ابــــــــــــــــــــــــــــ ــــــلاتنـــــــــا

السلام عليكم ...


مراحب للجميع ..

اللي يحس اني طولت عليه يرسل الفاتورها .. العرض ساري لمده ثانيه ونص ..
وبعدين ترا الموضوع يخص عينه من المجتمع لا تجين ابلا الحين تنط بحلقي تراي اتكلم عن ناس مرت علي حالاتهم ....<<<<< اسلوب ما شاالله علي..
7
7
7
7
7
من يكون عمرنا 6 سنوات الى حد 22 23 سنه وحنا ندرس وكل سنه يمر علينا على الاقل 12 ابله او ابل ومن خبراتي السابقه بموضوع الابلوات ستكون الهرجه بهذا الموضوع عن انواع الابلوات اللي مرن علي علي حسب شخصياتهم ..هذا النوع يقطع عمره من الشرح على غير سنع ومن زود الاخلاص تجيه حاله مخاطم معلومات ..



النوع الثاني : يا دبشه يا تديبش ..:o
مثل سالفت ابله من ابلواتي كان عندنا امتحان نحو جت هي على بالي هيبه قالت ابروح شوي لم المديره لا جيت ابي القاكم صافينن الكراسي ومستعدين ..المهم هي راحت والا ما راحت اهم شي انه تركت اوراق الامتحان عندنا عاد حنا انواع الامانه المطبعيه ..<===كنا بزران ما علينا شرهه ..خطفنا ورقه وحلينا بكل اخلاص وتفاني .. ووزعنا الحل على كل الفصل علشان يصير فيه عدل نخاف يعاقبنا الله لا ما ساعدناهم وهم ما قصرو نقشو الحل على طاولاتهم ..عاد جت طويله العمر ..ابلتنا وكلش بمكانه ووزعت الورق وحنا انواع البراءه ما سوينا شي ابد ..وحلينا بدقيقه وعطيناه الورق جميع وهي عيونه بجبهته كلهم قضو وولا وحده نشبت بحلقه ..وراحت لبيتهم ..
يوم جا بكرا وتدخل علينا زعله قلنا بس شكله درت اننا لاهفينن الورقه وغاشين ..عقب ما بدت تفضفض وطلعت اللي بخاطره فهمنا انه زعلتن على الدرجات وراهن تسذا ...واثرنا كلنا مطقمينن واحد من خمسه ..واثر حلنا ما عندك احد ثلاث ارباعه غلط ..هذا وحنا ناقلينن من الكتاب ومذاكرين ..




النوع الثالث :معقـــده...:3_2_21v:
تجي علشان تحط عقده بنا مثلا مثلا به عقدت رجال وتنشب لنا ..وراهم يقولون ان الرجال احسن من الحريم وشبنا حنا يالحريم ناقصينن عنهم وينقلب الدرس هوش تقل حنا اللي قايلينن هالهرج ..وياويل اللي يناقش هذا راسب مقدما اصلا عنده اصلا حرام ما يجوز به قرار من وزاره التربيه والتعليم يمنع ان انتي تصيرين صح وهي غلط وكل شي ما يجوز له يصير به قرار يمنعه يا سبهان الله ..




النوع الرابع : مدري وش اسمي هالنوع ..:09:
هالنوع يا طول حصته ننام ونقوم ونحفظ وشهي لابسه ونناظر جزمته تناسب بكلته والا لا ونهوجس مره ثانيه ونقضي مهوجسين ويخلص الدرس وتقعد تدور تصحح دفاترنا وتهوش على الطريق وتخلص وتقعد على الكرسي وتنود وتنام وتقوم واخيرا تصفر بس وش عقبه بعد ما جانا اكتئاب ..




النوع الخامس : المزاجـــيه . ..::27:
ابله من الابلوات اللي مرن علي ...له 44 مزاج على وزن ام اربع واربعين رجل ..
المهم كل يوم جايتنا بكشره مره حليله بلحيل بلحيل عاد هذاك اليوم تلقى هالبنات ما صدقو احد يعطيهم شوية حنان والا يضحك بوجيههم الا طاحو بشباك حبه وحبوه ﴿حركات بزران ﴾علشانه ضحكتلهم يحول ياهم تعالو شوفو بعد الحصه انواع الملاحق انواع الرسايل انواع التلزق .. همن تجي من بكرى وهي خشته شبرين وعليه نظرات تقول ذابحينن حدا عياله وهات يا هوش وخسف بهالدرجات واذا قضت الحصه شف الموكب يلحقونه البنات اللي لحقوه امس والدموع اربع ثلاث على وزن اربع اربع ...يحسبونه معصبه علشانهم زعلوه ..المهم الزبده الزبده وسبب رزه هالخشه ان رجله نافخن عليه بالطريق وعلى حسب نوع النفخه يتحدد المزاج ...




النوع السادس : النجـــسه . ..:30:
هذي ما تتعامل الا بالدرجات وتقدر شي اسمه صفر ..لان من اهم محتويات شخصيته صفر والا كان تتعب نفسيا كمدرسه ..



النوع السابع : اللي اهم شي نخلص المنهج وافتك ::::angry:
فهمت مافهمت ماهوب شغلة
حليت ماحليت ماجاب خبر
تحضر تغيب كله واحد عنده
وفي النهاية تقول نجحه لا ينشب بحلقي سنة ثانية
لذلك تلقاها يحط الدرجة على ريحة الجواب ويقول أكيد الولد فاهم بس ماعرف يعبر عن فهمه .


النوع الثامن : المخـــفه.... المخفه

اللي تجلس في الفصل وكان يناقز في حصتها ويسولف ويضحك

وهي تكمل شرح ولا كان فيه شي غلط ....:35:









هذا من النماذج اللي مرت على وهنا انا ما اظلم كل المدرسات هذا النوع هو نوع رايحن وطي ومنتهي ..ووجوده وعدمه واحد ..لان المدرسه اعتقد ان شخصيتهالازم تكون متوازنه ولايكون همه الاكبر كيف تفرض شخصيته على هالطلبه الغلابا ﴿﴿ صح انه فيهم حقهم بس بالأسلوب الصح للتعامل يخليها تقدر تسيطر على الوضع﴾﴾ ... فهنا اتمنى لو يعملون جرد لمدرسينا وما يعينون مدرسه الا بعد اختبار شخصيه علشان يتم التعيين على حسب مقاييس معينه
منطقيه وفاهمه ..<<<<< اثر التفلسف ما يبيله ...:)

ولــــــ ــــــكم الف تحيه