ابلغ والا لا

حليمه الحليمه :

شوفي حبيبتي لا امك ولا حولك راح يحسون فيك و بوجعك ، لاتعلمينهم ولا تشتكين لهم و لاتخلينهم يعرفون وش عندك ببيتك او وش يصير ... ، لكن انا مابي اخرب عليك بيتك وبعدين تدعين علي ، لكن الضرب انواع في منها تأديب و في منها ترهيب مايرضي الله سبحانه و تعالى ... اذا زوجك طيب و كريم و راعي صلاة و يخاف الله و اخلاقه حلوه اذا كان مروق ، بس المشكله اذا عصب حط الحره بعيالك هنا لازم تتكلمين معه و تقولين : يافلان الله سبحانه و تعالى جعل الأب امان للزوجه و للعيال وحنا بعصبيتك مانشوف الامان نخاف منك و لانرتاح بدخلتك علينا و عيالك تسبب لهم عقد نفسيه ، عيالنا راح يكبرون و يتزوجون و يبتعدون راح يطلعون للمجتمع البنت مايتقبلها زوجها و تعيش سعيده ، والولد ماراح تتقبله زوجته و يعيش سعيد و اذا تذكروا وش كنت تسوي لهم بيدعون عليك ، اترك لهم ذكرى حلوه لاتضربهم وش خليت للناس اللي برى من كثر ماتضربهم تضعف شخصيتهم و يطمعون بهم الناس اللي برى ... خاف الله بعيالك ، امانه عندك خاف على نفسيتهم وراهم مستقبل .. اذا متضايق اطلع برى البيت لاتواجه عيالك حرام اللي تسويه ... تكلمي معه مره و مرتين و ثلاث و عشره ، ادعي الله يسخره لكم ، دافعي عن عيالك اذا كان يضربهم بدون سبب ماكانوا يخطئون ، لااااااا تسكتين .. وعيالك تكلمي معهم ، هذا ابوكم و لازم نتحمله و هديهم بكلمتين و من بر الوالدين نتحملهم حتى او كانوا من كفار قريش ، واذا عندك ولد كبير خليه يتكلم مع ابوه ... اما اذا كان زوجك بكل ساعه يضربهم و كل يوووووووم و يتسبب بكدمات باجسامهم و يعنفهم ، هنا اقولك روحي المستشفى و خوذي تقرير و بلغي بس قبل كل شئ ، وين تسكنين ؟ كيف تعيشين ؟ من وين تصرفين ؟ كيف ردة فعله بعد البلاغ ؟ ... الا بتبلغين و يكتب تعهد مايتعرضكم و ترجعين تعيشين معه ... لكن تحسين بامان ؟؟؟؟ هل بيتغير ؟ هل تتطلقين ؟ وين تروحين ؟ عيالك معك ؟ وش راح تواجهين من امك ؟ راح تتعبين زياده  ...

شوفي حبيبتي لا امك ولا حولك راح يحسون فيك و بوجعك ، لاتعلمينهم ولا تشتكين لهم و لاتخلينهم يعرفون...