ابغى مشورتكم ....

انا موجوده من زمان بالمنتدى بس هاذي اول مشاركه لي لأنو امس تفعلت عضويتي واخييييييييييييييييرا:27:


المهم ماحطول عليكم انا صرلي متزوجه من سنتين وكم شهر وللحين ماصار عندي حمل طبعا عدت السنه الاولى من غير اي تساؤلات بعدين قررنا نروح نشوف السبب المهم انا سويت تحاليل وكل شي طلع تمام عندي بس زوجي عنده قله بعدد الحيوانات المنويه يعني العدد كان مرةة قليل 7 مليون واحنا اخترعنا قلنا مافي حل المهم رحنا كم دكتور وبالأخير رحنا الدكتور سعد الحسن في الحمادي وقلنا انو مافي قدامنا الا الحقن المجهري وطبعا سوينا الي علينا لين ماحولنا ندخل مستشفى التخصصي طبعا علشان فتح الملف طلبو مني تحاليل واني اسوي اشعه الصبغه وطبعا سويتها بالحمادي

طولت عليكم بس وصلنا للمهم جلست بالغرفه معاهم يمكن ساعه ونص وكانو خمسه ممرضات مع الدكتورة الي بتسوي الصبغه المهم انو الصبغه مارضيت تدخل :icon33::icon33: حاولت 5 مرات وطبعا ماحتكلم على الالم الخيالي الي صرلي لدرجه اني حسيت نفسي بموت وكل ماحاولت تدخل الصبغه احس بشي قاعد يطلع وتقلي ارخي المهم وكل هل دوشه وهما جالسين يخبصو فيني قالت اخدتي مسكن طبعا انا انصدمت وصرخت عليها قلتلها هذا شغلي ولا شغلكم وانا متالمه وانتو ساكتين ليش ماعطيتوني خبر وخلصت ورحنا نشوف ايش النتيجه وقالت انو من كثر مو انا شاده مابان الانابيب مسكره ولا مفتوحه وقالت مدام انك تألمتي ****لله خير .

لما رحت التخصصي وتابعتني الدكتورة طلبت الاشعه ولما شافتها قالتلي مسكرين وطلبو تحليل من زوجي وربي يشهد يابنات انو بين تحليله الاول والتاني اسبوعين ماادري كيف وبمشيئه رب العالمين ارتفع ارتفاع رهيييييييييييييب بقدرة الله عز وجل ثم العسل الي كانو بياخده كل يوم الصبح على الريق وطبعا العسل اصلي بس مو هنا المشكله ارتفعت الحيوانات المنويه وطلع عنده تشوهات بنسبه 90 % وقالت انو الحل طفل الانابيب بالحقن المجهري وطلبت مني انزل وزني وجلست 3 شهور وانا احاول انزل 15 كيلو ونزلتهم والحمدلله واتصلت وبديت العلاج معاهم وطبعا من اسبوعين كان الترجيع واستنيت وكان طول فتره الانتظار في الم دورة ويوم رحت المستشفى اسوي تحليل طلع مافي حمل قدر الله وماشاء فعل الحمدلله على كل حال طبعا مستشفى التخصصي انتي وحظك وكان حظي مع الدكتور سعد الحسن بس سبحان الله ماصار نصيب بالحمل .


انا بنات لسى صغيره وبأول عمري وحازة بنفسي انو بديت انا وزوجي حياتنا بهل هم حمدالله على كل حال.

انا ابغى ادور الاسباب الطبيعه يعني بعيد المحاوله حقت اطفال الانابيب بس بودي اعرف وتأكد عندي انسداد ولا لأ ولو عندي اني اعالجه يمكن ولعل وعسى احمل طبيعي ايش بتشوروا علي اعيدها وين اعيدها للمعلوميه انا بالرياض وكيف وايش اسوي علشان يكون الالم بسيط ؟؟؟؟؟؟؟؟؟

وكان بودي اعرف ايش سبب فشل عملية اطفال الانابيب معانا هو كل شي بيد الرحمن بس الانسان بيدور على الاسباب ويحاول يعالجها ؟؟؟؟


انا طووووووووووووووووولت عليكم اسفه بس من زمان ودي اكتبلكم قصتي واشوف مساعدتكم لأني بصراحه احسكم اخوات لي وكلنا حاسين ببعض

يااااااااااااااااااااااااااااااااااااااااااااااااااااااااااااااااارب ترزق كل محرومه وتشفينا وتعافينا يارررررررررررررررب
ياحي ياقيوم
اللهم لاتذرني فردا وانت خير الوارثين