امممممممممممممممممممممممم

والله يابنااااااااااات بعرسي طلعت قمر تصلحت في مركز تجميل مره فخم وتكلفت 3الاف ريال وجبت نقاشه نقشتني بـ500ريال غير الفستان حق العرس كان خيااااااااااااال

حجزت مصوره وحجزت كوشه

كنت مرررررررره متحمسه وابي افرح ومافكرت بالفلوس ابد

قلت دام العرس مختصر هذا في وجهم بكيفهم

لكن اهم شي طلعتي للناس انا واهلي

جاء موعد العرس يوم21-7-1429هـ

- جتني النقاشه في نفس اليوم الفجر دخلت الساعه 4 الفجر وطلعت 7 الصباح

- نمت بعدها وماصحيت الا 1 الظهر ومانمت زين من القلق بس اول مافتحت عيوني صرت اناظر النقش كان مررررررررررره يجنن نقشت رجولي الى الركبه ويديني الى الكتف وسوت لي رسمه على ظهري<<<من زود الاغراء >>>>مالت على الحظ بس حسبت اني ماخذه رجال !!!
-اول ماصحيت لقيت اخواتي يجهزون انفسهم رايحين المشغل وماجلس في البيت الا انا وامي وجدتي وابوي واخواني

- راح ابوي وجاب لنا غداء مندي يبي يودعني وكان غداء يجنن بس ماكلت الا شوي لاني كنت مره مرتبكه وخايفه

- جهزت شنطتي الي باخذها معي وشنطة الاب توب لانه قالي جيبيه عشان لاسافرنا ناخذه معنا وجهزته خليت هالاغراض عند امي وقلت خذوها معكم للقاعه وبعدين اعطوها زوجي يحطها بالسياره

- رحت للمشغل بعد العصر ومن زود التوتر والخوف جتني الدوره بغيت انجن من القهر نكدت علي بس كنت عامله حسابي المفروض موعدها يوم 16 لكنها تاخرت عشان نفسيتي كانت مضطربه وماشفت تجي الا يوم العرس

- طبعا لاجتني اتعب واعصب ونفسيتي تصير زفت وانتم بكرامه

- بعد المغرب ولا انا احس باعراض الصداع النصفي دايم يجيني مع الدوره وكل اهلي كان خايفين يجيني وبغيت انجن يوم طب علي وقلت للبنات ياولي يابنات جاااااااااااني الصداع قالو ياااااااااالله انقهرو عارفين انه يتعبني مرررررررررره

- بدأت درجة حرارتي ترتفع وبدا معي الغثيان وخلاص معدني طايقه ريحة المكياج والعطور والاسبريه والاضائه كانت حمراء مسكت نفسي وهم ماسكيني ويقرون علي وكل هذا مابلغته زوجي لانا كان على اتصال مع بعض بس ماحبيت ازعجه واخوفه علي مالت علي!!!

- جاء دوري مكياج واول ماشافتني قالت اشفيك قلت لها مصدعه وبدأت تصلحني وحاسه اني اطبخ من الصخونه وطول الوقت ادعي واستغفر تمر الليله باسلام ماتبشرت بالخير دام هذا كله حصلي وانا لسى مارحت القاعه

- وصلت الكوشه على القاعه ودقوا على زوجي طنشهم مارد عليهم وهم اخذو مني رقمين رقم زوجي ورقم اختي الكبيره وصارو يدقون عليها جتني اختي قالت الكوشه وصلت وزوجك مارد عليهم


- اتصلت فيه وقلت له فيه رقم يدق عليك انت بالقاعه قال ايه قلت الكوشه وصلت استقبلهم باقي لهم 600ريال اعطيهم ودخلهم رفض وكان يكلمني باسلوب ماعهدته منه شكله كان مره معصب وراح لهم وصرفهم وقال مانبي كوشه

- اتصلت في اهلي ابي احد يروح لهم يحاسبهم عشان تدخل الكوشه محد فاضي لي وفعلاً لغى الكوشه وبغيت اطق من القهر وراح لهم اخوي بعد العرس اخذ الفلوس واعتذر لهم لان صاحب المحل زميل عمي <<<<فشلنا زوجي منهم

-قلت يابنت طنشي ومشيها

- راحو اهلي للقاعه وانا لسى بالمشغل واول ماوصلو لقو القاعه مليانه ناس واخوات زوجي ماحجزو لاهلي طاوله تخيلووووووووو وانا موصيتهم امي مره زعلت واخواتي تخيلو اهل العروس مالهم مكان في اول الصفوف مدري وين جلسو
- جت خالتي مسكت امي قالت اخواته استقبالهم يفشل قالبين وجيههم على ضيوفك وشايفين انفسهم مره

