

وبالعافيه يارب

:cook:

سماء عالي
كفيتي ووفيتي يعطيك العافيه

الاخوات اللي ذكروا طريفتهم جزاكم الله خير ويعطيكم الف عافيه