- وكانت اخته الكبيره الله لايسامحها ماسكه الجوال وتتصل في زوجي وتشتكي مني عنده تقوله شوف عروستك ماخلت احد ماعزمته وضيوفنا مالهم مكان يقول جننوني اخوات بالاتصالات والشكاوي علي وعلى اهلي لين خلاص وصلت معاه وارفع ضغطه

- وانا واهلي ماعندنا خبر بكل الي جالس يصير من ورانا

- هم الي جو خطبوني وماتو علي وجلسو يقنعوني في اخوهم وفي طيبته ونخوته وكلام الحريم الي تعرفونه

- انا بالمشغل اصارع المرض والالم والتعب وادعي الله يخففه عني

- خلصتني الكوفيره مشاءالله يابنات لاقوة الا بالله طلعت اجنن مرررررررررره شكلي كان روعه بس باين اني تعبانه وعيوني حمراء

- رحت القاعه ودخلت واول ماوصلت كلمت المصوره وقلت لها تجي لبست الفستان ولبست الاكسسوار ووصلت المسكه وكانت نااااااااااااااااااااااااايس مره تاخذ العقل ودي احط لكم صور العرس عشان تشوفون كيف طلعت وتحكمون على هالحمار الي تزوجته^_*<<<ماعندي وقت ههههههه

- جت المصوره وصورتني وجاء زوجي وشافني وانهبل علي وناظرني نظرات كلها اعجاب صورت بالفديو كل شي والمصوره تصورني وهو جالس من بعيد يتأملني كانت اختي الي تصور بالفديو المهم طلعت المصوره وجلس معي شوي يتكلم ولا الجوال بعده يرن ويكلمونه اخواته مدري وش يقولون

- جلس معي وبارك لي وسلم علي وطلع

- يابنات قسم بالله اخواته 7 والي من ابوه 4 متزاعل مع امهم ولا عزمهم بس 7 الي جو قسم بالله ماشفت منهم ولا وحده الا الكبيره شفتها بس من بعيد لا سلمت علي ولا شي والباقين ماشفتهم ابد

- جاء وقت الزفه وقالت اخته بنحط شريط انا رفضت وقلت ابي الطقاقه تزفني انا راسي بينفجر مره كنت تعبانه واقاوم قد ماقدر خلاص بيغمى على من الالم الدوره قطعت بطني والصداع فجر راسي ومحد داري عني الا ربي

- القاعه صغيره ماتحتاج شريط كلها خطوتين واوصل الكوشه قلت لا ابي الطقاقه تزفني بسرعه لانها وصلت معي خلاص زعلو اخواته وحقدو علي اكثر وراحو اتصلو عليه يشتكون زوجي خلاااااااااااااااص حسيته من زنهم كرهني وانا للحين مدري انهم يتصلون بعد العرس عرفت كل هالكلام

- طبعا جت الزفه ودخلت القاعه اخواته شالو عيالهم واخذو عبيهم وطلعو من القصر تخيلوووووووو النذاله وبعدين كلهم سوا متفقين علي وقبل مايطلعون ناظرو وش سو

1- مسكو اخوهم وقالو له اسمع حرمتك هذي مانبيها وبيتك ذا محرم علينا ندخله الله لايوفقها هذي قويه وبتتحكم فيك من الحين هذي طمعانه فيك وفيها وفيها وهو خلاص على كلامه يقول لاخوانه كلمة الطلاق كانت على طرف لساني كنت بطلقها يوم العرس من شكاوي اخواتي وانا والله ماسويت لهم شي ولا شفتهم اصلن بس حقيرات الله لايسامحهم

2- دخلت وحده من خواته وجلست تكش علي تعرفون معنى تكش علي بيدها يعني مالت عليك وطلعت والحريم شافوها

3- اخته الثانيه راحت لموظفه بالقاعه وقالت خلاص طفي النور عليهم خلص العرس والموظفه رفضت الله يسعدها حرمة خالي شافتها وهي تترجاها بس هي رفضت الحمدلله

4- مسكو شغالاتهم وخلهم يبكون مويه والناس لسى ماطلعو في الحوش وفي السيب الي يطلع على القاعه والناس طلعو وعبيهم وفساتينهم غرقت حتى انا يوم جيت اطلع رفعو لي فستاني لاقصى حد عشان لايغرق وربي مو غسيل ذا بحرررر وهم وش دخلهم يغسلون ابي افهم ولا بس نذاله وقهر مني ومن ضيوفي وحسد وغيره وش رايكم بالوقاحه

- العشاء يابنات يفشل مره قليل ضيوف امي راحو لصاله الطعام ورجعو مالقو مكان وامي مره انحرجت يالله بغت تطق من القهر مدري كم صحن حطو؟؟؟

- وانا على الكوشه ادورهم ومحد قالي شي من اهلي كل هالاخبار عرفتها بعد الزواج استغربت مره انهم راحو ولا باركو لي ولا سلمو علي

- جاء زوجي وركبت معاه ووجه اسود من القهر وزعلان مره حسيت ان فيه شي وقلت له وش فيك قالي ان رجله بغت تنكسر عليه اليوم التوت عليه ومو قادر يمشي زين وقلت له سلامتك

- ابوي مسكه ووصاه علي هو وامي وحتى اخواتي وقالهم ابشرو ومشينا

- طبعا سافرت في نفس الليله لان العرس بمدينه وبيتي في مدينه ثانيه كان نفسي نروح فندق وبعدين نروح لبيتي بس هو رفض وانا بموت من التعب وسكت ماقلت له شي قلت اصبري واحتسبي وسافرنا من زود التعب نمت وهو طول الطريق ساكت مايتكلم ومادخن الحمدلله لانه عارفني اكره الدخان

- وصلنا لبيتي واول ماوصلنا صحاني كنت نايمه يافرحتي والله قالي خلاص وصلنا توه وقف ولع سجاره وانا معي غثيان وخلاص مسكت نفسي ابستفرغ وحاطه يدي على فمي ابي اطلع البيت بسرعه

- فتح شنطة السياره وقالي يالله تعالي شيلي معي الشنط قلت انااااااااااااااااااا استغربت مره بغى يغمى علي انا طول الطريق تعبانه وزي النار من الصخونه ودوره وحالتي حاله وهذا يقولي تعالي شيلي معي يوم قربت منه قالي لا خلاص انا اشيلها


-ودخلت بيتي وكان يجنن مشاءالله لاقوة الا بالله بيت رائع وعفش يشرف وكل شي من احسن شي قالي يالله تعالي افرجك قلت له ابي اروح لغرفتي اول ابي اروح افصخ فستاني واشوف عمري وانتم خابرين دوره ورجال وخلافه وداني الغرفه وغيرت ودخلت دورة المياه خذت دوش سريع لجسمي بس لبست وطلعت ومكياجي وتسريحتي مثل ماهم ولسى ماعرف ان علي الدوره استحيت اعلمه

- هو كان مره مقلوب مزاجه ويفكر تفكير عمييييييييييق بس مدري عن شي ولا ادري بالاتصالات ولا ادري انه كان بيطلقني انا افكر وش اقوله وش اسولف معه وطلعت له مبتسمه رغم الالم يالله مني ومن برائتي وهو يفكر كيف يتخلص مني ويخلص نفسه من هالورطه

هااااااااا يابنات وش رايكم

قسم بالله والي يفقدني اغلى ماعندي ابوي وامي اني ماكذبت بحرف هذا كله صار يوم عرسي
هذا بالله عرس ولا قلة حيااااااااااء عمركم شفتم او سمعتم عن عرس زي كذا

عشان كذا ابي افرررررررح بعرسي اذا ربي وفقني مع ابن الحلال الي يعوضني

وانسى كل هالمصايب الي صارت لي من اول يوم الله لو تدرون وش صار لي بعدها بس الحمدلله على كل حال

والحين كل من سمع اني طلقت قال من يوم شفنا اخواته واستقبالهم قلنا مامن وراهم خير ابد


وش رايكم بامانه؟؟؟

هاااااااااااا وش رايكم وينكم ؟؟؟؟؟؟؟

لاحول ولا قوة الا بالله
ياقلبي هذا مو رجال
لو رجل مافكر بالطلاق من اول ليله ومن كلام خواته
حسبي الله ونعم الوكيل
احمدي ربك الي فكك منه لانه مايستاهل واهله كانهم داخلين حرب
مو زواج
بعض الناس مدري ليه يخطبون لعيالهم ؟؟!!.
اذا الي متقدم لك يستاهل ويخاف الله
حطي عرس وانبسطي وعوضي كل الي فاتك
الله يرزقك الزوج الصالح الي يعوضك ويوقفك
ويسخره لك ويرزقك الذرية الصالحه
واهم شي استخيري

راينا< شافت ردك الأخير
انك تحطين اللي براسك زواج بقاعة تكوني انتي مختارتها وزفه وتصوير ولا تنسين تعزمين أهل طليقك بعد خلي
مرارتهم تنفقع من القهر
صراحه وقااااااااااااااااحه فيهم ألف مبروك لأنك تخلصتي منهم
والله يوفقك ويسعدك ولا تنسين انك تستخيرين باللي تقدم لكم والله يكتب لك مافيه الخير

اااااااااااااااااااه مرارتي بتنفقع انا كل ماتذكر اقول ليييييييييييييييييييييييييييش ليييييييييييييييييييييش
وش سويت لهم والله اني ماسويت لهم شي مدري وش هالحقد علي

يابنات للحين حاقدين علي بيموتون قهررررر مني

هم واخوهم معهم بعد

حسبي الله عليهم ونعم الوكييييييييييييييييييييييييييييل